എളുപ്പത്തില്‍ തയാറാക്കാവുന്ന ഒരു വിഭവമാണ് ഉപ്പുമാവ്. കടുകും മുളകും ഉഴുന്നും ഉള്ളിയുമെല്ലാം വഴറ്റിയെടുത്ത് കൊതിപ്പിക്കുന്ന രുചിയുള്ള ഭക്ഷണമാണ് ഉപ്പുമാവ്.  പ്രധാനമായും റവ ഉപയോഗിച്ചാണ് ഉപ്പുമാവ് തയാറാക്കുന്നത്. അരി, ഗോതമ്പ്, ഓട്‌സ് എന്നിവ ഉപയോഗിച്ചും രുചികരമായ ഉപ്പുമാവ് തയാറാക്കാം. ധാരാളം ഊര്‍ജം തരുന്നൊരു പ്രഭാത ഭക്ഷണമാണ് ഉപ്പുമാവ്. പെട്ടെന്ന് തയാറാക്കുന്നതെങ്ങനെയെന്നു നോക്കാം.

 

 

ചേരുവകള്‍

 റവയോ, ഗോതമ്പുനുറുക്കോ ഓട്‌സോ എന്തായാലും-  ഒരു കപ്പ്

നെയ്യ് - രണ്ടു ചെറിയ സ്പൂണ്‍

 കടുക് -ഒരു ചെറിയ സ്പൂണ്‍

ചുവന്നുള്ളി അരിഞ്ഞത് - വലിയ സ്പൂണ്‍

വറ്റല്‍മുളക് (രണ്ടായി മുറിച്ചത്) - രണ്ട്
ഇഞ്ചി പൊടിയായി അരിഞ്ഞത്  -ഒരു ചെറിയ സ്പൂണ്‍
കറിവേപ്പില - രണ്ടു തണ്ട്
പച്ചമുളക് (അരിഞ്ഞത്)  -1

 

കാരറ്റ് (പൊടിയായി അരിഞ്ഞത്)  ഒരു വലിയ സ്പൂണ്‍
ബീന്‍സ് (പൊടിയായി അരിഞ്ഞത്)  - ഒരു വലിയ സ്പൂണ്‍
ഉഴുന്നുപരിപ്പ്  -രണ്ടു വലിയ സ്പൂണ്‍

 

ALSO READ: വാഴപ്പഴത്തിന്റെ ആകൃതി വളഞ്ഞിരിക്കുന്നത് എന്തുകൊണ്ടാണ്..? എപ്പോഴെങ്കിലും ഇത് ശ്രദ്ധിച്ചിട്ടുണ്ടോ..?

പഞ്ചസാര  - ചെറിയ സ്പൂണ്‍

 

പാകം ചെയ്യുന്ന വിധം

ഓട്‌സോ ഗോതമ്പുനുറുക്കോ എന്താണോ അത് കഴുകി ഉറ്റിയിട്ടതിനു ശേഷം ഒന്നു വേവിച്ചെടുക്കുക.
ഇന് ഒരു നോണ്‍സ്റ്റിക് തവയില്‍ എണ്ണ ചൂടാക്കി കടുക് പൊട്ടിച്ച ശേഷം ചുവന്നുള്ളി, വറ്റല്‍മുളക്, കറിവേപ്പില എന്നിവയിട്ടു വഴറ്റുക.

ഇതിലേക്ക് പച്ചമുളകും ഇഞ്ചിയും കാരറ്റും ബീന്‍സുമെല്ലാം ചേര്‍ത്തു നന്നായി വഴറ്റിയ ശേഷം ഉഴുന്നുപരിപ്പും ചേര്‍ത്തിളക്കുക. ഇതിലേക്കു വേവിച്ച ഗോതമ്പുനുറുക്കോ റവയോ ഓട്‌സോ ഉപ്പും ചേര്‍ത്തു നന്നായി വഴറ്റിയെടുക്കണം. വെന്തു കഴിയുമ്പോള്‍ മുകളില്‍ കുറച്ചു പഞ്ചസാര ചേര്‍ത്തിളക്കി വാങ്ങുക. സൂപ്പര്‍ ഉപ്പുമാവ് റെഡി. 

 

Upma is a simple and easy-to-make South Indian dish, known for its comforting flavor and quick preparation. Traditionally made with semolina (rava), it can also be prepared using rice, wheat, or oats.