ദുബൈ: ദുബൈയില്‍ വിദ്യാര്‍ത്ഥികള്‍ക്കും അധ്യാപകര്‍ക്കും ബഹുനില പാര്‍ക്കിംഗ് ഉപയോക്താക്കള്‍ക്കും വേണ്ടി പാര്‍കിന്‍ കമ്പനി (Parkin) പുതിയ പാര്‍ക്കിങ്ങ് സബ്‌സ്‌ക്രിപ്ഷനുകള്‍ പ്രഖ്യാപിച്ചു. പാര്‍ക്കിംഗ് ചെലവ് ലാഭിക്കാന്‍ വിദ്യാര്‍ത്ഥികള്‍ക്കും സ്‌കൂള്‍ ജീവനക്കാര്‍ക്കും ഇതൊരു സുവര്‍ണാവസരമാണെന്നും അധികൃതര്‍ പറഞ്ഞു. കാറുള്ള വിദ്യാര്‍ത്ഥികള്‍ക്ക് ഇപ്പോള്‍ പ്രതിമാസം 100 ദിര്‍ഹം മുതല്‍ ആരംഭിക്കുന്ന സീസണല്‍ പാര്‍ക്കിംഗ് പെര്‍മിറ്റ് സ്വന്തമാക്കാം.

കാമ്പസിന്റെ 500 മീറ്റര്‍ ചുറ്റളവില്‍ എ, ബി, സി, ഡി സോണ്‍ കോഡുകള്‍ ഉള്ള റോഡരികിലും പ്ലോട്ടുകളിലും വിദ്യാര്‍ത്ഥികള്‍ക്ക് വാഹനം പാര്‍ക്ക് ചെയ്യാന്‍ സാധിക്കും. സ്വകാര്യ വിദ്യാഭ്യാസ സ്ഥാപനങ്ങളിലെ ജീവനക്കാര്‍ക്കും അവരുടെ കാമ്പസിനടുത്ത് സൗകര്യപ്രദവും ചെലവ് കുറഞ്ഞതുമായ പാര്‍ക്കിങ്ങിന് പ്രതിമാസം 100 ദിര്‍ഹം മുതലുള്ള സീസണല്‍ പാര്‍ക്കിംഗ് കാര്‍ഡ് സബ്‌സ്‌ക്രൈബ് ചെയ്യാം. ബഹുനില പാര്‍ക്കിംഗിലേക്കുള്ള സബ്‌സ്‌ക്രിപ്ഷനും ഇപ്പോള്‍ പ്രതിമാസം 735 ദിര്‍ഹം മുതല്‍ ലഭ്യമാണ്. വരിക്കാരാകുന്നവര്‍ക്ക് അവരുടെ വീടിനോ, ജോലിസ്ഥലത്തിനോ, അല്ലെങ്കില്‍ ദുബൈയിലെ ഇഷ്ടപ്പെട്ട സ്ഥലങ്ങള്‍ക്കോ സമീപം സൗകര്യപ്രദമായ ബഹുനില പാര്‍ക്കിംഗ് നല്‍കുമെന്ന് പാര്‍കിന്‍ അറിയിച്ചു.

Parkin introduces new subscriptions designed for students, educators, and multi-storey parking access, with flexible options to suit your daily needs.

Discover them now on our app or at https://t.co/gZglPd9zjN pic.twitter.com/Zo0st470jl

— ParkinUAE (@ParkinUAE) July 16, 2025

ഈ വര്‍ഷം ആദ്യ പാദത്തില്‍ 273.3 ദശലക്ഷം ദിര്‍ഹമിന്റെ റെക്കോഡ് വരുമാനമാണ് പാര്‍കിന്‍ നേടിയത്. 2024ലെ ആദ്യ മൂന്ന് മാസങ്ങളെ അപേക്ഷിച്ച് 27 ശതമാനം വര്‍ധനയാണ് രേഖപ്പെടുത്തിയത്. വേരിയബിള്‍ പാര്‍ക്കിംഗ് താരിഫ് നടപ്പിലാക്കുന്നതിന് മുന്‍പാണ് ഇത്രയും ഉയര്‍ന്ന വരുമാനം രേഖപ്പെടുത്തിയത്. രണ്ടാം പാദ വരുമാനം പാര്‍കിന്‍ ഇതു വരെ പുറത്തു വിട്ടിട്ടില്ല. വേരിയബിള്‍ പാര്‍ക്കിംഗ് താരിഫ് നടപ്പാക്കിത്തുടങ്ങിയ സാഹചര്യത്തില്‍ ഉയര്‍ന്ന വരുമാനമാണ് പ്രതീക്ഷിക്കുന്നത്.

ALSO READ: വീണ്ടും പാക് ചാരന്‍ വലയില്‍: പിടിയിലായത് സൈനികന്‍ ദേവീന്ദര്‍ സിങ്; പ്രതിക്ക് രഹസ്യ സൈനിക സാമഗ്രികളിലേക്കും പ്രവേശനം, പിന്നീട് അവ ഐഎസ്‌ഐക്ക് കമാറി
Dubai’s largest provider of paid public parking, Parkin Company, announced new subscription plans tailored for students, educators, and multi-storey parking users. The initiative aims to offer more flexible and affordable options to meet daily parking needs across Dubai.