ന്യൂഡൽഹി: ഔദ്യോഗിക വസതിയെച്ചൊല്ലിയുള്ള വിവാദത്തിന് പിന്നാലെ, മുൻ ചീഫ് ജസ്റ്റിസ് ഓഫ് ഇന്ത്യ ഡി.വൈ. ചന്ദ്രചൂഡ് ഡൽഹിയിലെ 5, കൃഷ്ണ മേനോൻ മാർഗിലുള്ള ചീഫ് ജസ്റ്റിസിന്റെ ഔദ്യോഗിക ബംഗ്ലാവ് രണ്ടാഴ്ചയ്ക്കുള്ളിൽ ഒഴിയുമെന്ന് വ്യക്തമാക്കി. തന്റെ ഭാഗത്തുനിന്ന് ബംഗ്ലാവ് ഒഴിയുന്നതിൽ യാതൊരു കാലതാമസവും ഉണ്ടായിട്ടില്ലെന്ന് അദ്ദേഹം ബാർ & ബെഞ്ചിനോട് പറഞ്ഞു. 

അദ്ദേഹത്തിന്റെ രണ്ട് പെൺമക്കൾക്ക് നെമാലിൻ മയോപ്പതി എന്ന അപൂർവ ജനിതക രോഗമുണ്ട്. ഈ രോഗാവസ്ഥ മൂലം കുടുംബം നേരിടുന്ന വെല്ലുവിളികൾ അദ്ദേഹം പരസ്യമായി പങ്കുവെച്ചിരിക്കുകയാണിപ്പോൾ. "എന്റെ മക്കൾക്ക് വീൽചെയർ സൗകര്യമുള്ള വീട് കണ്ടെത്താൻ ഞാൻ കുറെ ശ്രമിച്ചു. 16-ഉം 14- വയസ്സുള്ള അവർക്ക് സ്വന്തമായി വീൽചെയർ ഉപയോ​ഗിച്ച് സ്വന്തമായി തന്നെ സഞ്ചരിക്കാനും അതേസമയം പിതാവ് എന്ന നിലയിൽ അവരുടെ സ്വകാര്യത പരി​ഗണിക്കേണ്ടതും എന്റെ ആവശ്യമാണ്. ബാത്ത്റൂം ഡോറിന്റെ വീതി പോലുള്ള ചെറിയ കാര്യങ്ങൾ പോലും പ്രധാനമാണ്," അദ്ദേഹം പറഞ്ഞു. ഈ കാര്യങ്ങൾ പരി​ഗണിക്കേണ്ടതിനാലാണ് താമസം മാറുന്നതിൽ വൈകുന്നത് അദ്ദേഹം വ്യക്തമാക്കി. 

 

നിരവധി സർവീസ്ഡ് അപ്പാർട്ട്മെന്റുകൾ പരിഗണിച്ചെങ്കിലും ഹ്രസ്വകാല വാടകയ്ക്ക് വീട് ലഭിക്കാത്തതും താമസം മാറ്റത്തിന് വൈകിയെന്ന് അദ്ദേഹം വിശദീകരിച്ചു. "ഒരു വീട് ഷോർട്ട്‌ലിസ്റ്റ് ചെയ്തപ്പോൾ, മൂന്ന് മാസത്തേക്ക് വാടകയ്ക്ക് നൽകാൻ ഉടമ തയ്യാറായില്ല," അദ്ദേഹം കൂട്ടിച്ചേർത്തു. ഏപ്രിൽ 28-ന് അദ്ദേഹം നിലവിലെ ചീഫ് ജസ്റ്റിസ് സഞ്ജീവ് ഖന്നയ്ക്ക് കത്തെഴുതി, ജൂൺ 30 വരെ താമസം നീട്ടണമെന്ന് ആവശ്യപ്പെട്ടു.

2024 നവംബറിൽ ചീഫ് ജസ്റ്റിസ് സ്ഥാനത്ത് നിന്ന് വിരമിച്ച ജസ്റ്റിസ് ചന്ദ്രചൂഡ്, തന്റെ കുടുംബത്തോടൊപ്പം തീൻ മൂർത്തി മാർഗിലുള്ള സർക്കാർ അനുവദിച്ച വീട്ടിലേക്ക് താമസം മാറും. " പാക്കിംഗ് എല്ലാം പൂർത്തിയാക്കി വരുന്നു, ദൈനംദിന ഉപയോഗത്തിനുള്ള ചില ഫർണിച്ചറുകൾ ഒഴികെ ബാക്കി ഫർണിച്ചറുകൾ പാക്ക് ചെയ്തു. മറ്റെല്ലാം ട്രക്കിൽ കയറ്റി പുതിയ വീട്ടിലേക്ക് കൊണ്ടുപോകും. ഇതിന് പരമാവധി പത്ത് ദിവസമോ രണ്ടാഴ്ചയോ എടുക്കും," അദ്ദേഹം വ്യക്തമാക്കി.

ALSO READ: 26/11 മുംബൈ ഭീകരാക്രമണം: ആക്രമണം നടന്ന ദിവസം മുംബൈയിൽ, പാകിസ്ഥാൻ സൈന്യത്തിന്റെ വിശ്വസ്തൻ, ഞെട്ടിക്കുന്ന വെളിപ്പെടുത്തലുകളുമായി മുഖ്യ ഗൂഢാലോചനക്കാരൻ 

വിരമിച്ച സുപ്രീം കോടതി ജഡ്ജിമാർക്ക് വിരമിച്ച ശേഷം ആറ് മാസത്തേക്ക് സർക്കാർ വസതിയിൽ താമസിക്കാനുള്ള അവകാശമുണ്ട്. എന്നാൽ, കൃഷ്ണ മേനോൻ മാർഗിലെ ടൈപ്പ് VIII ബംഗ്ലാവിൽ തുടരുന്നതിന് പ്രത്യേക അനുമതിയും ലൈസൻസ് ഫീസും ആവശ്യമാണ്. 2022-ലെ സുപ്രീം കോടതി ജഡ്ജിമാരുടെ നിയമങ്ങൾ പ്രകാരം, വിരമിച്ച ചീഫ് ജസ്റ്റിസിന് ആറ് മാസത്തേക്ക് വാടകയില്ലാതെ ടൈപ്പ് VII വസതിയിൽ താമസിക്കാം.

ജസ്റ്റിസ് ചന്ദ്രചൂഡിന്റെ താമസം നീട്ടിയത് വിവാദമായിരുന്നു. സുപ്രീം കോടതി ഭരണകൂടം ജൂലൈ 1-ന് കേന്ദ്ര ഭവന, നഗരകാര്യ മന്ത്രാലയത്തിന് ബംഗ്ലാവ് തിരിച്ചുപിടിക്കണമെന്ന് ആവശ്യപ്പെട്ട് കത്തെഴുതിയിരുന്നു. 2024 നവംബറിൽ വിരമിച്ചെങ്കിലും, ഏപ്രിൽ 30 വരെ ഔദ്യോഗികമായും മെയ് 31 വരെ അനൗപചാരികമായും താമസം നീട്ടാൻ അദ്ദേഹത്തിന് അനുമതി ലഭിച്ചിരുന്നു.

ALSO READ: സർക്കാർ ആശുപത്രിയിലെ ചികിത്സയിൽ മരണത്തിന്റെ വക്കിലെത്തിയ എന്നെ രക്ഷിച്ചത് സ്വകാര്യ ആശുപത്രി; വീണ്ടും വിവാദ പരാമർശവുമായി മന്ത്രി സജി ചെറിയാൻ

നിലവിൽ സർക്കാർ അനുവദിച്ച തീൻ മൂർത്തി മാർഗിലെ വീട്ടിൽ അറ്റകുറ്റപ്പണികൾ നടക്കുന്നുണ്ട്. രണ്ട് വർഷമായി ഒഴിഞ്ഞുകിടന്ന വീടാണ്. അറ്റകുറ്റപ്പണികൾ ജൂലൈ അവസാനം വരെ തുടരുമെന്ന് കരാറുകാർ അറിയിച്ചു," അദ്ദേഹം പറഞ്ഞു. പുതിയ വീടിന്റെ വാടക നൽകാൻ തയ്യാറാണെന്നും നിയമം അനുസരിക്കുമെന്നും അദ്ദേഹം ഉറപ്പിച്ചു.

Former Chief Justice of India D.Y. Chandrachud addressed controversies surrounding his official residence, stating that he required a wheelchair-accessible home for his daughters and faced challenges in finding one