എഡ്ബാസ്റ്റൺ: ഇംഗ്ലണ്ടിനെതിരായ രണ്ടാം ടെസ്റ്റ് മത്സരം രണ്ടാം ദിനത്തിലേക്ക് കടന്നിരിക്കുകയാണ്. ഒന്നാം ഇന്നിങ്സിൽ ഇന്ത്യ മികച്ച ടോട്ടലിലേക്ക് നീങ്ങികൊണ്ടിരിക്കുകയാണ്. സെഞ്ച്വറി നേടി ക്യാപ്റ്റൻ ശുഭ്മൻ ഗില്ലാണ് ഇന്ത്യയെ മുന്നിൽ നിന്നും നയിക്കുന്നത്. ഗിൽ 150+ റൺസ് നേടിയാണ് ക്രീസിൽ തുടരുന്നത്. ഇതോടെ നീണ്ട 46 വർഷങ്ങൾക്ക് ശേഷം ടെസ്റ്റ് ക്രിക്കറ്റിൽ ഇംഗ്ലണ്ടിൽ 150+ റൺസ് സ്കോർ ചെയ്യുന്ന ആദ്യ ക്യാപ്റ്റനായി മാറാനും ഗില്ലിന് സാധിച്ചു. 

എഡ്ബാസ്റ്റണിൽ നടക്കുന്ന മത്സരത്തിൽ ടോസ് നേടിയ ഇംഗ്ലണ്ട് ക്യാപ്റ്റൻ ബെൻ സ്റ്റോക്സ് ബൗളിങ് തെരഞ്ഞെടുക്കുകയായിരുന്നു. ടീം സ്കോർ 15ൽ നിൽക്കെ കെഎൽ രാഹുലിനെ ഇന്ത്യയ്ക്ക് നഷ്ടമായി. 26 പന്തിൽ രണ്ടു റൺസ് നേടിയാണ് രാഹുൽ മടങ്ങിയത്. കരുൺ നായർ 50 പന്തിൽ 31 നേടിയും പുറത്തായി. അഞ്ച് ഫോറുകളാണ് താരം നേടിയത്.

 ഇന്ത്യൻ ബാറ്റിങ്ങിൽ ഓപ്പണിങ്ങിൽ യശ്വസി ജെയ്‌സ്വാൾ മികച്ച പ്രകടനമാണ് നടത്തിയത്. 107 പന്തിൽ 87 റൺസാണ് ജെയ്‌സ്വാൾ നേടിയത്. 13 ഫോറുകളും ഒരു സിക്‌സും അടങ്ങുന്നതായിരുന്നു താരത്തിന്റെ പ്രകടനം. വാലറ്റത്തിറങ്ങി ഗില്ലിനൊപ്പം രവീന്ദ്ര ജഡേജയും മികച്ച പ്രകടനമാണ്‌ നടത്തിയത്. 137 പന്തിൽ 10 ഫോറുകളും ഒരു സിക്‌സും അടക്കം 89 റൺസാണ് ജഡേജ നേടിയത്.

ഇംഗ്ലണ്ട് പ്ലെയിങ് ഇലവൻ 

സാക്ക് ക്രാളി, ബെൻ ഡക്കറ്റ്, ഒല്ലി പോപ്പ്, ജോ റൂട്ട്, ഹാരി ബ്രൂക്ക്, ബെൻ സ്റ്റോക്സ് (ക്യാപ്റ്റൻ), ജാമി സ്മിത്ത് (വിക്കറ്റ് കീപ്പർ), ക്രിസ് വോക്സ്, ബ്രൈഡൺ കാർസെ, ജോഷ് ടോങ്, ഷോയിബ് ബഷീർ.

ഇന്ത്യ പ്ലെയിങ് ഇലവൻ 

യശസ്വി ജയ്‌സ്വാൾ, കെ എൽ രാഹുൽ, കരുൺ നായർ, ശുഭ്മാൻ ഗിൽ(ക്യാപ്റ്റൻ), റിഷബ് പന്ത്(വിക്കറ്റ് കീപ്പർ), നിതീഷ് കുമാർ റെഡ്ഡി, രവീന്ദ്ര ജഡേജ, വാഷിംഗ്ടൺ സുന്ദർ, ആകാശ് ദീപ്, മുഹമ്മദ് സിറാജ്, പ്രശസ്ത് കൃഷ്ണ.

shubman gill break 46 year old record in test cricket in england