തിരുവനന്തപുരം: തിരുവനന്തപുരം റെയിൽവേ ഡിവിഷനിൽ അറ്റകുറ്റപ്പണികൾ നടക്കുന്നതിനാൽ സംസ്ഥാനത്ത് വരും ദിവസങ്ങളിൽ ട്രെയിൻ സർവിസുകളിൽ നിയന്ത്രണങ്ങൾ ഏർപ്പെടുത്തും. ചില ട്രെയിനുകളുടെ സർവിസുകൾ ഭാഗികമായി റദ്ദാക്കുകയും മറ്റുചിലത് വഴിതിരിച്ചുവിടുകയും ചെയ്യുമെന്ന് റെയിൽവേ അധികൃതർ അറിയിച്ചു.

മംഗളൂരു - കന്യാകുമാരി പരശുറാം എക്സ്പ്രസ് ഉൾപ്പെടെ നിരവധി ട്രെയിനുകൾക്ക് ഈ നിയന്ത്രണം ബാധകമാണ്. തിങ്കൾ, ചൊവ്വ (ജൂലൈ 6,7) ദിവസങ്ങളിൽ പരശുറാം എക്സ്പ്രസ് തിരുവനന്തപുരം വരെ മാത്രമേ സർവിസ് നടത്തൂ.  ജൂലൈ 9-ന് തിരുച്ചിറപ്പള്ളി - തിരുവനന്തപുരം സൂപ്പർഫാസ്റ്റ് എക്സ്പ്രസ് വള്ളിയൂർ മുതൽ തിരുവനന്തപുരം വരെയുള്ള സർവിസ് നടത്തില്ല. ഷൊർണൂർ ജംഗ്ഷൻ - തൃശൂർ പാസഞ്ചർ (56605) ട്രെയിനിന്റെ ജൂലൈ 19, 28 തീയതികളിലെ സർവിസുകൾ പൂർണമായി റദ്ദാക്കി. കൂടാതെ, ജൂലൈ 25-ന് എംജിആർ ചെന്നൈ സെൻട്രൽ - തിരുവനന്തപുരം സെൻട്രൽ സൂപ്പർഫാസ്റ്റ് എക്സ്പ്രസ് (12695) കോട്ടയത്ത് സർവിസ് അവസാനിപ്പിക്കും.

ജൂലൈ 7, 8 തീയതികളിൽ കന്യാകുമാരി - മംഗളൂരു പരശുറാം എക്സ്പ്രസ് (16650) തിരുവനന്തപുരത്ത് നിന്നാണ് യാത്ര ആരംഭിക്കുക. തിരുവനന്തപുരം സെൻട്രൽ - എംജിആർ ചെന്നൈ സൂപ്പർഫാസ്റ്റ് (12696) ജൂലൈ 26-ന് കോട്ടയത്ത് നിന്നാണ് സർവിസ് ആരംഭിക്കുക. ജൂലൈ 19-ന് എറണാകുളം ജംഗ്ഷൻ - ഹസ്രത് നിസാമുദ്ദീൻ എക്സ്പ്രസ് (12645) ട്രെയിനിന്റെ സമയക്രമത്തിൽ മാറ്റം വരുത്തിയിട്ടുണ്ട്. വൈകിട്ട് 7:10-ന് പകരം 8:50-നാണ് ട്രെയിൻ പുറപ്പെടുക. ജൂലൈ 29-ന് തൃശൂർ - കണ്ണൂർ എക്സ്പ്രസ് (16609) ഷൊർണൂരിൽ നിന്ന് പുറപ്പെടും. 

ALSO READ: കോട്ടയം മെഡിക്കൽ കോളേജ് അപകടം: മന്ത്രിമാരുടെ പ്രസ്താവനകളാണ് രക്ഷാപ്രവർത്തനത്തെ വൈകിച്ചത്: വി ഡി സതീശൻ

മറ്റ് ട്രെയിൻ സര്‍വിസുകളിലെ മാറ്റങ്ങൾ

20691 താംബരം - നാഗർകോവിൽ അന്ത്യോദയ സൂപ്പർഫാസ്റ്റ് എക്സ്പ്രസ് ജൂലൈ 8, 9 തീയതികളിൽ തിരുനെൽവേലിയിൽ സർവിസ് അവസാനിപ്പിക്കും.

16366 നാഗർകോവിൽ - കോട്ടയം എക്സ്പ്രസ് ജൂലൈ 26-ന് ചങ്ങനാശേരിയിൽ സർവിസ് അവസാനിപ്പിക്കും.

12695 ചെന്നൈ - തിരുവനന്തപുരം സൂപ്പർഫാസ്റ്റ് ജൂലൈ 25-ന് കോട്ടയത്ത് യാത്ര അവസാനിപ്പിക്കും.

16327 മധുര - ഗുരുവായൂർ എക്സ്പ്രസ് ജൂലൈ 26-ന് കൊല്ലത്ത് സർവിസ് അവസാനിപ്പിക്കും.

20692 നാഗർകോവിൽ - താംബരം അന്ത്യോദയ സൂപ്പർഫാസ്റ്റ് ജൂലൈ 9ന് തിരുനെൽവേലിയിൽ നിന്ന് യാത്ര ആരംഭിക്കും.

16328 ഗുരുവായൂർ - മധുര എക്സ്പ്രസ് ജൂലൈ 27-ന് കോട്ടയത്ത് നിന്ന് സർവീസ് ആരംഭിക്കും.

Train services in Kerala will face restrictions in the coming days due to ongoing maintenance work at the Thiruvananthapuram Railway Division. Some trains will be partially cancelled, while others will be rerouted or rescheduled. Specifically, the Parasuram Express will only run up to Thiruvananthapuram on July 6 and 7. Other affected trains include the Shornur Junction - Thrissur Passenger and the Tiruchirapalli - Thiruvananthapuram Superfast Express ¹.