ഉത്തർപ്രദേശിലെ സന്ത് കബീർ നഗർ ജില്ലയിലെ ഖലീലാബാദ് കോട്‌വാലി പൊലിസ് സ്റ്റേഷനിന് കീഴിലുള്ള മുഷാര ഗ്രാമത്തിൽ ഞെട്ടിക്കുന്ന ഒരു സംഭവം റിപ്പോർട്ട് ചെയ്തു. പ്രണയബന്ധത്തിൽ ഉണ്ടായ തർക്കത്തെ തുടർന്നാണ് 19 കാരനായ വികാസ് നിഷാദ് തന്റെ കാമുകിയുടെ ക്രൂര കൃത്യത്തിന് ഇരയായത്.

പ്രാദേശിക മാധ്യമ റിപ്പോർട്ടുകൾ പ്രകാരം, വികാസ് തിങ്കളാഴ്ച രാവിലെ അയൽവാസിയായ കാമുകിയെ കാണാൻ മുഷാര ഗ്രാമത്തിലെ വീട്ടിലേക്ക് പോയിരുന്നു. രണ്ട് പേർക്കിടയിൽ വളരെക്കാലമായി പ്രണയബന്ധം നിലനിൽക്കുന്നുണ്ടായിരുന്നുവെന്നും,ആ ദിവസം ആറ് മണിക്കൂറിലേറെ  യുവാവ് കാമുകിയുടെ വീട്ടിൽ ചെലവഴിച്ചുവെന്നും റിപ്പോർട്ടുകൾ പറയുന്നു.

ഇതിനിടെ ഇരുവരും തമ്മിൽ എന്തോ കാര്യത്തിൽ തർക്കമുണ്ടായി. തർക്കത്തിന് പിന്നാലെ യുവതി ബ്ലേഡ് ഉപയോഗിച്ച് വികാസിന്റെ സ്വകാര്യഭാഗം മുറിച്ചുമാറ്റുകയായിരുന്നു. രക്തത്തിൽ കുളിച്ച നിലയിൽ വീട്ടിലേക്ക് തിരിച്ചെത്തിയ വികാസിനെ വീട്ടുകാർ ഉടൻ ആശുപത്രിയിലേക്ക് മാറ്റി. മണിക്കൂറുകളോളം രക്തസ്രാവമുണ്ടായെന്നും അപകടം ഗുരുതരമാണെന്നുമാണ് പ്രാഥമിക വിലയിരുത്തൽ.

വികാസിന്റെ അമ്മ മാധ്യമങ്ങളോട് പ്രതികരിക്കുമ്പോൾ, “കാമുകി കൃത്യമായി പ്ലാൻ ചെയ്തു കൊണ്ടാണ് മകനെ വീട്ടിലേക്ക് വിളിച്ച് വരുത്തുകയും അക്രമിക്കുകയും ചെയ്തത്. മകൻ വീട്ടിലെത്തിയ ഉടനെ ബോധം നഷ്ടപ്പെട്ട നിലയിലായിരുന്നു,” എന്നായിരുന്നു അവളുടെ ആരോപണം.

ഇതിനിടെ സംഭവവുമായി ബന്ധപ്പെട്ട് പൊലീസിൽ ഇതുവരെ ഔദ്യോഗിക പരാതി ലഭിച്ചിട്ടില്ലെന്ന് ഖലീലാബാദ് കോട്‌വാലി പൊലീസ് അറിയിച്ചു. സംഭവത്തിൽ ആഴത്തിലുള്ള അന്വേഷണം ആരംഭിക്കാനുള്ള നീക്കത്തിലാണ് പൊലീസ്.

A shocking incident was reported from Sant Kabir Nagar district in Uttar Pradesh, where a young woman allegedly called her boyfriend to her home and cut off his private parts using a blade after a dispute. The 19-year-old victim is currently in critical condition at the hospital. The couple was reportedly in a relationship for six years.