റിയാദ്: ഗൾഫ് മേഖലയിൽ നിലനിന്ന ഇടക്കാലത്തെ അനിശ്ചിതത്വത്തിനിടെ സൗദി അറേബ്യയുടെ കിരീടാവകാശി മുഹമ്മദ് ബിൻ സൽമാനും (എംബിഎസ്) ഇറാൻ വിദേശകാര്യ മന്ത്രി അബ്ബാസ് അരഗ്ചിയും ജിദ്ദയിൽ വച്ച് കൂടിക്കാഴ്ച്ച നടത്തി. ഇസ്രാഈലുമായുള്ള യുദ്ധത്തിനിടെ തങ്ങളുടെ ആണവകേന്ദ്രങ്ങളെ ലക്ഷ്യംവച്ചുള്ള യുഎസിന്റെ ആക്രമണത്തിനു പ്രതികാരമായി ഖത്തറിലെ യുഎസ് വ്യോമതാവളത്തെ ഇറാൻ ആക്രമിച്ചെങ്കിലും, അതൊന്നും ഗൾഫ് രാഷ്ട്രങ്ങളുമായുള്ള നയതന്ത്ര ബന്ധത്തെ ബാധിച്ചിട്ടില്ലെന്നു വ്യക്തമാക്കുന്നതാണ് അബ്ബാസ് അരഗ്ചിയുടെ സൗദി സന്ദർശനം.

ഇസ്രായേലിന്റെ ഇറാനുമായുള്ള യുദ്ധത്തിനുശേഷം ഗൾഫ് രാജ്യത്തേക്ക് നടത്തിയ ആദ്യ സന്ദർശനത്തിൽ മുഹമ്മദ്‌ ബിൻ സൽമാനുമായും മറ്റ് സൗദി ഉദ്യോഗസ്ഥരുമായും അരഗ്ചി നടത്തിയ ചർച്ചകൾ ഫലപ്രദമായിരുന്നു എന്ന് ഇറാൻ വിദേശകാര്യ മന്ത്രാലയ വക്താവ് എസ്മയിൽ ബഗായ് പറഞ്ഞു.

   അരഗ്ചിയും സൗദി കിരീടാവകാശിയും ഉഭയകക്ഷി ബന്ധങ്ങൾ അവലോകനം ചെയ്യുകയും ഏറ്റവും പുതിയ പ്രാദേശിക സംഭവവികാസങ്ങളും ഇക്കാര്യത്തിൽ നടത്തുന്ന ശ്രമങ്ങളും ചർച്ച ചെയ്യുകയും ചെയ്തു എന്ന് സൗദി അറേബ്യയുടെ ഔദ്യോഗിക വാർത്താ ഏജൻസിയായ എസ്‌പി‌എ റിപ്പോർട്ട് ചെയ്തു. വെടിനിർത്തൽ കരാർ മേഖലയിൽ സുരക്ഷയും സ്ഥിരതയും പ്രോത്സാഹിപ്പിക്കുന്ന സാഹചര്യങ്ങൾ സൃഷ്ടിക്കുന്നതിന് സഹായകമാകുമെന്ന രാജ്യത്തിന്റെ അഭിലാഷം കിരീടാവകാശി പ്രകടിപ്പിച്ചു. തർക്കങ്ങൾ പരിഹരിക്കുന്നതിനുള്ള ഒരു മാർഗമായി നയതന്ത്ര മാർഗങ്ങളിലൂടെ ചർച്ചകളെ പിന്തുണയ്ക്കുന്നതിൽ രാജ്യത്തിന്റെ നിലപാടും അദ്ദേഹം ഇറാനെ അറിയിച്ചു. ഇസ്രായേലി ആക്രമണത്തെ അപലപിച്ചതിന് അരാഗ്ചി രാജ്യത്തിന് നന്ദി അറിയിച്ചുവെന്നും റിപ്പോർട്ട്‌ കൂട്ടിച്ചേർത്തു.

ALSO READ: ഇനി പെയ്മെന്റ് ഈസിയാകും; ഉപയോക്താക്കൾക്കായി കൂടുതൽ പേയ്‌മെന്റ് ഓപ്ഷനുകൾ അവതരിപ്പിച്ചു സൗദി

 സൗദി പ്രതിരോധ മന്ത്രി ഖാലിദ് ബിൻ സൽമാൻ ബിൻ അബ്ദുൽ അസീസ്, വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ അൽ സൗദ് എന്നിവരുമായും ഉന്നത ഇറാനിയൻ നയതന്ത്രജ്ഞൻ കൂടിക്കാഴ്ച നടത്തി. ജൂൺ 13 ന് ഇറാനെതിരെ യാതൊരു പ്രകോപനവും ഇല്ലാതെ ആണ് ഇസ്രായേൽ ബോംബാക്രമണം നടത്തിയത്. ഇറാൻ മിസൈൽ ആക്രമണങ്ങൾ ഉപയോഗിച്ച് തിരിച്ചടിച്ചത് ഇസ്രായേലിൽ വ്യാപകമായ നാശം വിതച്ചു.

സൗദി വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ ആണ് മക്കയിൽ എത്തിയ ഇറാനിയൻ വിദേശകാര്യ മന്ത്രി അബ്ബാസ് അരഘ്ചിയെ സ്വീകരിച്ചത്. കൂടിക്കാഴ്ചയിൽ, സൗദി-ഇറാൻ ബന്ധങ്ങളെക്കുറിച്ചും മേഖലയിലെ ഏറ്റവും പുതിയ സംഭവവികാസങ്ങളെക്കുറിച്ചും അവിടെ സുരക്ഷയും സ്ഥിരതയും കൈവരിക്കാനുള്ള ശ്രമങ്ങളെക്കുറിച്ചും ചർച്ച ചെയ്തു. ബ്രസീലിൽ നിന്ന് മടങ്ങുന്നതിനിടെ ആണ് ഇറാൻ മന്ത്രിയുടെ സൗദി സന്ദർശനം.

Saudi Arabia’s Crown Prince Mohammed bin Salman (MBS) has met Iranian Foreign Minister Abbas Araghchi in Jeddah in the first visit by a top Iranian official to the Gulf kingdom after Israel’s war. Iranian Foreign Affairs spokesperson Esmaeil Baghaei said Araghchi’s talks with Prince Mohammed and other Saudi officials on Tuesday were “fruitful”.