പാലക്കാട്: പനി ബാധിച്ചു മരിച്ച 57 കാരനായ പാലക്കാട് മണ്ണാര്‍ക്കാട് ചങ്ങലീരി സ്വദേശിയുടെ സാമ്പിള്‍ പരിശോധനയ്ക്ക് അയച്ചു. മഞ്ചേരിയിലെയും പുനെയിലേയും വൈറോളജി ലാബിലേക്കാണ് സാംപിള്‍ പരിശോധനക്കായി അയച്ചിരിക്കുന്നത്. ട്രൂനാറ്റ് പരിശോധനയില്‍ നിപ ഫലം പോസിറ്റീവ് ആയിരുന്നു. 

എന്നാല്‍, പൂനെയിലെ ഫലം വന്നാല്‍ മാത്രമെ നിപ സ്ഥിരീകരിക്കാന്‍ കഴിയൂവെന്ന് പാലക്കാട് ജില്ലാ കലക്ടര്‍ വ്യക്തമാക്കി. പ്രാഥമിക പരിശോധനഫലവും പൂനെ ലാബില്‍ നിന്നുള്ള ഫലവും ഉടന്‍ ലഭിക്കുമെന്ന് അധികൃതര്‍ അറിയിച്ചു.

അതേസമയം, ട്രൂനാറ്റ് പരിശോധന പോസിറ്റിവ് ആയതിന് പിന്നാലെ ആരോഗ്യ വകുപ്പ് ജാഗ്രത നിര്‍ദ്ദേശം പുറപ്പെടുവിച്ചിട്ടുണ്ട്. മരണപ്പെട്ടയാളുടെ സമ്പര്‍ക്ക പട്ടിക തയ്യാറാക്കാനുള്ള ശ്രമങ്ങള്‍ നടക്കുകയാണ്.

ALSO READ: നിപ്പാ വൈറസ്: കരുതലോടെ നേരിടാം, ഈ ലക്ഷണങ്ങള്‍ ശ്രദ്ധിക്കുക

സംസ്ഥാനത്ത് നിലവില്‍ നിപ സമ്പര്‍ക്കപ്പട്ടികയില്‍ 497 പേരാണുള്ളതെന്ന് ആരോഗ്യ മന്ത്രി നേരത്തെ അറിയിച്ചിരുന്നു. പുതിയ മരണം റിപ്പോര്‍ട്ട് ചെയ്ത സാഹചര്യത്തില്‍ ഇത് കൂടിയേക്കും. മലപ്പുറം ജില്ലയില്‍ 203 പേരും, കോഴിക്കോട് 114 പേരും, പാലക്കാട് 178 പേരും, എറണാകുളത്ത് 2 പേരുമാണ് നിലവില്‍ നിരീക്ഷണത്തില്‍ കഴിയുന്നത്. 14 പേര്‍ ഹൈയസ്റ്റ് റിസ്‌ക് പട്ടികയിലും, 82 പേര്‍ ഹൈ റിസ്‌ക് വിഭാഗത്തിലും നിരീക്ഷണത്തില്‍ കഴിയുന്നുണ്ട്. 

ALSO READ: ബഹ്‌റൈനില്‍ എത്തിയത് വലിയ പ്രതീക്ഷയോടെ, രേഖകളില്ലാതെ 13 വര്‍ഷത്തെ ദുരിതം; ഒടുവില്‍ അഷ്‌റഫും കുടുംബവും നാടണഞ്ഞു

അതിനിടെ, ഇന്ന് രാവിലെ 11 മണിക്ക് പാലക്കാട് കലക്ടറുടെ അധ്യക്ഷതയില്‍ യോഗം ചേരുന്നുണ്ട്. വിവിധ വകുപ്പിലെ ഉദ്യോഗസ്ഥര്‍ യോഗത്തില്‍ പങ്കെടുക്കും.  

A 57-year-old man from Changaleeri, Mannarkkad, Palakkad, has died with symptoms of Nipah virus. Preliminary TrueNat test results were positive. Samples have been sent to Manjeri and Pune virology labs for confirmation.