ദുബൈ: 950 മില്യണ്‍ ദിര്‍ഹത്തിന്റെ (2200 കോടി രൂപ) ക്രിപ്‌റ്റോകറന്‍സി തട്ടിപ്പുമായി ബന്ധപ്പെട്ട് ദുബൈയിലെ ഫോര്‍സ്റ്റാര്‍ ഹോട്ടല്‍ ഉടമയായ 39കാരന്‍ ഇന്ത്യയില്‍ അറസ്റ്റില്‍. ഹരിയാനയിലെ ഫരീദാബാദ് പൊലിസാണ് പ്രതിയെ ഡല്‍ഹിയിലെ രോഹിണി സെക്ടര്‍ 11ല്‍നിന്ന് ശനിയാഴ്ച പിടികൂടിയത്. HPZ ടോക്കണ്‍ എന്ന വ്യാജ ക്രിപ്‌റ്റോ നിക്ഷേപ പദ്ധതിയുടെ മുഖ്യ സൂത്രധാരനാണ് ഇയാളെന്ന് ആരോപണം ഉയര്‍ന്നിരുന്നു.

ALSO READ: 'കൈകള്‍ കോര്‍ത്ത് ഞങ്ങള്‍ 50 വര്‍ഷം ആഘോഷിക്കുന്നു': ഷെയ്ഖ ഫാത്തിമ നിര്‍ദേശിച്ചു; യു.എ.ഇ വനിതാദിന പ്രമേയം അംഗീകരിച്ചു | Emirati Women's Day

'ഇയാള്‍ ഒരു വലിയ പിടികിട്ടാപ്പുള്ളിയാണ്. വ്യാജ ക്രെഡന്‍ഷ്യലുകള്‍ ഉപയോഗിച്ച് ബാങ്ക് അക്കൗണ്ടുകള്‍ വഴിയാണ് ഇയാള്‍ തട്ടിപ്പില്‍ നിന്നും ലഭിച്ച പണം കൈകാര്യം ചെയ്തത്.' ഫരീദാബാദ് പൊലിസ് പിആര്‍ഓ യശ്പാല്‍ യാദവ് പറഞ്ഞു.

ഈ വര്‍ഷം ആദ്യം ഇന്ത്യന്‍ കോടതി പ്രതിയെ പിടികിട്ടാപ്പുള്ളിയായി പ്രഖ്യാപിച്ചിരുന്നു. എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) അന്വേഷണം തുടങ്ങിയതിന് പിന്നാലെ 2022ല്‍ ഇയാള്‍ ദുബൈയിലേക്ക് മുങ്ങിയിരുന്നു. എന്നാല്‍, പഞ്ചാബ്-ഹരിയാന ഹൈക്കോടതി ലുക്ക്ഔട്ട് സര്‍ക്കുലര്‍ റദ്ദാക്കി അന്വേഷണവുമായി സഹകരിക്കാന്‍ നിര്‍ദേശിച്ചതിനെ തുടര്‍ന്ന് മൂന്നാഴ്ച മുമ്പ് ഇയാള്‍ ഇന്ത്യയിലേക്ക് മടങ്ങിയെത്തിയിരുന്നു.

HPZ ടോക്കണ്‍ പദ്ധതിയിലൂടെ ഇയാള്‍ ഉയര്‍ന്ന വരുമാനം വാഗ്ദാനം ചെയ്ത് ആയിരക്കണക്കിന് ഇന്ത്യക്കാരെ കബളിപ്പിച്ചിരുന്നു. പ്രതി തന്റെ ദുബൈ ബിസിനസുകള്‍ ഉപയോഗിച്ച് പേയ്‌മെന്റ് ഗേറ്റ്‌വേകള്‍ വഴി ഇന്ത്യയില്‍നിന്ന് അനധികൃത ഫണ്ടുകള്‍ കടത്തി. അവ ക്രിപ്‌റ്റോകറന്‍സിയാക്കി മാറ്റി ചൈനീസ് ഹാന്‍ഡ്‌ലര്‍മാര്‍ക്ക് കൈമാറിയതായി ഇഡി ആരോപിക്കുന്നു. 30 ശതമാനം ഫണ്ട് ഇയാള്‍ കൈവശം വച്ച് ബാക്കി ദുബൈയിലെ തന്റെ പങ്കാളിക്ക് നല്‍കിയെന്നും പൊലിസ് വ്യക്തമാക്കി.

2024 ജനുവരിയില്‍ ഫരീദാബാദിലെ ഒരു എഞ്ചിനീയര്‍ സോഷ്യല്‍ മീഡിയയില്‍ പ്രചരിപ്പിച്ച വ്യാജ ഓഹരി വിപണി നിക്ഷേപ പദ്ധതിയില്‍ 8.8 ലക്ഷം ദിര്‍ഹം നഷ്ടപ്പെട്ടതായി പരാതി നല്‍കിയതോടെയാണ് കേസിന്റെ അന്വേഷണം ഊര്‍ജിതമായത്. ഇതുവരെ 12 പേര്‍ അറസ്റ്റിലായി. പ്രതിയുടെ പങ്കാളിയെയും മറ്റ് മൂന്ന് കൂട്ടാളികളെയും കണ്ടെത്താന്‍ ലുക്ക്ഔട്ട് സര്‍ക്കുലര്‍ പുറപ്പെടുവിക്കാനുള്ള ശ്രമത്തിലാണ് പൊലിസ്.

ALSO READ: UAE weather updates: അബൂദബിയില്‍ ശക്തമായ പൊടിക്കാറ്റ്; ദൂരക്കാഴ്ച കുറഞ്ഞു; പെട്ടെന്ന് കാലാവസ്ഥാ മാറ്റം

HPZ ടോക്കണ്‍ തട്ടിപ്പ് ഇന്ത്യയിലെ ഏറ്റവും വലിയ സാങ്കേതികവിദ്യാധിഷ്ഠിത സാമ്പത്തിക തട്ടിപ്പുകളില്‍ ഒന്നാണ്. മൊബൈല്‍ ആപ്പ് ഡൗണ്‍ലോഡ് ചെയ്യാനും ക്രിപ്‌റ്റോ മൈനിംഗ് പദ്ധതികളില്‍ നിക്ഷേപിക്കാനും പ്രതി ഇരകളെ പ്രലോഭിപ്പിച്ചതായി കണ്ടെത്തിയിരുന്നു. തുടക്കത്തില്‍ ലാഭം തിരികെനല്‍കി വിശ്വാസം നേടിയെങ്കിലും, വലിയ തുക നിക്ഷേപിച്ചതിന് ശേഷം ഫണ്ടമായി പ്രതി മുങ്ങുകയായിരുന്നു. ഇയാളഉടെ 497 കോടി രൂപയുടെ (216 മില്യണ്‍ ദിര്‍ഹം) സ്വത്തുക്കള്‍ ഇഡി മരവിപ്പിച്ചിട്ടുണ്ട്. 200ലധികം ഷെല്‍ കമ്പനികള്‍ വഴി ഇയാള്‍ തന്റെ പണമിടപാടുകള്‍ മറച്ചുവെച്ചതായും ഇഡി കണ്ടെത്തിയിരുന്നു.

A Dubai-based hotel owner has been arrested in India for orchestrating a massive cryptocurrency fraud worth 950 million dirhams. Authorities are investigating the high-profile case involving cross-border financial crime.