ന്യൂ ഡല്‍ഹി: സോഷ്യലിസം, മതേതരത്വം എന്നീ പദങ്ങള്‍ ഭരണഘടനയുടെ ആമുഖത്തില്‍ നിന്ന് നീക്കം ചെയ്യാനുള്ള സുവര്‍ണാവസരമാണിതെന്ന് അസം മുഖ്യമന്ത്രി ഹിമന്ത ബിശ്വ ശര്‍മ. മറ്റ് രാജ്യങ്ങളുടെ ഭരണഘടനകളില്‍ നിന്ന് സ്വീകരിച്ച പദമാണ് ഇവയെന്നും,  അതിന് പകരം ഭഗവദ്ഗീതയില്‍ നിന്ന് നമ്മുടെ മതേതരത്വം സ്വീകരിക്കണമെന്നും ഹിമന്ത പറഞ്ഞു. 

അടിയന്തരാവസ്ഥയുടെ അന്‍പത് വര്‍ഷങ്ങള്‍ ഈ വര്‍ഷത്തോടെ പൂര്‍ത്തിയായി. ബ്രിട്ടീഷ്, അമേരിക്കന്‍ ഭരണഘടനകളില്‍ നിന്ന് സ്വീകരിച്ച പദമാണ് സോഷ്യലിസവും, മതേതരത്വവും. മറ്റ് രാജ്യങ്ങളെ ആശ്രയിക്കാതെ ഭഗവത്ഗീതയില്‍ നിന്നാണ് നാം നമ്മുടെ മതേതരത്വം സ്വീകരിക്കേണ്ടതുണ്ട്. ആര്‍എസ്എസ് നേതാക്കളും മറ്റ് ബുദ്ധിജീവികളും ഈ വാക്കുകള്‍ ഭരണഘടനയില്‍ നിന്ന് നീക്കണമെന്ന് ആവശ്യപ്പെട്ടിട്ടുണ്ട്. അതുകൊണ്ട് തന്നെ ഇതാണ് അതിന് പറ്റിയ സമയം,' ഹിമന്ത ബിശ്വ ശര്‍മ പറഞ്ഞു. 

ALSO READ: ഭരണഘടന'തിരുത്താന്‍' ആര്‍.എസ്.എസ്; ആമുഖത്തില്‍നിന്ന് സോഷ്യലിസ്റ്റ്, സെക്യുലര്‍ എന്നീ വാക്കുകള്‍ ഒഴിവാക്കണമെന്ന് പാര്‍ട്ടി ജനറല്‍ സെക്രട്ടറി 

അടിയന്തരാവസ്ഥ കാലത്തെ പ്രധാനമന്ത്രി നരേന്ദ്ര മോദിയുടെ അനുഭവങ്ങളുടെ സമാഹാരമയ പുസ്തകത്തിന്റെ പ്രകാശന ചടങ്ങിലാണ് കടുത്ത മോദി ഭക്തനായ ഹിമന്തയുടെ വിവാദ പരാമര്‍ശം. 

നേരത്തെ ആര്‍എസ്എസ് ജനറല്‍ സെക്രട്ടറി ദത്താത്രേയ ഹൊസബാല ഭരണഘടനയുടെ ആമുഖത്തില്‍ നിന്ന് സോഷ്യലിസ്റ്റ്, മതേതരത്വം എന്നീ പദങ്ങള്‍ ഒഴിവാക്കണമെന്ന് ആവശ്യപ്പെട്ട് രംഗത്തെത്തിയിരുന്നു. ഈ വാക്കുകള്‍ അടിയന്തരാവസ്ഥ കാലത്ത് 42ാം ഭരണഘടന ഭേദഗതിയിലൂടെ കൂട്ടിച്ചേര്‍ത്തതാണെന്നും, അംബേദ്കര്‍ തയ്യാറാക്കിയ ഭരണഘടനയുടെ ആമുഖത്തില്‍ ഈ ഇല്ലായിരുന്നുവെന്നും ആര്‍എസ്എസ് നേതാവ് പറഞ്ഞിരുന്നു.

Assam Chief Minister Himanta Biswa Sarma says it's the right time to remove the words 'Socialism' and 'Secularism' from the Constitution's Preamble. He said these words were taken from other countries' constitutions, and instead, India should follow the idea of secularism based on the Bhagavad Gita.