ന്യൂഡൽഹി: കരോൾ ബാഗിലെ വിശാൽ മെഗാ മാർട്ട് ഡിപ്പാർട്ട്‌മെന്റൽ സ്റ്റോറിൽ ഇന്നലെ വൈകുന്നേരം ഉണ്ടായ തീപിടുത്തത്തിൽ ലിഫ്റ്റിൽ കുടുങ്ങിയ 25 വയസ്സുള്ള യുവാവ് മരിച്ചു. മരിച്ചത് കുമാർ ധീരേന്ദ്ര പ്രതാപ് സിംഗ് എന്നയാളാണെന്ന് പൊലീസ് അറിയിച്ചു. ജോലി അന്വേഷിച്ച് എത്തിയതിനിടെ ഷോറൂമിലെ ലിഫ്റ്റിൽ കുടുങ്ങിയാണ് ഇയാൾ മരണപ്പെട്ടതെന്നും ഡെപ്യൂട്ടി പൊലീസ് കമ്മീഷണർ (സെൻട്രൽ) നിധിൻ വൽസൻ വ്യക്തമാക്കി.

ഇന്നലെ വൈകുന്നേരം 6.30നാണ് ഷോറൂമിന്റെ രണ്ടാം നിലയിൽ തീപിടുത്തമുണ്ടായത്. ഡൽഹി ഫയർ സർവീസസ് (ഡിഎഫ്എസ്) മേധാവി അതുൽ ഗാർഗിന്റെ നേത‍ൃത്വത്തിൽ തീയണയ്ക്കാൻ 13 ഫയർ ടെൻഡറുകൾ സ്ഥലത്തെത്തി. രാത്രി 9 മണിയോടെ തീ നിയന്ത്രണവിധേയമാക്കിയെങ്കിലും, കെട്ടിടത്തിന്റെ രണ്ട് നിലകളിൽ പുക നിറഞ്ഞിരിക്കുകയാണെന്നും പൊലീസ് അറിയിച്ചു. ആറ് ഫയർ എഞ്ചിനുകൾ ഇപ്പോഴും സ്ഥലത്തുണ്ട്. രക്ഷാപ്രവർത്തനങ്ങൾ തുടരുകയാണ്,” ഡിസിപി വൽസൻ പറഞ്ഞു. കരോൾ ബാഗിലെ പദം സിംഗ് റോഡിലുള്ള നാല് നില കെട്ടിടത്തിന്റെ രണ്ടാം നിലയിൽ തുണിത്തരങ്ങളും പലചരക്ക് സാധനങ്ങളും വിൽപ്പന നടത്തിയിരുന്ന സ്ഥാപനമാണ് പ്രവർത്തിച്ചിരുന്നത്.

തീപിടുത്തത്തിന്റെ കാരണം ഷോർട്ട് സർക്യൂട്ടാണെന്നാണ് പ്രാഥമിക നിഗമനം. എന്നാൽ, ഫോറൻസിക് വിദഗ്ധരുടെ പരിശോധനയ്ക്ക് ശേഷം മാത്രമേ കൃത്യമായ കാരണം വ്യക്തമാകൂവെന്ന് പൊലീസ് അറിയിച്ചു. സംഭവസമയത്ത് ഷോറൂമിനുള്ളിൽ എത്രപേർ ഉണ്ടായിരുന്നുവെന്ന് വ്യക്തമല്ല. സ്റ്റോറുമായി ബന്ധപ്പെട്ട ഫോൺ നമ്പറുകൾ ബന്ധപ്പെടാൻ ശ്രമിച്ചെങ്കിലും സ്വിച്ച് ഓഫ് ചെയ്ത നിലയിലാണ് കണ്ടെത്തിയതെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്തു.

A 25-year-old man, Kumar Dhirendra Pratap Singh, died after being trapped in a lift during a fire at Vishal Mega Mart in Karol Bagh, Delhi, on Friday evening. The fire broke out on the second floor of the four-story departmental store around 6:30 PM. Thirteen fire tenders were deployed, and the fire was controlled by 9 PM, though two floors remained filled with thick smoke. Rescue operations continue, and a short circuit is suspected as the cause, pending forensic confirmation