ന്യൂഡൽഹി: കാവട് യാത്രാ മാർഗങ്ങളിലെ ഭക്ഷണശാലകളിൽ ഉടമകളുടെ വ്യക്തിവിവരങ്ങൾ പ്രദർശിപ്പിക്കണമെന്ന ഉത്തർപ്രദേശ്, ഉത്തരാഖണ്ഡ് സർക്കാരുകളുടെ നിർദേശത്തിനെതിരെ സമർപ്പിച്ച ഹരജിയിൽ സുപ്രിംകോടതി വിശദീകരണം ആവശ്യപ്പെട്ടു. ജസ്റ്റിസ് എം.എം. സുന്ദരേഷ് അധ്യക്ഷനായ ബെഞ്ച് കേസ് പരിഗണിച്ചു. മറുപടി നൽകാൻ രണ്ടാഴ്ചത്തെ സാവകാശം ആവശ്യപ്പെട്ട സംസ്ഥാനങ്ങളുടെ വാദം തള്ളിയ കോടതി, ജൂലൈ 22ന് കേസിൽ തുടർവാദം കേൾക്കുമെന്ന് അറിയിച്ചു.

ഉത്തർപ്രദേശ്, ഉത്തരാഖണ്ഡ് സർക്കാരുകൾ പുറപ്പെടുവിച്ച ഉത്തരവ് പ്രകാരം, കാവട് യാത്രാമാർഗങ്ങളിലെ ഭക്ഷണശാലകളിൽ ഉടമകളുടെ ഫോട്ടോ, വ്യക്തിവിവരങ്ങൾ, ക്യൂആർ കോഡുകൾ എന്നിവ പ്രദർശിപ്പിക്കണം. എന്നാൽ, ഈ നിർദേശം വിവേചനപരവും വർഗീയ ധ്രുവീകരണത്തിനും സംഘർഷത്തിനും കാരണമാകുമെന്നും ഹരജിക്കാർ വാദിച്ചു. ഭരണഘടനയുടെ തത്വങ്ങൾക്കും സമത്വം, മൗലികാവകാശങ്ങൾ എന്നിവയ്ക്കും എതിരാണ് ഈ നീക്കമെന്ന് അവർ ചൂണ്ടിക്കാട്ടി.

ALSO READ: മന്ത്രവാദവും ആഭിചാരവും നിയന്ത്രിക്കാൻ നിയമനിർമാണം: ഹൈക്കോടതിയിൽ നിലപാട് തിരുത്തി സർക്കാർ

വ്യക്തിവിവരങ്ങൾ പ്രദർശിപ്പിക്കുന്നത് ഒരു പ്രത്യേക വിഭാഗത്തിലെ കച്ചവടക്കാരെ ഒഴിവാക്കാനുള്ള ശ്രമമായി മാറുമെന്നും ഹരജിക്കാർ ആരോപിച്ചു. സമാനമായ സാഹചര്യങ്ങളിൽ മറ്റ് സംസ്ഥാനങ്ങളുടെ ഉത്തരവുകൾ സുപ്രിംകോടതി മരവിപ്പിച്ചതും അവർ എടുത്തുപറഞ്ഞു. അപൂർവ്വാനന്ദ് ഝാ, അസോസിയേഷൻ ഫോർ പ്രൊട്ടക്ഷൻ ഓഫ് സിവിൽ റൈറ്റ്‌സ്, തൃണമൂൽ കോൺഗ്രസ് എം.പി മഹുവ മൊയ്ത്ര എന്നിവരാണ് ഹരജി സമർപ്പിച്ചത്.

The Supreme Court has sought an explanation from the Uttar Pradesh and Uttarakhand governments regarding their directive to display owners' personal details, photos, and QR codes at eateries along the Kanwar Yatra route. The court rejected the states' request for two weeks to respond and will hear the case further on July 22, following a petition challenging the order as discriminatory and violative of constitutional principles