തൃശൂര്‍: ബി.ജെ.പി മുന്‍ സംസ്ഥാന പ്രസിഡന്റുമാരായ കെ. സുരേന്ദ്രനെയും വി. മുരളീധരനെയും സി.കെ പത്മനാഭനെയും കഴിഞ്ഞദിവസം നടന്ന പാർട്ടി നേതൃയോഗത്തില്‍ പങ്കെടുപ്പിക്കാതിരുന്നത് ബോധപൂര്‍വമെന്ന് ചൂണ്ടിക്കാട്ടി ദേശീയ നേതൃത്വത്തിന് പരാതി നല്‍കുമെന്ന് സൂചന. 

സംസ്ഥാന പ്രസിഡന്റായി രാജീവ് ചന്ദ്രശേഖറിനെ നിയമിച്ചശേഷം കൂടിയാലോചനകളില്ലാതെയാണ് കാര്യങ്ങൾ നീങ്ങുന്നതെന്നാണ് കെ. സുരേന്ദ്രനെ അനുകൂലിക്കുന്നവര്‍ ചൂണ്ടിക്കാട്ടുന്നത്. നിലമ്പൂര്‍ ഉപതെരഞ്ഞെടുപ്പില്‍ ആദ്യം സ്ഥാനാര്‍ഥിയുണ്ടാകില്ലെന്ന് പറഞ്ഞതുള്‍പ്പെടെയുള്ള കാര്യങ്ങള്‍ സുരേന്ദ്രൻ പക്ഷം കേന്ദ്രനേതൃത്വത്തിന്റെ ശ്രദ്ധയില്‍പ്പെടുത്തും. കെ. സുരേന്ദ്രന്‍ നേരിട്ട് ആക്ഷേപവുമായി ദേശീയനേതാക്കളെ കാണുമെന്നാണറിയുന്നത്. 

ALSO READ: മഴയ്ക്ക് നേരിയ ശമനം; ഒറ്റപ്പെട്ട ഇടങ്ങളിൽ ശക്തമായ മഴ

സംസ്ഥാനത്ത് കോര്‍കമ്മിറ്റി യോഗം കാലങ്ങളായി ചേരാറില്ല. തൃശൂരില്‍ കഴിഞ്ഞദിവസം നടന്ന നേതൃയോഗത്തില്‍ നിന്ന് മുന്‍ സംസ്ഥാന അധ്യക്ഷന്മാരായ വി. മുരളീധരന്‍, കെ. സുരേന്ദ്രന്‍, സി.കെ പത്മനാഭന്‍ എന്നിവരെ ഒഴിവാക്കിയ ശേഷം 30 ന് കോര്‍കമ്മിറ്റി യോഗത്തിലേക്കു വിളിക്കുമെന്ന നിലപാട് അവഹേളനപരമാണെന്നാണ് പരാതി. 

സംസ്ഥാന അധ്യക്ഷനായി രാജീവ് ചന്ദ്രശേഖര്‍ ചുമതലയേറ്റ ശേഷം പലവട്ടം കെ. സുരേന്ദ്രന്‍ എതിര്‍പ്പ് പ്രകടിപ്പിച്ചിരുന്നു. 
കേന്ദ്രമന്ത്രി സുരേഷ്‌ഗോപിയുടെ നടപടികളെയും സുരേന്ദ്രന്‍ വിമര്‍ശിക്കുന്നു. ശോഭാ സുരേന്ദ്രന്‍, പി.കെ കൃഷ്ണദാസ് പക്ഷത്തിന് പുതിയ സംസ്ഥാന അധ്യക്ഷന്‍ നല്ല പരിഗണന നല്‍കുമ്പോള്‍ സുരേന്ദ്രനെയും മുരളീധരനെയും തഴയുകയാണെന്നാണ് പരാതി. 

Former BJP state presidents K. Surendran, V. Muraleedharan, and CK Padmanabhan were noticeably absent from a recent party leadership meeting in Thrissur. Sources indicate that their exclusion was deliberate, and aggrieved leaders are considering escalating the matter to the national leadership. This development highlights potential internal conflicts within the Kerala BJP unit ¹.