മധ്യപ്രദേശ്: പാമ്പുകളെ രക്ഷിക്കുന്നതിൽ പ്രാഗല്ഭ്യം തെളിയിച്ച പ്രാദേശിക വന്യജീവി പാമ്പ് പിടുത്തക്കാരൻ മൂർഖന്റെ കടിയേറ്റ് മരിച്ചു. മധ്യപ്രദേശിലെ ഗുണ ജില്ലയിലെ ദീപക് മഹാവർ (35) ആണ് മരിച്ചത്. വർഷങ്ങളായി പ്രദേശത്തെ വീട്, കൃഷിയിടങ്ങൾ, സ്കൂളുകൾ എന്നിവിടങ്ങളിലെത്തുന്ന പാമ്പുകളെ സുരക്ഷിതമായി പിടികൂടി പ്രശസ്തി നേടിയ ആളാണ് ദീപക്. സ്ഥലത്തെ ജെ പി കോളേജിൽ താൽക്കാലിക ജോലിക്കാരനായിരുന്നു.

കഴി‍ഞ്ഞ ദിവസമാണ് പ്രദേശത്ത് നിന്ന് ഉ​ഗ്ര വിഷമുള്ള കരി മൂർഖനെ പിടികൂടുന്നത്. പിടികൂടിയ പാമ്പിനെ വീട്ടിലെ ഗ്ലാസ് പാത്രത്തിൽ ​ദീപക് സൂക്ഷിച്ചിരുന്നു. ​ഗ്രാമത്തിൽ നടക്കുന്ന ഘോഷയാത്രയിൽ പാമ്പിനെ പ്രദർശിപ്പിക്കാൻ അദ്ദേഹം പദ്ധതിയിട്ടിരുന്നതായും റിപ്പോർട്ടുകൾ പറയുന്നു. എന്നാൽ, തിടുക്കത്തിൽ പാമ്പിനെ കഴുത്തിൽ ചുറ്റി ബൈക്കിൽ പോകവെയാണ് മൂർഖൻ ​ദീപകിനെ കടിച്ചത്. ഇതാണ് ദുരന്തത്തിന് വഴിവച്ചത്. സംഭവം  ദൃക്‌സാക്ഷി വീഡിയോയിൽ പകർത്തുകയും, അത് സോഷ്യൽ മീഡിയയിൽ വ്യാപകമായി പ്രചരിക്കുകയും ചെയ്തു.

കടിയേറ്റ ഉടനെ ദീപകിനെ രഘോഗഡ് ആശുപത്രിയിൽ എത്തിച്ച് ആന്റിവെനം നൽകി. ആദ്യം സുഖം പ്രാപിക്കുന്നതിന്റെ ലക്ഷണങ്ങൾ കാണിച്ചെങ്കിലും, അർദ്ധരാത്രിയോടെ അദ്ദേഹത്തിന്റെ നില വഷളായി. ഗുണ ജില്ലാ ആശുപത്രിയിൽ തിരികെ എത്തിച്ചെങ്കിലും, ചികിത്സ ആരംഭിക്കും മുമ്പ് ദീപക് മരണത്തിന് കീഴടങ്ങുകയായിരുന്നു. 14, 12 വയസ്സുള്ള രണ്ട് മക്കളാണുള്ളത്. ഭാര്യ നേരത്തെ മരിച്ചിരുന്നതിനാൽ, ഈ ദുരന്തം കുട്ടികളെ പൂർണമായും അനാഥരാക്കിയിരിക്കുകയാണ്. പ്രദേശവാസികൾ ദീപകിന്റെ മരണത്തിൽ ഞെട്ടലും ദുഃഖവും രേഖപ്പെടുത്തി. “ഒഴിവാക്കാമായിരുന്ന ഒരു ദുരന്തമാണ് ഇത് എന്നും പ്രദേശവാസികൾ അഭിപ്രായപ്പെട്ടു. ALSO READ: ഉന്ത് വണ്ടിയിൽ ചായക്കട തുടങ്ങാൻ 6 ലക്ഷം, ചെറിയ സ്റ്റോറിന് 22 ലക്ഷം, കഫെ ആണെങ്കിൽ 43 ലക്ഷവും; ഫ്രാഞ്ചൈസി പ്രഖ്യാപനവുമായി ഡോളി ചായ് വാല

പാമ്പുകടി: ഒരു വലിയ വെല്ലുവിളി

മധ്യപ്രദേശിൽ, പ്രത്യേകിച്ച് മഴക്കാലത്ത്, പാമ്പുകടി ഒരു പ്രധാന ജനാരോഗ്യ പ്രശ്നമാണ്. നെൽവയലുകൾ, വെള്ളക്കെട്ടുള്ള പ്രദേശങ്ങൾ, തുറന്ന അഴുക്കുചാലുകൾ എന്നിവ മൂർഖൻ, ക്രെയ്റ്റ്, അണലി തുടങ്ങിയ വിഷപ്പാമ്പുകളുടെ പ്രജനന കേന്ദ്രങ്ങളാകുന്നു. 2020-നും 2022-നും ഇടയിൽ 5,700-ലധികം പേർ പാമ്പുകടിയേറ്റ് മരിച്ചതായും ഒരു പഠനം വെളിപ്പെടുത്തുന്നു.

ALSO READ: നീറ്റ് പരീക്ഷയിൽ തോറ്റു; സിവിൽ സർവീസും കൈവിട്ടു; 20 വയസ്സുകാരി എത്തി നിൽക്കുന്നത് റോൾസ് റോയ്‌സ് കമ്പനിയിലെ 72 ലക്ഷം ശമ്പളത്തോടെയുള്ള ജോലിയിൽ 

അശ്രദ്ധയും അപകടവും

ദീപക് ഔപചാരിക വന്യജീവി സംഘത്തിന്റെ ഭാഗമല്ലായിരുന്നു. പാമ്പുകളെ കൈകാര്യം ചെയ്യാൻ ശരിയായ ഉപകരണങ്ങളും പ്രോട്ടോക്കോളുകളും വേണം,” ഗുണ ഡിവിഷണൽ ഫോറസ്റ്റ് ഓഫീസർ അക്ഷയ് റാത്തോഡ് പറഞ്ഞു. സുരക്ഷാ ഉപകരണങ്ങളുടെ അഭാവവും ഔപചാരിക പരിശീലനമില്ലായ്മയും പല പാമ്പ് രക്ഷാപ്രവർത്തകരുടെയും ജീവന് ഭീഷണിയാകുന്നുണ്ട്.

Deepak Mahawar, a 35-year-old snake rescuer from Guna, Madhya Pradesh, died after a venomous Indian cobra bit him while he was riding a bike with the snake wrapped around his neck. Known for saving countless snakes from homes, farms, and schools, Mahawar's fatal mistake came during a rushed decision to carry the cobra unsafely. Despite receiving antivenom, he succumbed to the bite. He leaves behind two sons, aged 14 and 12, who are now orphaned