കൊച്ചി: എറണാകുളം നഗരത്തിൽ വൻതോതിൽ രാസലഹരിയുമായി യുവതിയും മൂന്ന് യുവാക്കളും പിടിയിൽ. കോഴിക്കോട് സ്വദേശികളായ ദിയ എസ്.കെ സി.പി.അബു ഷാമിൽ, മലപ്പുറം സ്വദേശി ഫിജാസ് മുഹമ്മദ്, പെരിന്തൽമണ്ണ സ്വദേശി ഷാമിൽ എന്നിവരാണ് പിടിയിലായത്. കൊച്ചിയിലെ ഫ്ലാറ്റുകൾ കേന്ദ്രീകരിച്ച് നടത്തിയ പരിശോധനയിലാണ് നാലുപേരും ഡാൻസാഫ് സംഘത്തിന്റെ പിടിയിലായത്. 

എളംകുളം മെട്രോ സ്റ്റേഷനു സമീപം പ്രതികൾ താമസിച്ചിരുന്ന ഫ്ലാറ്റിൽ നിന്നാണ് ലഹരി വസ്തുക്കൾ പിടികൂടിയത്. 115 ഗ്രാം എംഡിഎംഎ, 35 ഗ്രാം എക്സറ്റസി പിൽസ്, 2 ഗ്രാം കഞ്ചാവ് എന്നിവയാണ് നാലംഗ സംഘത്തിൽ നിന്നും പിടിച്ചെടുത്തിട്ടുള്ളത്. പ്രതികളിൽ ഒരാൾ വിദ്യാഭ്യാസ ആവശ്യത്തിനായി നഗരത്തിലെത്തി ഫ്ലാറ്റ് വാടകയ്ക്ക് എടുക്കുകയായിരുന്നു. പിന്നാലെ മറ്റുള്ളവരും ഇവിടെ എത്തുകയായിരുന്നെന്ന് പൊലിസ് പറഞ്ഞു.

ALSO READ: ഹൈദരാബാദിൽ കമ്മ്യൂണിസ്റ്റ് നേതാവ് ചന്തു റാത്തോഡിനെ വെടിവെച്ച് കൊന്നു; ആക്രമണം പ്രഭാത നടത്തത്തിനിടെ കണ്ണിൽ മുളകുപൊടി വിതറിയ ശേഷം

ലഹരി സംഘത്തെ പിടികൂടുന്നതിന്റെ ഭാഗമായി ഫ്ലാറ്റുകൾ കേന്ദ്രീകരിച്ച് ഡാൻസാഫ് സംഘം രഹസ്യ പരിശോധനകൾ ശക്തമാക്കിയിരുന്നു. സംശയമുള്ളവരെ നിരീക്ഷിച്ചാണ് ഫ്ലാറ്റുകളിൽ എത്തി പരിശോധിക്കുന്നത്. ഇത്തരം പരിശോധനയിൽ കഴിഞ്ഞ ദിവസവും കൊച്ചിയിൽ നിന്ന് വ്ലോഗർ ഉൾപ്പെടെ പിടിയിലായിരുന്നു.

In a major anti-drug operation in Ernakulam city, a young woman and three men were arrested with a large quantity of synthetic drugs. Those taken into custody include: Diya S.K. and C.P. Abu Shamil from Kozhikode, Fijas Muhammad from Malappuram, Shamil from Perinthalmanna. The arrests were made during a targeted raid on flats in Kochi, carried out by the DanSAF (District Anti-Narcotics Special Action Force) team.