ദോഹ: ഇലോണ്‍ മസ്‌കിന്റെ സ്‌പേസ് എക്‌സിന്റെ സാറ്റലൈറ്റ് ഇന്റര്‍നെറ്റ് സേവനമായ സ്റ്റാര്‍ലിങ്ക് ഇനി ഖത്തറിലും ലഭ്യമാകും. സ്റ്റാര്‍ലിങ്ക് പ്രവര്‍ത്തനക്ഷമമാകുന്നത് മിഡില്‍ ഈസ്റ്റിലെ ഡിജിറ്റല്‍ കണക്റ്റിവിറ്റിയില്‍ ഒരു സുപ്രധാന നേട്ടമാകുമൊന്നാണ് വിദഗ്ധര്‍ കണക്കുകൂട്ടുന്നത്. സ്റ്റാര്‍ലിങ്കിന്റെ ഖത്തറിലെ ലോഞ്ച് സ്വന്തം സോഷ്യല്‍ മീഡിയ പ്ലാറ്റ്‌ഫോമായ എക്‌സിലൂടെ സ്‌പേസ് എക്‌സ് സ്ഥാപകനായ ഇലോണ്‍ മസ്‌ക് തന്നെയാണ് പ്രഖ്യാപിച്ചത്.

ALSO READ: ഖത്തറിലെ യുഎസ് വ്യോമതാവളത്തെ ആക്രമിച്ചത് ഗൾഫ് രാജ്യങ്ങളുമായുള്ള ബന്ധത്തെ ബാധിച്ചില്ല; സൗദിയിൽ എത്തി മുഹമ്മദ്‌ ബൻ സൽമാനെ കണ്ട് ഇറാൻ വിദേശകാര്യമന്ത്രി

പരമ്പരാഗത ഇന്റര്‍നെറ്റ് ദാതാക്കള്‍ക്ക് സേവനം നല്‍കാന്‍ കഴിയാത്ത പ്രദേശങ്ങള്‍ ഉള്‍പ്പെടെ, ഖത്തറിലുടനീളം വിശ്വസനീയവും അതിവേഗവുമായ ഇന്റര്‍നെറ്റ് സേവനം സ്റ്റാര്‍ലിങ്ക് ഉറപ്പാക്കുമെന്നാണ് പ്രതീക്ഷ. ഈ സേവനം ഉപഭോക്താക്കള്‍ക്കും ബിസിനസുകള്‍ക്കും ഒരുപോലെ പ്രയോജനകരമാകുമെന്ന് അധികൃതര്‍ വിലയിരുത്തുന്നു.

നേരത്തെ, ഖത്തര്‍ എയര്‍വേയ്‌സ് തങ്ങളുടെ വിമാനങ്ങളില്‍ സ്റ്റാര്‍ലിങ്ക് സാങ്കേതികവിദ്യ സജ്ജീകരിക്കാന്‍ തുടങ്ങിയിരുന്നു. തിരഞ്ഞെടുത്ത വിമാനങ്ങളില്‍ യാത്രക്കാര്‍ക്ക് സൗജന്യവും അതിവേഗത്തിലുമുള്ള വൈഫൈ സേവനം നല്‍കുന്നതിലൂടെ, വ്യോമയാന മേഖലയിലെ സാങ്കേതിക മികവില്‍ ഖത്തറിന്റെ നേട്ടം അരക്കെട്ടുറപ്പിച്ചിരുന്നു.

ALSO READ: വിസ നയങ്ങളിൽ അയവ് വരുത്തി ചൈന, 74 രാജ്യക്കാർക്ക് വിസയില്ലാതെ 30 ദിവസം വരെ താമസിക്കാം, ലിസ്റ്റിൽ എല്ലാ ഗൾഫ് രാജ്യങ്ങളും; ഇന്ത്യ ഇല്ല | Full List

സ്റ്റാര്‍ലിങ്കിന്റെ വരവോടെ, മിഡില്‍ ഈസ്റ്റില്‍ നൂതന സാറ്റലൈറ്റ് ഇന്റര്‍നെറ്റ് സേവനം നല്‍കുന്ന ആദ്യ രാജ്യങ്ങളിലൊന്നായി ഖത്തര്‍ മാറി. ഈ നേട്ടം ഡിജിറ്റല്‍ ഇന്‍ഫ്രാസ്ട്രക്ചര്‍ മേഖലയില്‍ ഖത്തറിനെ പ്രാദേശിക ശക്തിയായി ഉയര്‍ത്തുമെന്നാണ് അധികൃതരുടെ പ്രതീക്ഷ.

Starlink, the satellite internet service by Elon Musk’s SpaceX, is now officially available in Qatar. The service promises high-speed connectivity even in remote areas, marking a major step in digital infrastructure.