കൊച്ചി: മദ്യപിച്ച് വാഹന പരിശോധന നടത്തുകയും വാഹനമോടിക്കുകയും ചെയ്ത അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ ബിനു എൻ.എസിനെ ഗതാഗത കമ്മീഷണർ സസ്പെൻഡ് ചെയ്തു. സംഭവത്തെക്കുറിച്ച് വകുപ്പുതല അന്വേഷണത്തിന് ഉത്തരവിട്ടതായും ഗതാഗത കമ്മീഷണർ അറിയിച്ചു. എറണാകുളം കാക്കനാട് തോപ്പിൽ ജങ്ഷനിൽ ഇന്നലെയാണ് സംഭവം നടന്നത്.

മത്സ്യ വിൽപ്പന നടത്തുന്ന ഓട്ടോറിക്ഷയിലെ ബോക്സുകൾ തട്ടിലേക്ക് മാറ്റുന്നതിനിടെ ബിനു സ്വകാര്യ വാഹനത്തിൽ എത്തുകയും, മീനുകൾ കൊണ്ടുപോകുന്നത് നിയമവിരുദ്ധമാണെന്നും 3000 രൂപ പിഴ ഈടാക്കുമെന്നും ആവശ്യപ്പെട്ടു. എന്നാൽ, ഡ്യൂട്ടിയിൽ അല്ലാതെ മദ്യപിച്ചാണ് ഉദ്യോഗസ്ഥൻ എത്തിയതെന്ന് മനസിലായതോടെ നാട്ടുകാർ ചോദ്യം ചെയ്യുകയും തർക്കമുണ്ടാവുകയും ചെയ്തു. തർക്കത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു.

ALSO READ: മുതിർന്ന കോൺഗ്രസ് നേതാവ് പിപി തങ്കച്ചൻ അന്തരിച്ചു

നാട്ടുകാരുടെ വിവരമനുസരിച്ച് തൃക്കാക്കര പൊലിസ് സ്ഥലത്തെത്തി. ബ്രെത്ത് അനലൈസർ ഉപയോഗിച്ച് നടത്തിയ പരിശോധനയിൽ ബിനു മദ്യപിച്ചതായി സ്ഥിരീകരിച്ചു. തുടർന്ന് പൊലിസ് അവരെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി. മദ്യപിച്ച് വാഹനമോടിച്ചതിന് ബിനുവിനെതിരെ കേസെടുത്ത ശേഷം ജാമ്യത്തിൽ വിട്ടയച്ചു.

ALSO READ: യഥാർതത്തിൽ എന്താണ് സംഭവിക്കുന്നത്?; പ്രതിഷേധങ്ങളുടെ മറവിൽ നേപ്പാളിലെ ശതകോടീശ്വരന്റെ കൊട്ടാരം കൊളളയടിച്ചു

നാട്ടുകാർ പ്രതിഷേധവുമായി രംഗത്തെത്തിയതോടെ ഉദ്യോഗസ്ഥനെതിരെ കർശന നടപടി ആവശ്യപ്പെട്ടു. ഇതിന് പിന്നാലെയാണ് ഗതാഗത കമ്മീഷണർ ബിനുവിനെ സസ്പെൻഡ് ചെയ്തത്. സംഭവത്തെക്കുറിച്ച് കൂടുതൽ അന്വേഷണം നടക്കുകയാണ്.

Assistant Motor Vehicle Inspector Binu N.S. was suspended for conducting a vehicle check while intoxicated in Kakkanad, Ernakulam. The incident sparked a dispute with locals, leading to police intervention and a case against Binu for drunk driving. The Transport Commissioner has ordered a departmental inquiry