ദുബൈ: റോഡ് സുരക്ഷ പ്രോത്സാഹിപ്പിക്കുന്നതിന്റെ ഭാഗമായി, സ്വന്തം ജീവനും മറ്റുള്ളവരുടെ ജീവനും അപകടത്തിലാക്കുന്ന വിധം ലൈൻ മാറ്റി ഓടിച്ച വാഹനം പൊലിസ് പിടിച്ചെടുത്തു. ഈ സംഭവത്തിന്റെ ദൃശ്യങ്ങൾ ഇപ്പോൾ പൊലിസ് പുറത്തുവിട്ടിട്ടുണ്ട്. 

ഫെഡറൽ ട്രാഫിക് നിയമങ്ങൾക്കനുസരിച്ച് ഡ്രൈവർക്ക് 2,000 ദിർഹം പിഴ, 23 ബ്ലാക്ക് പോയിന്റുകൾ, 60 ദിവസത്തെ വാഹനം പിടിച്ചെടുക്കൽ തുടങ്ങിയ ശിക്ഷ നൽകി. ഇത്തരം അശ്രദ്ധമായ ഡ്രൈവിംഗ് ഡ്രൈവർക്ക് മാത്രമല്ല, മറ്റ് റോഡ് ഉപയോക്താക്കൾക്കും ഗുരുതരമായ അപകടങ്ങൾ ഉണ്ടാക്കുമെന്ന് ദുബൈ പൊലിസ് വ്യക്തമാക്കി.

ALSO READ: കുതിപ്പ് തുടർന്ന് പൊന്ന്; 24 കാരറ്റിന് 440.5 ദിർഹം, 22 കാരറ്റിന് 408 ദിർഹം

നിയമവിരുദ്ധമായ ഓവർടേക്കിംഗിന് 600 ദിർഹം പിഴയും 6 ബ്ലാക്ക് പോയിന്റുകളും ലഭിക്കുമെന്ന് പൊലിസ് മുന്നറിയിപ്പ് നൽകി. ഇത്തരം അശ്രദ്ധമായ പെരുമാറ്റങ്ങൾ റോഡപകടങ്ങളുടെ പ്രധാന കാരണങ്ങളിലൊന്നാണെന്നും അവർ വ്യക്തമാക്കി.

ഡ്രൈവ് ചെയ്യുമ്പോൾ നല്ല ശ്രദ്ധ വേണമെന്നും, ശ്രദ്ധ തെറ്റിക്കുന്ന കാര്യങ്ങൾ ഒഴിവാക്കാനും, ലൈൻ മാറ്റുന്നതിന് മുമ്പ് മിററുകൾ പരിശോധിക്കാനും ടേൺ സിഗ്നലുകൾ ഉപയോഗിക്കാനും ഡ്രൈവർമാർക്ക് പൊലിസ് നിർദേശം നൽകി. 

“പൊലിസ് ഐ” ആപ്ലിക്കേഷനിലൂടെ നിയമ ലംഘനങ്ങൾ നേരിട്ട് റിപ്പോർട്ട് ചെയ്യാൻ ദുബൈ പൊലിസ് പൊതുജനങ്ങളോട് അഭ്യർത്ഥിച്ചു. അപകടകരമായ ഡ്രൈവിംഗ് രീതികളെ തടയുന്നതിനും ബോധവത്കരണം നടത്തുന്നതിനുമായി ദുബൈ പൊലിസ് തങ്ങളുടെ ഔദ്യോഗിക സോഷ്യൽ മീഡിയ അക്കൗണ്ടുകളിൽ ലംഘനങ്ങളുടെ ദൃശ്യങ്ങൾ പങ്കുവെക്കുന്നത് പതിവാണ്. 

The police have taken action against a driver who endangered lives by changing lanes recklessly. Such actions can lead to severe consequences, including.