മേജർ ലീഗ് ക്രിക്കറ്റ് കിരീടം സ്വന്തമാക്കി എംഐ ന്യൂയോർക്ക്. മുംബൈ ഇന്ത്യൻസിന്റെ സഹോദര ഫ്രാഞ്ചൈസിയാണ് എംഐ ന്യൂയോർക്ക്. വാഷിംഗ്ടൺ ഫ്രീഡം ടീമിനെ അഞ്ചു റൺസിന്‌ കീഴടക്കിയാണ് ന്യൂയോർക്ക് കിരീടം ചൂടിയത്. മത്സരത്തിൽ ആദ്യം ബാറ്റ് ചെയ്ത 20 ഓവറിൽ ഏഴ്  വിക്കറ്റ് നഷ്ടത്തിൽ 180 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ വാഷിംഗ്ടണ് ഇന്നിംഗ്സ് അഞ്ചു വിക്കറ്റ് നഷ്ടത്തിൽ 175 റൺസിൽ അവസാനിക്കുകയായിരുന്നു. 

46 പന്തിൽ 77 റൺസ് നേടിയ ക്വിന്റൻ ഡി കോക്കിന്റെ കരുത്തിലാണ് ന്യൂയോർക്ക് മികച്ച ടോട്ടൽ നേടിയത്. ആറ് ഫോറുകളും മൂന്ന് സിക്സുമാണ്‌ മുൻ സൗത്ത് ആഫ്രിക്കൻ താരം നേടിയത്. വാഷിംഗ്‌ടണിന്റെ ബൗളിങ്ങിൽ ലോക്കി ഫെർഗൂസൻ മൂന്ന് വിക്കറ്റുകൾ നേടി മികച്ച പ്രകടനമാണ്‌ നടത്തിയത്. 

ALSO READ: പിഎസ്ജിയെ വീഴ്ത്തി ലോക ചാമ്പ്യന്മാരായി ചെൽസി; കിരീട നേട്ടത്തിനൊപ്പം പിറന്നത് പുതിയ ചരിത്രം

വാഷിംഗ്‌ടണിനായി ന്യൂസിലാൻഡ് താരം രചിൻ രവീന്ദ്ര 41 പന്തിൽ 70 റൺസ് നേടി. എട്ട് ഫോറുകളും ഒരു സിക്‌സുമാണ്‌ താരം നേടിയത്. ഗ്ലെൻ ഫിലിപ്സ് 34 പന്തിൽ പുറത്താവാതെ 48 റൺസ് നേടി അവസാന നിമിഷം വരെ പൊരുതിയെങ്കിലും ടീം പരാജയപ്പെടുകയായിരുന്നു. ഗ്ലെൻ മാക്സ്വെല്ലിന്റെ 16 പന്തിൽ 15 റൺസ് നേടിയാണ് മടങ്ങിയത്. താരത്തിന്റെ ഈ സ്ലോ ഇന്നിങ്സും ടീമിന്റെ തോൽവിക്ക് കാരണമായി.

ഓസ്‌ട്രേലിയൻ ഇതിഹാസം റിക്കി പോണ്ടിങ് ആയിരുന്നു വാഷിംഗ്ടൺ ഫ്രീഡത്തിന്റെ ഹെഡ് കോച്ച്. 2025 ഐപിഎല്ലിൽ പഞ്ചാബ് കിങ്സിന്റെ പരിശീലകനും പോണ്ടിങ് തന്നെയായിരുന്നു. ഈ രണ്ട് ടീമുകളെയും ഫൈനൽ വരെ എത്തിക്കാൻ സാധിച്ചെങ്കിലും കിരീടം നഷ്ടമാവുകയായിരുന്നു.റോയൽ ചലഞ്ചേഴ്‌സ് ബെംഗളൂരുവിനോട് പരാജയപ്പെട്ടാണ്‌  പഞ്ചാബ് കിങ്‌സിനു കിരീടം നഷ്ടമായത്.  

MI New York won the Major League Cricket title. MI New York is the franchise of Mumbai Indians. New York won the title by defeating the Washington Freedom team by five runs.