ദുബൈ: വാട്‌സ്ആപ്പ് സന്ദേശങ്ങളിലൂടെ മറ്റൊരു സ്ത്രീയെ അപമാനിച്ച കേസില്‍ പ്രതിയായ സ്ത്രീയോട് 20,000 ദിര്‍ഹം നഷ്ടപരിഹാരം നല്‍കാന്‍ ഉത്തരവിട്ട് അല്‍ ഐന്‍ കോടതി ഓഫ് ഫസ്റ്റ് ഇന്‍സ്റ്റന്‍സ്.

ALSO READ: UAE weather updates: അബൂദബിയില്‍ ശക്തമായ പൊടിക്കാറ്റ്; ദൂരക്കാഴ്ച കുറഞ്ഞു; പെട്ടെന്ന് കാലാവസ്ഥാ മാറ്റം

പ്രതി തന്നെ വാട്‌സ്ആപ്പ് വഴി അധിക്ഷേപിച്ചുവെന്നും, മുമ്പ് സമാനമായ കേസില്‍ പ്രതി ശിക്ഷിക്കപ്പെട്ടിട്ടുണ്ടെന്നും പരാതിക്കാരിയായ യുവതി കോടതിയില്‍ വാദിച്ചു. അധിക്ഷേപം മൂലം തനിക്ക് മാനസികവും ധാര്‍മികവും ഭൗതികവുമായ നഷ്ടങ്ങള്‍ സംഭവിച്ചതിനാല്‍ 100,000 ദിര്‍ഹം നഷ്ടപരിഹാരവും ഫീസും ചെലവുകളും ആവശ്യപ്പെട്ടാണ് പരാതിക്കാരി കേസ് ഫയല്‍ ചെയ്തത്.

ALSO READ: 'കൈകള്‍ കോര്‍ത്ത് ഞങ്ങള്‍ 50 വര്‍ഷം ആഘോഷിക്കുന്നു': ഷെയ്ഖ ഫാത്തിമ നിര്‍ദേശിച്ചു; യു.എ.ഇ വനിതാദിന പ്രമേയം അംഗീകരിച്ചു | Emirati Women's Day

പ്രതിയുടെ പ്രവൃത്തി തെളിയിക്കപ്പെട്ടെന്നും അത് പരാതിക്കാരിക്ക് ഗുരുതരമായ ദോഷങ്ങള്‍ വരുത്തിയെന്നും കോടതി നിരീക്ഷിച്ചു. തെറ്റും ഉപദ്രവവും തമ്മില്‍ കാര്യകാരണ ബന്ധം ഉള്ളതിനാല്‍, നഷ്ടപരിഹാരം നല്‍കാന്‍ പ്രതി നിയമപരമായി ബാധ്യസ്ഥനാണെന്ന് കോടതി വ്യക്തമാക്കി. ഇതിന്റെ അടിസ്ഥാനത്തിലാണ് പാരതിക്കാരിക്ക് 20,000 ദിര്‍ഹം നഷ്ടപരിഹാരമായി നല്‍കാന്‍ കോടതി വിധിച്ചത്.

A woman in Al Ain has been fined Dh20,000 by the court for sending insulting messages to another woman through WhatsApp. The case highlights the serious legal consequences of online defamation in the UAE.