വാഴപ്പഴം ഒരു സൂപ്പര്‍ ഫുഡാണ്. ഊര്‍ജം നല്‍കാനും രോഗങ്ങളില്‍ നിന്നു നമ്മെ സംരക്ഷിക്കാനുമൊക്കെ കഴിവുള്ള പഴമാണ് വാഴപ്പഴം. ചിലര്‍ രാവിലത്തെ പ്രഭാതഭക്ഷണത്തിനു വരെ വാഴപ്പഴം കഴിക്കാറുണ്ട്. ഇത് വെറുമൊരു പഴമല്ല, മറിച്ച് അനവധി ഗുണങ്ങളുള്ള ഒരു നിധിയാണ്. ഇതിന് പേശികളുടെ വളര്‍ച്ചയ്ക്കും ശരീരത്തിലെ ഇലക്ട്രോലൈറ്റ് ബാലന്‍സ് നിലനിര്‍ത്തുന്നതിനുമുള്ള കഴിവുണ്ട്.

എന്നാല്‍ മിക്ക വാഴപ്പഴത്തിന്റെയും ഘടന ശ്രദ്ധിച്ചിട്ടുണ്ടോ..?  വാഴപ്പഴത്തിന് ചെറിയൊരു വളവു കണ്ടിട്ടില്ലേ..! എന്തുകൊണ്ടാണിത്. എല്ലാവരുടെയും ശ്രദ്ധയില്‍ പെട്ടുകാണുന്ന ഒന്നു തന്നെയല്ലേ വാഴപ്പഴം വളഞ്ഞിരിക്കുന്നത്. ഇതില്‍ പ്രകൃതിയുടെ വല്ല രഹസ്യവും ഒളിഞ്ഞിരിക്കുന്നുണ്ടോ..?  നോക്കാം.

നിവര്‍ന്നു നേരെ നില്‍ക്കുന്ന വാഴപ്പഴം വളരെ അപൂര്‍വമേ കാണപ്പെടുന്നുള്ളൂ. എന്താണ് വളവിനു പിന്നിലെ രഹസ്യം. വാസ്തവത്തില്‍ ഇവ വളഞ്ഞിരിക്കാനുള്ള കാരണം ഫോട്ടോട്രോപിസം ആണ്. അതായത് സസ്യങ്ങള്‍ സൂര്യനിലേക്ക് ചായുന്നു. അതായത് ഒരു വാഴ കായ്ചു തുടങ്ങുമ്പോള്‍ വാഴയുടെ മുകുളങ്ങള്‍ താഴേക്ക് വളയുന്നതു കാണാം. അതായത് ഇതിന്റെ പ്രാരംഭ വളര്‍ച്ച ഗുരുത്വാകര്‍ഷണ ദിശയിലാണ്.

ALSO READ: നിങ്ങളുടെ അസ്ഥികൾ ദുർബലപ്പെടുന്നുണ്ടോ? ജീവിതശൈലിയിൽ ഈ മാറ്റങ്ങൾ വരുത്തു

പഴം വളരാന്‍ തുടങ്ങുമ്പോള്‍ അതിലടങ്ങിയ കോശങ്ങള്‍ സൂര്യപ്രകാശത്തിലേക്ക് വളയാന്‍ തുടങ്ങുന്നു. ഇത് ഒരു സ്വാഭാവിക പ്രക്രിയയാണ്. അതില്‍ ഫലം ക്രമേണ മുകളിലേക്ക് വളരാന്‍ തുടങ്ങും. ഇത്തരം സാഹചര്യത്തില്‍ സൂര്യനിലേക്കുള്ള ചെരിവ് കാരണം വാഴപ്പഴം നേരെ കാണുകയില്ല. മറിച്ച് മുകളിലേക്ക് വളഞ്ഞു കാണപ്പെടുന്നു. 

എന്താണ് നെഗറ്റീവ് ജിയോട്രോപിസം ?

മിക്ക മരങ്ങളും സസ്യങ്ങളും ഗുരുത്വാകര്‍ഷണത്തിലേക്ക് വളരുന്നു. അവയുടെ വേരുകള്‍ നിലത്ത് താഴേക്കു വളരുകയും തണ്ട് മുകളിലേക്കും വളരുന്നു. എന്നാല്‍ വാഴയുടെ കാര്യത്തില്‍ ഇത് അല്‍പം വ്യത്യാസമുണ്ട്. വാഴപ്പഴം തുടക്കത്തില്‍ വളരാന്‍ തുടങ്ങുമ്പോള്‍ ഗുരുത്വാകര്‍ഷണം മൂലം അവ താഴേക്ക് വളരുന്നു. പിന്നീട് സൂര്യപ്രകാശത്തിനു വേണ്ടി അത് പതുക്കെ മുകളിലേക്കു തിരിയാന്‍ തുടങ്ങുന്നു. ഈ ഭ്രമണ പ്രക്രിയയെ നെഗറ്റീവ് ജിയോട്രോപ്പിസം എന്നു വിളിക്കുന്നു. 

രുചിയെ ബാധിക്കുമോ?

വാഴപ്പഴത്തിന്റെ ഈ വളവ് ഒരിക്കലും രുചിയെ ബാധിക്കാറില്ല. ഒരു വാഴപ്പഴത്തിനും അതിന്റെ ആകൃതിക്ക് രുചിയുമായി യാതൊരു ബന്ധവുമില്ല. അതിന്റെ രുചി പ്രധാനമായും അതിന്റെ ഇനം, മണ്ണ്, കാലാവസ്ഥ, പാകമാകുന്ന ഘട്ടം എന്നിവയെ ആശ്രയിച്ചാണിരിക്കുന്നത്. വാഴപ്പഴം നേരെയായാലും വളഞ്ഞതായാലും അത് പഴുത്തതാണെങ്കില്‍ മധുരവും പോഷകസമൃദ്ദവുമായിരിക്കും. 

വാഴപ്പം വളഞ്ഞിരുന്നാല്‍ ഉള്ള ഗുണം അതിലെ വിത്തുകളെയും പോഷകങ്ങളെയും സംരക്ഷിക്കാന്‍ സഹായിക്കുന്നുവെന്നാണ്. കൂടാതെ വളഞ്ഞ ആകൃതി കാരണം ഇത് എളുപ്പത്തില്‍ തൊലി കളയുകയും കഴിക്കാന്‍ സൗകര്യപ്രദവുമാണ്. ഇതിനു പുറമെ നേരായ പാത എല്ലായിപ്പോഴും ആവശ്യമില്ലെന്നും പ്രകൃതിയില്‍ നിന്ന് മനോഹരമായ ഒരു പാഠവും നമുക്ക് നല്‍കുന്നു. ചിലപ്പോള്‍ വളഞ്ഞ വഴികളും ഒരാളെ ലക്ഷ്യത്തിലേക്ക് എത്തിക്കാം.

Bananas are not just a delicious and energy-rich fruit; they are also a nutritional powerhouse with multiple health benefits. Many people consume bananas as a part of their breakfast due to their ability to provide energy, support muscle growth, and maintain electrolyte balance. But have you ever wondered why bananas are curved?