ട്രെയിൻ യാത്രയിൽ മനോഹരമായ കാഴ്ചകൾ ആസ്വദിക്കുമ്പോൾ സൗജന്യമായി ഭക്ഷണം കൂടി ലഭിച്ചാൽ ആരാണ് ഇഷ്ടപ്പെടാത്തത്? അവിശ്വസനീയമെങ്കിലും, ഇന്ത്യയിൽ യാത്രക്കാർക്ക് പൂർണമായും സൗജന്യ ഭക്ഷണം നൽകുന്ന ഒരു ട്രെയിൻ ഉണ്ട്. മഹാരാഷ്ട്രയിലെ നന്ദേഡിനും പഞ്ചാബിലെ അമൃത്സറിനും ഇടയിൽ സർവീസ് നടത്തുന്ന സച്ച്ഖണ്ഡ് എക്സ്പ്രസ് ആണ് ഈ പ്രത്യേക ട്രെയിൻ. ഏകദേശം 29 വർഷമായി ഈ സേവനം തുടർന്നുവരുന്നു.

അമൃത്സറിലെ ശ്രീ ഹർമന്ദർ സാഹിബ് ഗുരുദ്വാരയിൽ നിന്ന് നന്ദേഡിലെ ശ്രീ ഹുസൂർ സാഹിബ് ഗുരുദ്വാരയിലേക്ക് ഈ ട്രെയിൻ രണ്ട് പ്രധാന സിഖ് മതകേന്ദ്രങ്ങളെ ബന്ധിപ്പിക്കുന്നു. 2,000 കിലോമീറ്റർ ദൂരം 33 മണിക്കൂറിൽ 39 സ്റ്റേഷനുകളിലൂടെ പിന്നിടുന്ന ഈ യാത്രയിൽ, യാത്രക്കാർക്ക് ബ്രേക്ക്ഫാസ്റ്റ്, ലഞ്ച്, ഡിന്നർ എന്നിവ സൗജന്യമായി ലഭിക്കുന്നു.

ന്യൂഡൽഹി, ഭോപ്പാൽ, പർഭാനി, ജൽന, ഔറംഗാബാദ് തുടങ്ങിയ ആറ് പ്രധാന സ്റ്റേഷനുകളിൽ ട്രെയിൻ നിർത്തുമ്പോൾ ഭക്ഷണം വിതരണം ചെയ്യുന്നു. കാദി-ചാവൽ, ചോലെ, ദാൽ, ഖിച്ച്ഡി, പച്ചക്കറി കറികൾ തുടങ്ങിയ ലളിതവും പോഷകസമൃദ്ധവുമായ ഭക്ഷണമാണ് വിതരണം ചെയ്യുന്നത്. യാത്രക്കാർ സ്വന്തമായി പ്ലേറ്റുകൾ കരുതണമെന്ന നിർദേശമുണ്ട്.

സ്ലീപ്പർ ക്ലാസ് മുതൽ എസി കോച്ചുകൾ വരെ, ജാതി-മത ഭേദമന്യേ എല്ലാ യാത്രക്കാർക്കും ഈ സൗജന്യ ഭക്ഷണം ലഭ്യമാണ്. ഒരു ദിവസം ഏകദേശം 2,000 പേർക്ക് ഈ ട്രെയിനിൽ നിന്ന് സൗജന്യ ഭക്ഷണം ലഭിക്കുന്നു. ഇന്ത്യയിൽ ഇത്തരത്തിൽ സൗജന്യ ഭക്ഷണം നൽകുന്ന ഒരേയൊരു ട്രെയിൻ എന്ന ബഹുമതിയും സച്ച്ഖണ്ഡ് എക്സ്പ്രസിന് സ്വന്തമാണ്.

The Sachkhand Express running between Nanded Maharashtra and Amritsar Punjab is Indias only train providing free breakfast lunch and dinner to all passengers Connecting two major Sikh religious sites the 2000-km journey spans 33 hours with stops at 39 stations Nutritious meals like khichdi dal and vegetable curries are served at six key stations including New Delhi and Bhopal Around 2000 passengers benefit daily regardless of class or religion in this 29-year-old tradition Passengers are advised to carry their own plates