ഡൽഹി: ബലാത്സംഗ കേസുകളിൽ പ്രതികൾക്ക് മുൻകൂർ ജാമ്യം അനുവദിക്കുന്നതിന് മുമ്പ് ഇരയുടെ വാദം കേൾക്കണമെന്ന് സുപ്രീം കോടതി നിർണായക ഉത്തരവിറക്കി. കോഴിക്കോട് നടന്ന ഒരു ബലാത്സംഗ കേസിൽ പ്രതി മുൻകൂർ ജാമ്യം തേടി നൽകിയ ഹർജി തള്ളിക്കൊണ്ടാണ് ജസ്റ്റിസുമാരായ കെ. വിനോദ് ചന്ദ്രനും എൻ.വി. അഞ്ജാരിയയും അടങ്ങിയ ബെഞ്ച് ഈ ഉത്തരവ് പുറപ്പെടുവിച്ചത്.

കേസിൽ പ്രതി വിചാരണ കോടതിയിൽ നിന്ന് ഇരയുടെ വാദം കേൾക്കാതെ മുൻകൂർ ജാമ്യം നേടിയിരുന്നു. ഇതിനെതിരെ കേരള ഹൈക്കോടതി ജാമ്യം റദ്ദാക്കി. ഹൈക്കോടതിയുടെ തീരുമാനത്തിനെതിരെ പ്രതി നൽകിയ അപ്പീലാണ് സുപ്രീം കോടതി തള്ളിയത്.

പ്രതിക്ക് വേണ്ടി അഭിഭാഷകൻ ശ്രീറാം പറക്കാട് ഹാജരായി. കേരള സർക്കാരിനെ പ്രതിനിധീകരിച്ച് സ്റ്റാൻഡിങ് കൗൺസൽ സി.കെ. ശശിയും അഭിഭാഷക മീന കെ. പൗലോസും, അതിജീവിതയ്ക്ക് വേണ്ടി സീനിയർ അഭിഭാഷക അനിത ഷേണായിയും ഹാജരായി.

The Supreme Court has ruled that courts must hear the victim's arguments before granting anticipatory bail in rape cases, emphasizing the need to balance the accused's rights with the victim's perspective to ensure justice.