കൊച്ചി: തൊണ്ടിമുതലില്‍ മാറ്റം വരുത്തിയെന്ന കേസില്‍ മുന്‍ മന്ത്രി ആന്റണി രാജുവിന് തിരിച്ചടി. കേസില്‍ ശിക്ഷ മരവിപ്പിക്കണമെന്ന ആവശ്യം കോടതി തള്ളി. ഇതോടെ ആന്റണി രാജുവിന് തെരഞ്ഞെടുപ്പില്‍ മത്സരിക്കാനുള്ള അയോഗ്യത തുടരും. ജസ്റ്റിസ് സി ജയചന്ദ്രനാണ് കേസ് പരിഗണിച്ചത്.

നേരത്തെ ആന്റണി രാജുവിനെ കുറ്റക്കാരനാണെന്ന് കണ്ടെത്തി നെടുമങ്ങാട് ജുഡീഷ്യല്‍ മജിസ്‌ട്രേറ്റ് കോടതി മൂന്ന് വര്‍ഷത്തെ തടവും 10,000 രൂപ പിഴയും ശിക്ഷ വിധിച്ചിരുന്നു.

ALSO READ: മന്ത്രി വി. അബ്ദുറഹ്മാൻ പ്രചരണത്തിനിറങ്ങാതെ വിട്ടുനിൽക്കുന്നതിൽ എൽ.ഡി.എഫിന് തലവേദന; വിശദീകരണവുമായി സി.പി.എം

മൂന്നുവര്‍ഷത്തെ തടവ് അദ്ദേഹത്തെ എം.എല്‍.എ സ്ഥാനത്ത് നിന്ന് അയോഗ്യനാക്കി. ജനപ്രാതിനിധ്യ നിയമത്തിലെ സെക്ഷന്‍ 8(3) പ്രകാരം അടുത്ത തെരഞ്ഞെടുപ്പില്‍ മത്സരിക്കുന്നതില്‍ നിന്ന് വിലക്കിയിരുന്നു. തുടര്‍ന്ന് മജിസ്ട്രേറ്റ് കോടതി വിധിയെ ചോദ്യംചെയ്ത് ആന്റണി രാജു തിരുവനന്തപുരം സെഷന്‍സ് കോടതിയില്‍ അപ്പീല്‍ നല്‍കി. അയോഗ്യത പ്രാബല്യത്തില്‍ വരുന്നത് തടയാന്‍ ശിക്ഷ സ്റ്റേ ചെയ്യണമെന്നായിരുന്നു ആവശ്യം.

സെഷന്‍സ് കോടതി അപ്പീല്‍ വാദം കേള്‍ക്കാന്‍ സ്വീകരിച്ചെങ്കിലും ഫെബ്രുവരി 17ന് പുറപ്പെടുവിച്ച ഉത്തരവ് വഴി ശിക്ഷ സ്റ്റേ ചെയ്യാന്‍ വിസമ്മതിച്ചു. ഇതേത്തുടര്‍ന്നാണ് തന്റെ ഇടക്കാല ഹരജി തള്ളിയ സെഷന്‍സ് കോടതിയുടെ ഉത്തരവിനെതിരേ ആന്റണി രാജു ഹൈക്കോടതിയെ സമീപിച്ചിരിക്കുന്നത്. 

Kerala politician Antony Raju suffered a major setback in the Thondimuthal case, as the court ruled that he is ineligible to contest in the upcoming elections. The decision comes following legal proceedings in the case, significantly impacting his political prospects. The ruling is expected to influence the electoral landscape and party strategies in the state.