വെറും വയറ്റില്‍ എന്താണോ ആദ്യം കഴിക്കുന്നത് അത് നിങ്ങളുടെ കുടല്‍ ദീര്‍ഘകാലത്തേക്ക് എങ്ങനെ പ്രവര്‍ത്തിക്കും എന്നതിനെ നിര്‍ണയിക്കുന്നു. അതുകൊണ്ട് തന്നെ രാവിലെ വെറും വയറ്റില്‍ വേപ്പില കഴിക്കുമ്പോള്‍ നിങ്ങള്‍ക്ക് കയ്പ്പു കാരണം കഴിക്കാന്‍ ബുദ്ധിമുട്ടു തോന്നിയേക്കാം. എന്നാല്‍ ഒഴിഞ്ഞ വയറില്‍ കഴിക്കുന്ന ഈ വേപ്പിലയ്ക്ക് നിരവധി പ്രശ്‌നങ്ങളെ അകറ്റി നിര്‍ത്താനുള്ള അദ്ഭുതകരമായ പ്രകൃതിദത്ത പരിഹാരമാണ് വേപ്പില എന്നത് ശ്രദ്ധിക്കേണ്ടതാണ്. 

വെറും വയറ്റില്‍ വേപ്പില കഴിക്കുന്നതിന്റെ ഗുണങ്ങള്‍ എന്താണെന്നു നോക്കാം

നിങ്ങളുടെ കുടല്‍ വ്യവസ്ഥയില്‍ നിന്ന് രോഗാണുക്കളെ ഇല്ലാതാക്കുന്നു. വെറും വയറ്റില്‍ വേപ്പില കഴിച്ചാല്‍ ഉണ്ടാകുന്ന ഗുണങ്ങള്‍ നിരവധിയാണ്. കുടലിന്റെ ആരോഗ്യത്തെ ഇത് മികച്ചതാക്കും. ഈ ഇലകള്‍ നിങ്ങളുടെ കുടലിനെയും ദഹനനാളത്തെയും ദോഷകരമായ രോഗകാരികളില്‍ നിന്ന് സംരക്ഷിക്കുന്നതാണ്. ആധുനിക ജീവിതശൈലികള്‍, ഭക്ഷണക്രമങ്ങള്‍, ക്രമരഹിതമായ ഭക്ഷണശീലങ്ങള്‍ എന്നിവ നമ്മുടെ കുടലിലെ അണുബാധയ്ക്കു കാരണമാകുന്നു. അതുകൊണ്ട് തന്നെ ആര്യവേപ്പു പോലുള്ള ഇലകളെ ദൈനംദിന ദിനചര്യയില്‍ ഉള്‍പ്പെടുത്തേണ്ടത് അത്യാവശ്യമാണ്. 

കരളിന്റെ ആരോഗ്യം 

വേപ്പില വെറും വയറ്റില്‍ കഴിക്കുന്നത് കരളിന്റെ ആരോഗ്യത്തിന് നല്ലതാണ്. വേപ്പിലയുടെ ആന്റി ഇന്‍ഫഌമേറ്ററി ഗുണങ്ങള്‍ ഫ്രീ റാഡിക്കലുകള്‍ മൂലമുണ്ടാകുന്ന ഓക്‌സിഡേറ്റീവ് സമ്മര്‍ദ്ദത്തെ ചെറുക്കുകയും ഇത് കരള്‍ കോശങ്ങളെ നശിപ്പിക്കുകയും അതിന്റെ പ്രവര്‍ത്തനങ്ങളെ തടസ്സപ്പെടുത്തുകയും ചെയ്യും. 

മലബന്ധം - വയര്‍വീര്‍ക്കല്‍ 

വയറ്റിലെ പ്രശ്‌നങ്ങള്‍ കുറയ്ക്കാന്‍ വേപ്പില സാധാരണയായി ഉപയോഗിക്കുന്നു. വേപ്പിലയുടെ നാരുകള്‍ മലവിസര്‍ജനം നിയന്ത്രിക്കാന്‍ സഹായിക്കുകയും ചെയ്യും. വയര്‍ വീര്‍ക്കുന്നതും ഒഴിവാക്കുന്നു. ഇത് ആരോഗ്യകരമായ ദഹനവ്യവസ്ഥയെ പ്രോല്‍സാഹിപ്പിക്കുകയും ചെയ്യുന്നു. 

രക്തത്തിലെ പഞ്ചസാരയുടെ അളവ് നിയന്ത്രിക്കാന്‍

വേപ്പിന്റെ കയ്പ് രുചി പലപ്പോഴും പ്രമേഹത്തെ നിയന്ത്രിക്കാനുള്ള കഴിവുമായി ബന്ധപ്പെട്ടിരിക്കുന്നു. ഇതിന്റെ അളവ് കുറയ്ക്കാനായി പലരും വേപ്പ്  കഴിക്കാറുണ്ട്. നിങ്ങള്‍ക്ക് അളവ് നിയന്ത്രിക്കണമെന്നുണ്ടെങ്കില്‍ ദിനചര്യയില്‍ വേപ്പില ഉള്‍പ്പെടുത്തുന്നത് ഗുണം ചെയ്യുന്നതാണ്.