കണ്ണൂർ: തെരഞ്ഞെടുപ്പ് പ്രചാരണത്തിനായി മുഖ്യമന്ത്രി പിണറായി വിജയൻ ധർമ്മടത്തെത്തി. സ്ഥാനാർത്ഥി പ്രഖ്യാപനത്തിന് ശേഷം ആദ്യമായി മണ്ഡലത്തിലെത്തിയ മുഖ്യമന്ത്രിക്ക് കണ്ണൂർ വിമാനത്താവളത്തിൽ വൻ സ്വീകരണമാണ് നൽകിയത്. വിമാനത്താവളം മുതൽ പിണറായി വരെ നീണ്ട റോഡ് ഷോയോടെയാണ് പ്രചാരണ പരിപാടികൾക്ക് തുടക്കമായത്.

തുടർച്ചയായ മൂന്നാം തവണയാണ് പിണറായി വിജയൻ ധർമ്മടത്ത് നിന്ന് ജനവിധി തേടുന്നത്. കഴിഞ്ഞ പത്ത് വർഷത്തെ വികസനങ്ങൾ ഉയർത്തിക്കാട്ടിയാണ് ഇത്തവണത്തെ പ്രചാരണം. വരും ദിവസങ്ങളിൽ വോട്ടർമാരെ നേരിൽ കണ്ട് വോട്ട് അഭ്യർത്ഥിക്കുന്ന തിരക്കിലാകും അദ്ദേഹം. 

ALSO READ: 'തലമുറമാറ്റം അനിവാര്യം, ലീഗിന്റേത് മികച്ച പട്ടിക'; കോഴിക്കോട് സൗത്തിൽ സ്ഥാനാർഥിയെ ജയിപ്പിക്കുമെന്ന് എം.കെ മുനീർ

ധർമ്മടത്തിന് പുറമെ, തളിപ്പറമ്പ്, പയ്യന്നൂർ മണ്ഡലങ്ങളിലും മുഖ്യമന്ത്രി നേരിട്ടെത്തി പ്രചാരണത്തിന് നേതൃത്വം നൽകിയേക്കും. കണ്ണൂരിൽ സി.പി.എം നേരിടുന്ന പ്രധാന വെല്ലുവിളി പാർട്ടി വിട്ട പ്രമുഖ നേതാക്കളുടെ സ്ഥാനാർത്ഥിത്വമാണ്. തളിപ്പറമ്പിൽ ടി.കെ. ഗോവിന്ദൻ സ്വതന്ത്രനായി മത്സരിക്കുന്നുണ്ട്. ഇദ്ദേഹത്തിന് കോൺഗ്രസ് പിന്തുണ പ്രഖ്യാപിച്ചിട്ടുണ്ട്.

ധർമ്മടത്ത് മുഖ്യമന്ത്രിയെ നേരിടാൻ കോൺഗ്രസ് പരി​ഗണിക്കുന്നത് യുവനേതാവായ വി.പി. അബ്ദുൾ റഷീദിനെയാണ്. കെ.പി.സി.സി അംഗവും യൂത്ത് കോൺഗ്രസ് സംസ്ഥാന ജനറൽ സെക്രട്ടറിയുമാണ് റഷീദ്. തളിപ്പറമ്പിൽ ടി.കെ. ഗോവിന്ദന് പിന്തുണ നൽകാൻ യു.ഡി.എഫ് തീരുമാനിച്ചതോടെയാണ് അബ്ദുൾ റഷീദിനെ ധർമ്മടത്തേക്ക് മാറ്റിയത്. കഴിഞ്ഞ തവണ തളിപ്പറമ്പിൽ എം.വി. ഗോവിന്ദന്റെ ഭൂരിപക്ഷം ഗണ്യമായി കുറച്ചതിലൂടെ റഷീദ് ശ്രദ്ധേയനായിരുന്നു. മുൻപ് 40,000-ത്തിന് മുകളിലായിരുന്ന എം.വി. ഗോവിന്ദന്റെ ഭൂരിപക്ഷം 22,000-ത്തിലേക്ക് ചുരുക്കാൻ റഷീദിന് സാധിച്ചിരുന്നു. ഇതേ പോരാട്ടവീര്യം ധർമ്മടത്തും ആവർത്തിക്കുമെന്നാണ് കോൺഗ്രസ് പ്രതീക്ഷ.

Kerala Chief Minister Pinarayi Vijayan kicked off his election campaign in Dharmadam with a grand reception at Kannur Airport, followed by a roadshow from the airport to Pinarayi ¹.