2025 ഏപ്രിൽ 29-നാണ് യൂറോപ്പിന്റെ ആധുനിക ചരിത്രത്തിൽ തന്നെ ഏറ്റവും ഗൗരവമേറിയ വൈദ്യുതി മുടക്കം റിപ്പോര്‍ട്ട് ചെയ്യപ്പെടുന്നത് . സ്പെയിനും പോർച്ചുഗലും ഉൾപ്പെടെ ഐബീരിയൻ പെനിൻസുലയുടെ വലിയൊരു ഭാഗം പല മണിക്കൂറുകളിലായി ഇരുട്ടിലേയ്ക്ക് മടങ്ങി. ആധുനിക സൗകര്യങ്ങളുടെയും സേവനങ്ങളുടെയും അടിസ്ഥാനമായ വൈദ്യുതിയുടെ അപ്രതീക്ഷിതമായ ഇല്ലായ്മ, വെറും സാങ്കേതികതയിലൊതുങ്ങാതെ, സാമൂഹികമായും സാമ്പത്തികമായും വലിയ പ്രത്യാഘാതത്തിന് വഴിയൊരുക്കി. മണിക്കൂറുകളോളം നീണ്ട ബ്ലാക്ഔട്ട് ഏകദേശം ഒരു കോടി ജനങ്ങളെ ബാധിച്ചു. വ്യോമയാനം, റെയിൽവേ, മെട്രോ, ആശുപത്രികൾ, ടെലികമ്മ്യൂണിക്കേഷൻ, ദൈനംദിന ജീവിതത്തിന്റെ അടിസ്ഥാന സൗകര്യങ്ങൾ എന്നിവയെല്ലാം താറുമാറാക്കി. ബ്ലാക്ക്ഔട്ട്, രണ്ടുപതിറ്റാണ്ടിനിടയിൽ യൂറോപ്പിൽ സംഭവിച്ച ഏറ്റവും വലിയ വൈദ്യുതി മുടക്കമായിരുന്നു. 

 

 

എന്താണ് സംഭവിച്ചത്?
സ്പെയിനിൽ ഉച്ചയ്ക്ക് 12:30-നും പോർച്ചുഗലിൽ രാവിലെ 11:30-നും ആരംഭിച്ച വൈദ്യുതി മുടക്കം ഫ്രാൻസിന്റെ തെക്കുപടിഞ്ഞാറൻ മേഖലകളിലേക്കും വ്യാപിച്ചു. മാഡ്രിഡ്, ബാഴ്സലോണ, ലിസ്ബൺ തുടങ്ങിയ പ്രധാന നഗരങ്ങളിൽ മെട്രോ, റെയിൽ, വിമാനത്താവളങ്ങൾ എന്നിവയുടെ പ്രവർത്തനം നിലച്ചു. കാറ്റലോണിയയിൽ മാത്രം 600 പേർ ലിഫ്റ്റുകളിലും 35,000 പേർ ട്രെയിനുകളിലും കുടുങ്ങി. മാഡ്രിഡ് ഓപ്പൺ ടെന്നിസ് ടൂർണമെന്റ് പോലും താൽക്കാലികമായി നിർത്തിവച്ചു.

അവശ്യ സേവനങ്ങൾ തകർന്നപ്പോൾ 
ആശുപത്രികൾ ജനറേറ്ററുകളുടെ സഹായത്തോടെ പ്രവർത്തനം തുടർന്നെങ്കിലും, വെള്ളം, ഇന്റർനെറ്റ്, ടെലിഫോൺ സേവനങ്ങൾ എന്നിവയിൽ വൻ തടസ്സം നേരിട്ടു. നഗരവാസികൾ ആശുപത്രികളിലെ ഓപ്പൺ വൈ-ഫൈ ഉപയോഗിക്കാൻ തിരക്കുകൂട്ടി. രാത്രിയിൽ മെഴുകുതിരി വെളിച്ചത്തിൽ ജനങ്ങൾ ഒത്തുകൂടിയത്, നൂറ്റാണ്ടുകൾക്ക് മുമ്പുള്ള ജീവിതരീതിയിലേക്കുള്ള തിരിച്ചുപോക്കിനെ ഓർമിപ്പിച്ചു.

കാരണം എന്തായിരുന്നു?
വൈദ്യുതി മുടക്കത്തിന്റെ കൃത്യമായ കാരണം ഇതുവരെ ഔദ്യോഗികമായി സ്ഥിരീകരിക്കപ്പെട്ടിട്ടില്ലെങ്കിലും, വിവിധ സാധ്യതകൾ പരിശോധിക്കപ്പെട്ടുവരുന്നു.

1. പവർ ഗ്രിഡിലെ തകരാർ: യൂറോപ്യൻ പവർ ഗ്രിഡിലെ സ്പെയിനിലേക്കുള്ള കേബിളിന്റെ തകരാർ പ്രാഥമിക സംശയമായി ഉയർന്നു. പ്രധാനമന്ത്രി പെഡ്രോ സാഞ്ചസ് വ്യക്തമാക്കിയതുപോലെ, 15 ഗിഗാവാട്ട് വൈദ്യുതി അഞ്ച് സെക്കൻഡിനുള്ളിൽ നഷ്ടപ്പെട്ടതാണ് ഈ സംഭവത്തിന്റെ തുടക്കം. ഇത് രാജ്യത്തിന്റെ മൊത്തം വൈദ്യുതി ആവശ്യത്തിന്റെ 60% മാത്രമല്ല, രാജ്യത്തെ സാമ്പത്തിക പ്രവർത്തനങ്ങളെ തകർക്കാൻ മതിയായിരുന്നു.

2. പുനരുപയോഗ ഊർജ്ജത്തിന്റെ അമിത ഉൽപാദനം: സോളാർ, വിൻഡ് എന്നീ പുനരുപയോഗ ഊർജ്ജശ്രോതസ്സുകൾ നിന്നുള്ള അമിത വൈദ്യുതി ഗ്രിഡ് സാന്ദ്രതയ്ക്ക് തടസ്സം സൃഷ്ടിക്കുന്നുവെന്നതിനുള്ള മുന്നറിയിപ്പുകൾ നേരത്തേ ഉണ്ടായിരുന്നതിനാൽ, ഈ സാഹചര്യം വീണ്ടും ചർച്ചയിലാകുകയായിരുന്നു. എന്നിരുന്നാലും പ്രധാനമന്ത്രി ഈ ആരോപണങ്ങളെ "അസത്യവാദം" എന്ന് നിഷേധിച്ചു.

3. സൈബർ ആക്രമണ സാധ്യത: സൈബർ ആക്രമണത്തിലൂടെ ഗ്രിഡ് തകരാറിലായത് എന്നൊരു സംശയം ഉയര്‍ന്നുവെങ്കിലും, നിലവിൽ യാതൊരു തെളിവുകളും കണ്ടെത്തിയിട്ടില്ല. യൂറോപ്യൻ കമ്മീഷനും കൗൺസിലും ഈ സാധ്യതയ്ക്ക് പിന്നാലെ കൂടുതൽ അന്വേഷണങ്ങൾ നടത്തുന്നു.

ഈ വൈദ്യുതി മുടക്കം, യൂറോപ്പിന്റെ വൈദ്യുതി ഗ്രിഡ് സംവിധാനത്തിൽ നിലനിൽക്കുന്ന ദുർബലതകൾ വെളിപ്പെടുത്തിയതുമാത്രമല്ല, ഊർജ്ജഭദ്രതയുമായി ബന്ധപ്പെട്ട കൂടുതൽ അന്തർദേശീയ സഹകരണത്തിന്റെ ആവശ്യകതയെ വ്യക്തമാക്കിയതുമാണ്. ഐബീരിയൻ പെനിൻസുല ഫ്രാൻസുമായുള്ള പരിമിത ഗ്രിഡ് ബന്ധങ്ങളോടെയാണ് പ്രവർത്തിക്കുന്നത്. ഈ "ഊർജ്ജ ദ്വീപ്" നില മാറ്റേണ്ടത് അത്യാവശ്യമാണ് എന്ന് യൂറോപ്യൻ കമ്മീഷൻ ഏറെക്കാലമായി വാദിച്ചുവരുന്നു.

പുനരുപയോഗ ഊർജ്ജം സുസ്ഥിരവും പരിസ്ഥിതി സൗഹൃദവുമാണെങ്കിലും, അതിന്റെ ഉൽപാദനവും വിതരണം നിയന്ത്രിക്കുന്നതിനുള്ള സാങ്കേതിക സംവിധാനങ്ങൾ വിശ്വാസ്യതയും സ്ഥിരതയും ഉറപ്പാക്കുന്ന വിധത്തിൽ ആസൂത്രണം ചെയ്യപ്പെടേണ്ടതുണ്ട്. സൈബർ സുരക്ഷ, ജാഗ്രതാപൂർവമായ ഗ്രിഡ് മാനേജ്മെന്റ്, അന്തർദേശീയ സഹകരണം എന്നീ ഘടകങ്ങളിൽ കൂടുതൽ നിക്ഷേപം നടത്താതെ ഇത്തരമൊരു ദുരന്തം ഭാവിയിലും ആവർത്തിക്കപ്പെടാനുള്ള സാധ്യത വളരെ ഉയർന്നതാണ്.

2025-ലെ ഈ വൈദ്യുതി മുടക്കം, യൂറോപ്പിന്റെ ഊർജ്ജ നയങ്ങളെയും സുരക്ഷാസ്ഥിതികളെയും വെളിച്ചത്തിലാക്കിയൊരു കഠിനപാഠമായിരുന്നു. അതിന്റെ പശ്ചാത്തലത്തിൽ യൂറോപ്പ് വലിയതോതിൽ പരിഷ്കരണ നടപടികൾ ആരംഭിക്കുന്നതും, ആധുനിക സാങ്കേതികതയോടൊപ്പം ജാഗ്രതയും സുരക്ഷയും ഉറപ്പാക്കേണ്ടതുമാണ്.

 Summary (English): On April 29, 2025, Spain and Portugal experienced one of the worst power outages in Europe in the past two decades, affecting around 10 million people. Major cities like Madrid, Barcelona, and Lisbon came to a standstill as electricity failed for several hours, disrupting public transport, hospitals, airports, and communication networks. Emergency services had to rescue people trapped in elevators and trains. The blackout also caused panic buying, water shortages, and even led to seven deaths due to fire and carbon monoxide poisoning. While the exact cause remains unconfirmed, early investigations suggest a major fault in the European power grid, possibly triggered by an overload or technical failure. Speculations also included excessive solar power generation and potential cyberattacks, though no concrete evidence was found. Spain and Portugal, along with EU authorities, have launched official investigations. This incident highlighted the vulnerabilities in Europe’s energy infrastructure and reignited debates over grid stability, renewable energy integration, and the need for stronger cross-border power connectivity.