ഹൈദരാബാദ്: അജ്ഞാതരായ അക്രമികളുടെ വെടിയേറ്റ് കമ്മ്യൂണിസ്റ്റ് പാർട്ടി ഓഫ് ഇന്ത്യ (സിപിഐ) നേതാവ് ചന്തു റാത്തോഡ് കൊല്ലപ്പെട്ടു. ഹൈദരാബാദിലെ ഷാലിവാഹന നഗർ പാർക്കിൽ പ്രഭാത നടത്തത്തിനിടെ രാവിലെ 7.30നാണ് സംഭവം. മാരുതി സ്വിഫ്റ്റ് കാറിൽ എത്തിയ നാലംഗ സംഘം ചന്തു റാത്തോഡിന്റെ കണ്ണിൽ മുളകുപൊടി എറിഞ്ഞതിനു ശേഷം പോയിന്റ് ബ്ലാങ്കിൽ വെടിയുതിർക്കുകയായിരുന്നു എന്നാണ് റിപ്പോർട്ട്. പാർട്ടിയുടെ ഹൈദരാബാദ് സിറ്റി കമ്മിറ്റി അംഗം കൂടിയാണ് കൊല്ലപ്പെട്ട ചന്തു റാത്തോഡ്.

മൂന്നോ നാലോ പേരാണ് സംഘത്തിൽ ഉണ്ടായിരുന്നത് എന്നാണ് സൂചന. കണ്ണിൽ മുളക്പൊടി വിതറിയതിന് പിന്നാലെ ആക്രമികൾ തുടരെ വെടിവെക്കുകയായിരുന്നു. രാവിലെ ആക്രമണം നടന്ന സമയത്ത് പാർക്കിൽ ഏകദേശം രണ്ട് ഡസനോളം ആളുകൾ ഉണ്ടായിരുന്നു. എന്നാൽ ഇവർ ഓടികൂടുന്നതിന് മുൻപ് തന്നെ അക്രമികൾ എത്തിയ സ്വിഫ്റ്റ് കാറിൽ തന്നെ കയറി രക്ഷപ്പെട്ടുവെന്ന് പൊലിസ് പറയുന്നു. ചന്തു റാത്തോഡിനൊപ്പം ഭാര്യയും മകനും പ്രഭാത നടത്തത്തിന് ഉണ്ടായിരുന്നതായി പ്രാദേശിക റിപ്പോർട്ടുകൾ പറയുന്നുണ്ട്.

ALSO READ: സ്വർണവള കാക്ക കൊത്തികൊണ്ട് പോയി, മൂന്ന് വർഷങ്ങൾക്ക് ശേഷം കാക്കക്കൂട്ടിൽ നിന്നു തന്നെ തിരിച്ചുകിട്ടി! അത്ഭുതം മാറാതെ മലപ്പുറത്തെ ഒരു കുടുംബം

ദേവരുപ്പലയിൽ നിന്നുള്ള സിപിഐ (എംഎൽ) അംഗമായ രാജേഷ് എന്ന വ്യക്തിയുമായി ചന്തു റാത്തോഡിന് നിരന്തരം തർക്കമുണ്ടായിരുന്നതായി ചന്തു റാത്തോഡിന്റെ ഭാര്യ പൊലിസിന് മൊഴി നൽകിയിട്ടുണ്ട്. റാത്തോഡിന് വ്യക്തിപരമോ തൊഴിൽപരമോ ആയ എതിരാളികൾ ഉണ്ടായിരുന്നോ എന്ന് പൊലിസ് അന്വേഷിക്കുന്നുണ്ട്. അദ്ദേഹത്തിന് റിയൽ എസ്റ്റേറ്റ് ബിസിനസിലും പങ്കുണ്ടെന്ന് പൊലിസ് വൃത്തങ്ങൾ അറിയിച്ചു. കൊലപാതകത്തിന് പിന്നിൽ സ്വത്ത് തർക്കമാകാനുള്ള സാധ്യതയും പൊലിസ് അന്വേഷിക്കുന്നുണ്ട്.

സംഭവം നടന്നയുടനെ മുതിർന്ന പൊലിസ് ഉദ്യോഗസ്ഥരും ഫോറൻസിക് സംഘവും സ്ഥലത്തെത്തി. പ്രതികളെ കണ്ടെത്തുന്നതിനായി അന്വേഷണ ഉദ്യോഗസ്ഥർ പ്രദേശത്തെ സിസിടിവി ക്യാമറ ദൃശ്യങ്ങൾ പരിശോധിച്ചുവരികയാണ്. നാഗർകുർണൂൽ ജില്ലയിലെ ബൽമുരു മണ്ഡലത്തിലെ നർസായിപ്പള്ളി സ്വദേശിയായ റാത്തോഡ് കുടുംബത്തോടൊപ്പം ചൈതന്യപുരിയിലാണ് താമസിച്ചിരുന്നത്.

In a shocking incident from Hyderabad, Communist leader Chandu Rathod was shot dead while out for his morning walk. According to reports, the attackers first threw chili powder into his eyes, temporarily blinding him, and then opened fire, killing him on the spot. The brutal murder has sparked outrage among political circles and the local community.