റിയാദ്: സഊദി അറേബ്യയിലെ അപ്പാര്‍ട്ട്‌മെന്റ് കേന്ദ്രീകരിച്ച് വേശ്യാവൃത്തി നടത്തിയ കേസില്‍ 12 പ്രവാസികള്‍ അറസ്റ്റില്‍. സഊദി തലസ്ഥാനമായ റിയാദിലെ നജ്‌റാനിലുള്ള ഒരു അപ്പാര്‍ട്ട്‌മെന്റില്‍ വേശ്യാവൃത്തി നടത്തിയതിന് അഞ്ച് പുരുഷന്മാരും ഏഴ് സ്ത്രീകളും ഉള്‍പ്പെടെ 12 പ്രവാസികളെ അറസ്റ്റ് ചെയ്തതായി അല്‍ റിയാദ് അറബിക് ദിനപത്രം റിപ്പോര്‍ട്ട് ചെയ്തു.

ജനറല്‍ ഡയറക്ടറേറ്റ് ഓഫ് കമ്മ്യൂണിറ്റി സെക്യൂരിറ്റി (General Directorate of Community Security), ആന്റിഹ്യൂമന്‍ ട്രാഫിക്കിംഗ് യൂണിറ്റ് (Anti-Human Trafficking Unit) എന്നിവയുമായി ഏകോപിപ്പിച്ച് നജ്‌റാന്‍ പോലീസിന്റെ സ്‌പെഷ്യല്‍ ടാസ്‌ക്‌സ് ആന്‍ഡ് ഡ്യൂട്ടീസ് ഫോഴ്‌സാണ് (Special Tasks and Duties Force) അറസ്റ്റുകള്‍ നടത്തിയത്.

എല്ലാ പ്രതികളെയും കസ്റ്റഡിയിലെടുക്കുകയും ചോദ്യംചെയ്യലിന് ശേഷം അറസ്റ്റ് രേഖപ്പെടുത്തി നിയമനടപടികള്‍ ആരംഭിക്കുകയും ചെയ്തു. കേസ് പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയത്തിന്റെ പ്രസ്താവനയില്‍ പറയുന്നു. പ്രതികളുടെ ദേശീയതയോ അന്വേഷണത്തിന്റെ വിശദാംശങ്ങളോ ഉദ്യോഗസ്ഥര്‍ വെളിപ്പെടുത്തിയിട്ടില്ല.

പൊതു ധാര്‍മ്മികതയുടെ ലംഘനങ്ങളെ ചെറുക്കുന്നതിനും മനുഷ്യക്കടത്ത് തടയുന്നതിനുമുള്ള നിരന്തരമായ ശ്രമങ്ങളുടെ ഭാഗമായാണ് നടപടിയെന്ന് അധികൃതര്‍ അറിയിച്ചു. വേശ്യാവൃത്തി നിരോധിക്കുകയും കുറ്റകൃത്യങ്ങള്‍ ചെയ്യുന്നവരെ കര്‍ശനമായി നേരിടുകയും ചെയ്യുന്ന രാജ്യമാണ് സൗദി അറേബ്യ. 

ALSO READ: ദുബൈയില്‍ വിദ്യാര്‍ത്ഥികള്‍ക്കും അധ്യാപകര്‍ക്കും പുതിയ പ്രതിമാസ പാര്‍ക്കിങ് സബ്‌സ്‌ക്രിപ്ഷന്‍ അവതരിപ്പിച്ച് പാര്‍കിന്‍ | Parkin Subscription Plan

ALSO READ: വിപഞ്ചികയുടെ മൃതദേഹം നാട്ടിലെത്തിക്കും; മകള്‍ വൈഭവിയെ യുഎഇയില്‍ സംസ്‌കരിക്കും Saudi authorities have arrested 12 expatriate residents — five men and seven women — on charges of engaging in prostitution in a residential apartment in the southern city of Najran. The arrests were carried out by the Special Tasks and Duties Force of the Najran Police.