ഷാര്‍ജ: കൊല്ലം കൊറ്റംകര കേരളപുരം സ്വദേശിനി വിപഞ്ചികയും മകള്‍ ഒന്നര വയസുകാരി വൈഭവിയും ദുരൂഹ സാഹചര്യത്തില്‍ ഷാര്‍ജയിലെ താമസ സ്ഥലത്ത് മരിച്ച സംഭവത്തില്‍, കുഞ്ഞിന്റെ മൃതദേഹം യു.എ.ഇയില്‍ തന്നെ സംസ്‌കരിക്കും. കുഞ്ഞിന്റെ മൃതദേഹം നാട്ടില്‍ കൊണ്ടുപോയി സംസ്‌കരിക്കാനുള്ള വിപഞ്ചികയുടെ മാതാവ് ശൈലജയുടെ ശ്രമം പരാജയപ്പെട്ടതോടെയാണ് യു.എ.ഇയില്‍ സംസ്‌കരിക്കാന്‍ അന്തിമമായി തീരുമാനിച്ചത്.വിപഞ്ചികയുടെ മൃതദേഹം നാട്ടിലേക്ക് കൊണ്ടുപോകാനും ഇന്ത്യന്‍ കോണ്‍സുലേറ്റില്‍ ചേര്‍ന്ന യോഗത്തില്‍ ധാരണയായി. ഇതനുസരിച്ച്, ദുബൈയിലെ പൊതുശ്മശാനത്തില്‍ ഹിന്ദു ആചാര പ്രകാരം വൈഭവിയുടെ സംസ്‌കാരം നടക്കും.

ALSO READ: അക്ബര്‍ ക്രൂരന്‍, ഔറംഗസീബ് വര്‍ഗീയവാദി, ശിവാജി നല്ലയാള്‍; മുഗള്‍ ഭരണാധികാരികളെ ക്രൂരന്മാരാക്കി അവതരിപ്പിച്ച് എന്‍.സി.ഇ.ആര്‍.ടിയുടെ പുതിയ പാഠപുസ്തകം

ഇന്ത്യന്‍ കോണ്‍സുലേറ്റ് അധികൃതരുടെ സാന്നിധ്യത്തില്‍ വിപഞ്ചികയുടെ മാതാവ് ഷൈലജ, സഹോദരന്‍ വിനോദ് മണിയന്‍, വിപഞ്ചികയുടെ ഭര്‍ത്താവ് നിധീഷ് മോഹന്റെ ബന്ധുക്കള്‍ എന്നിവരുമായാണ് ചര്‍ച്ച നടന്നത്. കുട്ടിയുടെ മൃതദേഹം നാട്ടിലേക്ക് കൊണ്ടുപോകാന്‍ അനുവദിക്കണമെന്ന് ആവശ്യപ്പെട്ട് വിപഞ്ചികയുടെ മാതാവ് കോടതിയെ സമീപിച്ചെങ്കിലും യു.എ.ഇ നിയമ പ്രകാരം കുട്ടിയുടെ പിതാവിനാണ് മൃതദേഹം വിട്ടുകൊടുക്കേണ്ടതെന്ന് കോടതി ഉത്തരവിട്ടു. ചൊവ്വാഴ്ച നടത്താനിരുന്ന കുഞ്ഞിന്റെ സംസ്‌കാരം ദുബൈ ഇന്ത്യന്‍ കോണ്‍സുലേറ്റിന്റെ ഇടപെടലിലൂടെ മാറ്റിവച്ചെങ്കിലും കോടതി വിധി കുഞ്ഞിന്റെ പിതാവ് നിധീഷിന് അനുകൂലമായതോടെ കോണ്‍സുലേറ്റിന് ഇക്കാര്യത്തില്‍ ഇടപെടാന്‍ സാധിക്കാത്ത സാഹചര്യം വന്നു. ഇതോടെയാണ് വൈഭവിയുടെ സംസ്‌കാരം ദുബൈയില്‍ നടത്താമെന്ന കാര്യത്തില്‍ ധാരണയായത്.

അതേസമയം, വിപഞ്ചികയും കുഞ്ഞും ഷാര്‍ജയില്‍ ദുരൂഹ സാഹചര്യത്തില്‍ മരിച്ച സംഭവത്തില്‍ ഇടപെടല്‍ ആവശ്യപ്പെട്ട് കുടുംബം ഹൈക്കോടതിയെ സമീപിച്ചിട്ടുണ്ട്. മരണം കൊലപാതകമാണെന്ന് സംശയമുണ്ടെന്നും യു.എ.ഇ അധികൃതരില്‍ നിന്ന് വിവരമൊന്നുമില്ലെന്നാരോപിച്ചാണ് ഹരജി. ഹരജി പരിഗണിച്ച ജസ്റ്റിസ് നഗരേഷ് വിപഞ്ചികയുടെ ഭര്‍ത്താവിനെയും ഇന്ത്യന്‍ എംബസിയേയും കൂടി കേസില്‍ കക്ഷി ചേര്‍ക്കാന്‍ നിര്‍ദേശിച്ചു. മൃതദേഹം ഷാര്‍ജയില്‍ സംസ്‌കരിക്കുന്നതുകൊണ്ട് എന്താണ് കുഴപ്പമെന്ന് ചോദിച്ച കോടതി മൃതദേഹത്തിന് നിയമപരമായ അവകാശം ഭര്‍ത്താവിനല്ലേയെന്നും ആരാഞ്ഞിരുന്നു. അതിനാല്‍ ഭര്‍ത്താവിനെ കൂടി കക്ഷി ചേര്‍ക്കണമെന്ന് കോടതി നിര്‍ദേശിക്കുകയായിരുന്നു.

A decision has been made regarding the final rites of Kollam native Vipanchika Maniyan (33) and her one-and-a-half-year-old daughter Vaibhavi, who were found dead in Sharjah in a suspected case of dowry abuse. It was agreed that the baby's body would be cremated in the UAE and Vipanchika's body would be taken home.