ആലപ്പുഴ: ഹരിപ്പാട് മണ്ണാറശ്ശാല യുപിഎസ് സ്കൂളിലെ അഞ്ചാം ക്ലാസ് വിദ്യാർത്ഥിയായ ശ്രീ ശബരി (10)യെ വീട്ടിലെ ശുചിമുറിയിൽ തൂങ്ങിമരിച്ച നിലയിൽ കണ്ടെത്തി. സ്കൂൾ വിട്ടെത്തിയ കുട്ടി ശുചിമുറിയിൽ കയറി വാതിൽ അടച്ചതിന് ശേഷം ഏറെനേരം പുറത്തിറങ്ങാതിരുന്നതിനെ തുടർന്ന് മുത്തശ്ശൻ വാതിൽ പൊളിച്ച് പരിശോധിച്ചപ്പോഴാണ് തൂങ്ങിയ നിലയിൽ കണ്ടെത്തിയത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ദിവസങ്ങൾക്ക് മുമ്പ് കുട്ടിയുടെ അച്ഛന്റെ അനുജനും ജീവനൊടുക്കിയിരുന്നു. ഇതിനെ തുടർന്ന് കുട്ടി കടുത്ത മാനസിക വിഷമത്തിലായിരുന്നുവെന്ന് നാട്ടുകാർ പറയുന്നു.

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)

In Haripad, Alappuzha, a 10-year-old fifth-grade student, Sree Sabari, was found hanging in the bathroom at home after returning from Mannarashala UPS School. The boy’s grandfather broke open the door after he didn’t emerge for a long time. Despite being rushed to the hospital, he could not be saved. Locals report the child was deeply distressed following the recent suicide of his father’s younger brother.