കൊച്ചി: മുൻ ഡിജിപിയും ഉന്നത പൊലിസ് ഉദ്യോഗസ്ഥനുമായ ടോമിൻ തച്ചങ്കരിക്ക് അനധികൃത സ്വത്ത് സമ്പാദന കേസിൽ കനത്ത തിരിച്ചടി. കേസിൽ വിജിലൻസ് അന്വേഷണം നേരിടണമെന്ന് കേരള ഹൈക്കോടതി ഉത്തരവിട്ടു. കേസുമായി ബന്ധപ്പെട്ട നടപടികൾ വൈകിപ്പിക്കാൻ തച്ചങ്കരി വിവിധ മാർഗങ്ങൾ സ്വീകരിച്ചതായി കോടതി വിലയിരുത്തി. 2007-ലാണ് കേസ് രജിസ്റ്റർ ചെയ്തത്. 

സംസ്ഥാന സർക്കാർ പ്രതിക്കനുകൂലമായി പ്രവർത്തിച്ചതിൽ കോടതി ആശങ്ക പ്രകടിപ്പിച്ചു. 2021ൽ തച്ചങ്കരിയുടെ അപേക്ഷയെ തുടർന്ന് സർക്കാർ ഉത്തരവിട്ട തുടർ അന്വേഷണം ഹൈക്കോടതി റദ്ദാക്കുകയും ആറ് മാസത്തിനകം വിചാരണ കോടതി കേസ് തീർപ്പാക്കണമെന്നും ഹൈക്കോടതി നിർദേശിച്ചു. എന്നാൽ, സർക്കാർ നിർദേശപ്രകാരം നടത്തിയ തുടർ അന്വേഷണത്തിൽ പുതിയ കണ്ടെത്തലുകൾ ഉണ്ടെങ്കിൽ അത് വിചാരണ കോടതിക്ക് പരിഗണിക്കാമെന്നും ഡിവിഷൻ ബെഞ്ച് വ്യക്തമാക്കി.

ALSO READ: പുതിയ കാർ നിങ്ങളുടെതാണ്: നിർബന്ധമായും കാർ വാങ്ങുന്നവർ ശ്രദ്ധിക്കുക; PDI ചെയ്യാതെ ഡെലിവറി എടുക്കരുത്

സർക്കാർ തുടർ അന്വേഷണം നടത്താൻ ഉത്തരവിട്ടത് പ്രതിയുടെ അപേക്ഷയെ അടിസ്ഥാനമാക്കിയാണ് എന്നത് ശരിയല്ലെന്ന് കോടതി ചൂണ്ടിക്കാട്ടി. 2002ൽ ബോബി കുരുവിള എന്നയാൾ നൽകിയ പരാതിയെ തുടർന്നാണ് വിജിലൻസ് അന്വേഷണം ആരംഭിച്ചത്. 2013ൽ തച്ചങ്കരിക്കെതിരെ വിജിലൻസ് കുറ്റപത്രം സമർപ്പിച്ചിരുന്നു. എന്നാൽ, വിചാരണ വൈകുന്നതിനിടെ 2021ൽ സർക്കാർ തച്ചങ്കരിയുടെ അപേക്ഷ പരിഗണിച്ച് തുടർ അന്വേഷണത്തിന് ഉത്തരവിടുകയായിരുന്നു.

ഈ തുടർ അന്വേഷണ ഉത്തരവിനെ ചോദ്യം ചെയ്താണ് ബോബി കുരുവിള ഹൈക്കോടതിയെ സമീപിച്ചത്. തച്ചങ്കരിക്കെതിരെ 2007ൽ രജിസ്റ്റർ ചെയ്ത അനധികൃത സ്വത്ത് സമ്പാദന കേസിന്റെ വിചാരണ പുരോഗമിക്കുന്നതിനിടെ, ഹൈക്കോടതിയുടെ ഈ ഉത്തരവ് കേസിന്റെ തുടർനടപടികൾക്ക് നിർണായകമാകുമെന്നാണ് വിലയിരുത്തൽ.

ALSO READ: മികച്ച സാങ്കേതിക വിദ്യകളും സർവീസും: ആളുകളുടെ ഇഷ്ട സ്കൂട്ടറായി മാറി ടിവിഎസ് ജുപ്പിറ്റർ; ജൂലൈയിൽ വിറ്റഴിച്ചത് 1.24 ലക്ഷം യൂണിറ്റുകൾ

In a setback for retired DGP Tomin Thachankary, the Kerala High Court ordered him to face a Vigilance probe in a 2007 illegal wealth acquisition case. The court criticized his attempts to delay proceedings and expressed concern over the state government's favorable actions. It quashed a 2021 government order for further investigation and directed the trial court to conclude the case within six months.