തിരുവനന്തപുരം:  രാഹുല്‍ മാങ്കൂട്ടത്തിനെതിരേ സ്വമേധയാ കേസെടുത്ത് ക്രൈംബ്രാഞ്ച്. സ്ത്രീകളെ പിന്തുടര്‍ന്ന് ശല്യം ചെയ്‌തെന്ന കുറ്റത്തിനാണ്് കേസെടുത്തത്. ഡിജിപിക്ക് ലഭിച്ച പരാതികളിലാണ് അന്വേഷണം. അതേസമയം പരാതികളുള്ള സ്ത്രീകളില്‍ നിന്ന് മൊഴിയെടുക്കാനുള്ള ശ്രമങ്ങളും ക്രൈംബ്രാഞ്ച് ആരംഭിച്ചു. 

രാഹുല്‍ മാങ്കൂട്ടത്തിനെതിരേ നിയമ നടപടിയുണ്ടാകുമെന്ന് മുഖ്യമന്ത്രി പിണറായി വിജയന്‍ പറഞ്ഞിരുന്നു. പിന്നാലെയാണ് ക്രൈംബ്രാഞ്ച് കേസെടുത്തത്. 

രാഹുല്‍ രാഷ്ട്രീയത്തിന് അപമാനം വരുത്തിവെച്ചുവെന്നും എംഎല്‍എ ആയി തുടരരുതെന്നാണ് പൊതുഅഭിപ്രായമെന്നും മുഖ്യമന്ത്രി വാര്‍ത്താ സമ്മേളനത്തില്‍ പറഞ്ഞിരുന്നു. ഗര്‍ഭം ധരിച്ച യുവതിയെ കൊല്ലാന്‍ അധികം സമയം വേണ്ട എന്ന് വരെ പറയുന്ന അവസ്ഥ എത്രമാത്രം ക്രിമിനില്‍ രീതിയാണെന്ന് മുഖ്യമന്ത്രി ചൂണ്ടിക്കാട്ടി. ഇത്രത്തോളം പോയ ഒരു കാര്യം ഇതുവരെ അനുഭവത്തില്‍ കേട്ടിട്ടില്ല. സാധാരണ നിലക്ക് ശരിയായ നിലപാട് എടുക്കണം മുഖ്യമന്തി പറഞ്ഞു.

നിയമപരമായി സ്വീകരിക്കേണ്ട നടപടികളെല്ലാം സ്വാഭാവികമായും പൊലിസ് സ്വീകരിക്കും. പരാതി നല്‍കാന്‍ ഏതെങ്കിലും തരത്തില്‍ ആശങ്കയുണ്ടാകേണ്ടതില്ല. എല്ലാ സംരക്ഷണവും സര്‍ക്കാര്‍ ഉറപ്പുവരുത്തുമെന്നും മുഖ്യമന്ത്രി വ്യക്തമാക്കി.