2025 ഐപിഎൽ കിരീടം സ്വന്തമാക്കിയ റോയൽ ചലഞ്ചേഴ്സ് ബെംഗളൂരുവിനെ തേടി മറ്റൊരു തകർപ്പൻ നേട്ടം എത്തിയിരിക്കുകയാണ്. ടീമിന്റെ ബ്രാൻഡ് മൂല്യത്തിൽ വലിയ വർധനവാണ് ഉണ്ടായിരിക്കുന്നത്.  2024ലെ ടീമിന്റെ ബ്രാൻഡ് വാല്യൂ 227 മില്യൺ ഡോളറിൽ നിന്ന് 269 മില്യൺ ഡോളറായി ഉയർന്നു. 242 ഡോളറോടെ മുംബൈ ഇന്ത്യൻസ് രണ്ടാം സ്ഥാനത്തുമാണ് ഉള്ളത്. എന്നാൽ ചെന്നൈ സൂപ്പർ കിങ്‌സ് 235 മില്യൺ ഡോളറുമായി മൂന്നാം സ്ഥാനത്തേക്ക് വീണു. ഹൗളിഹാൻ ലോക്കിയുടെ ഏറ്റവും പുതിയ ബ്രാൻഡ് മൂല്യനിർണ്ണയ പഠനത്തിലാണ് ഈ കണക്കുകൾ പുറത്തുവന്നത്. 

ഫൈനലിലെത്തിയ പഞ്ചാബ് കിങ്‌സും വലിയ നേട്ടമാണ്  കിംഗ്‌സ് ഉണ്ടാക്കിയത്, റണ്ണർ അപ്പ് ഫിനിഷിംഗ്, ആക്രമണാത്മക ലേല തന്ത്രം, വൈറലായ ഡിജിറ്റൽ കാമ്പെയ്‌നുകൾ എന്നിവ മൂലം വാല്യൂ 39.6% വർധനവാണു ഉണ്ടായത്. 141 മില്യൺ ഡോളറിലാണ് പഞ്ചാബ് എത്തിയത്. കൊൽക്കത്ത നൈറ്റ്‌ റൈഡഴ്സ് (227 മില്യൺ), സൺറൈസേഴ്സ് ഹൈദരാബാദ് (154 മില്യൺ), ഡൽഹി ക്യാപ്പിറ്റൽസ് (152 മില്യൺ), രാജസ്ഥാൻ റോയൽസ് (146 മില്യൺ), ഗുജറാത്ത്‌ ടൈറ്റൻസ് (142 മില്യൺ), ലഖ്നൗ സൂപ്പർ ജയന്റ്സ്(122 മില്യൺ) എന്നീ ടീമുകളും നേട്ടങ്ങൾ ഉണ്ടാക്കി.

അതേസമയം നീണ്ട 18 വർഷത്തെ കാത്തിരിപ്പ് അവസാനിപ്പിച്ചുകൊണ്ട് റോയൽ ചലഞ്ചേഴ്സ് ബെംഗളൂരു ഐപിഎല്ലിൽ കിരീടം നേടിയത്. ഫൈനൽ പോരാട്ടത്തിൽ പഞ്ചാബ് കിങ്സിനെ ആറ് റൺസിന് വീഴ്ത്തിയാണ് ആർസിബി ചരിത്രത്തിലെ ആദ്യ കിരീടം സ്വന്തമാക്കിയത്. ഗുജറാത്തിലെ അഹമ്മദാബാദ് നരേന്ദ്രമോദി സ്റ്റേഡിയത്തിൽ നടന്ന മത്സരത്തിൽ നഷ്ടപ്പെട്ട് ആദ്യം ബാറ്റ് ചെയ്ത ബംഗളൂരു 20 ഓവറിൽ 9 വിക്കറ്റ് നഷ്ടത്തിൽ 190 റൺസ് ആണ് നേടിയത്. വിജയലക്ഷ്യം പിന്തുടർന്നിറങ്ങിയ പഞ്ചാബിനെ 20 ഓവറിൽ 7 വിക്കറ്റ് നഷ്ടത്തിൽ 184 റൺസിൽ എത്താനെ സാധിച്ചുള്ളൂ. 

Another milestone has come for Royal Challengers Bangalore who won the 2025 IPL title There has been a huge increase in the teams brand value