ഇന്തോനേഷ്യയിലെ ബാലിക്ക് സമീപം 65 പേരുമായി പോയ ബോട്ട് മറിഞ്ഞ് നാല് പേർ മരിച്ചു. 38 പേരെ കാണാതായി.
കാണാതായവർക്കായുള്ള തിരച്ചിൽ പുരോഗമിക്കുകയാണ്. ഇതുവരെ 23 പേരെ രക്ഷപ്പെടുത്തി, 38 പേർക്കായി തിരച്ചിൽ തുടരുകയാണ്. ബുധനാഴ്ച കിഴക്കൻ ജാവയിലെ കെറ്റപാങ് തുറമുഖത്ത് നിന്ന് പുറപ്പെട്ട കെഎംപി ടുനു പ്രതാമ ജയ എന്ന ബോട്ടാണ് ബാലിയിലേക്കുള്ള യാത്രാമധ്യേ  മറിഞ്ഞതെന്ന് നാഷണൽ സെർച്ച് ആൻഡ് റെസ്ക്യൂ ഏജൻസി അറിയിച്ചു.

53 യാത്രക്കാരും 12 ജീവനക്കാരും 14 ട്രക്കുകൾ ഉൾപ്പെടെ 22 വാഹനങ്ങളുമാണ് ബോട്ടിൽ ഉണ്ടായിരുന്നത്. വെള്ളത്തിൽ നിന്ന് രക്ഷപ്പെടുത്തിയവർ അബോധാവസ്ഥയിലായിരുന്നുവെന്ന് ബൻയുവാംഗി പൊലിസ് മേധാവി രാമ സമതമ പുത്ര പറഞ്ഞതായി ദി വീക്ക് റിപ്പോർട്ട് ചെയ്തു. ശക്തമായ കാറ്റും തിരമാലകളുമാണ് അപകടത്തിന് കാരണം. രക്ഷാ പ്രവർത്തനങ്ങൾക്കായി ഒമ്പത് ബോട്ടുകൾ വിന്യസിച്ചിട്ടുണ്ടെന്ന് അധികൃതർ അറിയിച്ചു. 

ALSO READ: ഇസ്‌റാഈല്‍ സൈന്യത്തിന് ചരമഗീതം പാടി; പിന്നാലെ ബോബ് വിലന്റെ വിസ റദ്ദാക്കി യുഎസ് 

ഇന്തോനേഷ്യയിൽ ബോട്ട് യാത്രകൾ സാധാരണമാണെങ്കിലും, പലപ്പോഴും സുരക്ഷാ മാനദണ്ഡങ്ങൾ കർശനമായി നടപ്പിലാക്കപ്പെടാറില്ല. ഈ വർഷം മാർച്ചിൽ, ബാലിയിൽ 16 പേരുമായി യാത്ര ചെയ്തിരുന്ന ഒരു ബോട്ട് മുങ്ങി, ഒരു ഓസ്‌ട്രേലിയൻ സ്ത്രീ മരിക്കുകയും ഒരു യാത്രക്കാരന് പരുക്കേൽക്കുകയും ചെയ്തിരുന്നു. 2022-ൽ, 800-ലധികം യാത്രക്കാരുമായി പോയ ബോട്ട് ഈസ്റ്റ് നുസാ തെങ്കാര പ്രവിശ്യയിൽ കരയിൽ ഇടിച്ച് രണ്ട് ദിവസത്തോളം അവിടെ കുടുങ്ങിക്കിടന്നു. ഭാഗ്യവശാൽ, ആർക്കും അപകടമൊന്നും സംഭവിച്ചില്ല.

എന്നാൽ, ഏറ്റവും ഞെട്ടിപ്പിക്കുന്ന സംഭവം 2018-ൽ സുമാത്ര ദ്വീപിലെ ലോകത്തിലെ ഏറ്റവും ആഴമേറിയ തടാകങ്ങളിലൊന്നായ ലേക് ടോബയിൽ ഒരു ഫെറി മുങ്ങിയപ്പോൾ 150-ലധികം ആളുകൾ മുങ്ങിമരിച്ചതാണ്.

A ferry carrying 65 people, including passengers and crew, sank near Bali, Indonesia, resulting in four deaths and 38 missing persons. The Indonesian National Search and Rescue Agency reported that 23 survivors have been rescued so far. The ferry, KMP Tunu Pratama Jaya, was traveling from Ketapang port in East Java to Bali when it sank due to bad weather. Search operations are ongoing, with nine boats deployed to locate the missing individuals ¹ ².