നാഗ്പൂർ: തെരുവോരങ്ങളിൽ ചായ വിറ്റ് ചരിത്രം രചിച്ച ഡോളി ചായ് വാല എന്ന സുനിൽ പാട്ടീൽ ഇപ്പോൾ തന്റെ ബ്രാൻഡായ 'ഡോളി കി തപ്രി' എന്ന പേരിൽ ഇന്ത്യയിലുടനീളം വ്യാപിപ്പിക്കാനുള്ള ഫ്രാഞ്ചൈസി പദ്ധതി പ്രഖ്യാപിച്ചു. മൈക്രോസോഫ്റ്റ് സഹസ്ഥാപകൻ ബിൽ ഗേറ്റ്‌സുമായുള്ള സഹകരണത്തിലൂടെയും വിചിത്രമായ രീതിയിൽ ചായ വിളമ്പുന്നത്  സോഷ്യൽ മീഡിയയിൽ വൈറലായ ഡോളി, മൂന്ന് ഫ്രാഞ്ചൈസി ഫോർമാറ്റുകളാണ് അവതരിപ്പിച്ചിരിക്കുന്നത്:

ഉന്തുവണ്ടി (കാർട്ട് സ്റ്റാൾ): 4.5 ലക്ഷം മുതൽ 6 ലക്ഷം രൂപ വരെ
ചെറിയ സ്റ്റോർ: 20 ലക്ഷം മുതൽ 22 ലക്ഷം രൂപ വരെ
ഫ്ലാഗ്ഷിപ്പ് കഫേ: 39 ലക്ഷം മുതൽ 43 ലക്ഷം രൂപ വരെ

ഇന്ത്യയിലെ ആദ്യത്തെ വൈറൽ സ്ട്രീറ്റ് ബ്രാൻഡ് ഇതാണ്. ഇപ്പോൾ ഇത് ഒരു ബിസിനസ് അവസരമാണ്. കാർട്ടുകൾ മുതൽ ഫ്ലാഗ്ഷിപ്പ് കഫേകൾ വരെ, ഞങ്ങൾ രാജ്യവ്യാപകമായി വ്യാപിക്കുകയാണ്. യഥാർത്ഥ അഭിനിവേശമുള്ളവരെ ഞങ്ങൾ തേടുന്നു. വലിയ, ദേശി, ഐതിഹാസികമായ എന്തെങ്കിലും നിർമ്മിക്കാൻ ആഗ്രഹിക്കുന്നവർക്ക് ഇതാണ് നിന്റെ നിമിഷം. പരിമിതമായ നഗരങ്ങൾ, പരിധിയില്ലാത്ത ചായ. അപേക്ഷകൾ ഇപ്പോൾ തുറന്നിരിക്കുന്നു."  സോഷ്യൽ മീഡിയയിലൂടെയാണ് പദ്ധതികൾ വിവരിച്ച് പ്രഖ്യാപനം നടത്തിയത്. പദ്ധതിയുടെ ഭാഗമായി, അപേക്ഷാ ഫോമിലേക്കുള്ള ലിങ്ക് ഇൻസ്റ്റാഗ്രാം സ്റ്റോറീസ് വഴി പങ്കുവെച്ചിട്ടുണ്ട്. 

ALSO READ: നീറ്റ് പരീക്ഷയിൽ തോറ്റു; സിവിൽ സർവീസും കൈവിട്ടു; 20 വയസ്സുകാരി എത്തി നിൽക്കുന്നത് റോൾസ് റോയ്‌സ് കമ്പനിയിലെ 72 ലക്ഷം ശമ്പളത്തോടെയുള്ള ജോലിയിൽ

 

 

സോഷ്യൽ മീഡിയയിൽ വൻ പ്രതികരണം

പ്രഖ്യാപനം വൈറലായതോടെ സോഷ്യൽ മീഡിയയിൽ വൻ ചർച്ചകൾക്ക് തുടക്കമായി. ഒരു വിഭാഗം ഡോളിയെ അഭിനന്ദിച്ചപ്പോൾ, മറ്റുചിലർ ബിസിനസ്സ് ലോകത്തേക്കുള്ള വൈറൽ താരങ്ങളുടെ കടന്നുവരവിനെ വിമർശിച്ചു. "ഇന്ത്യയിൽ വിദ്യാഭ്യാസം ഒരു തട്ടിപ്പാണ്," ഒരു ഉപയോക്താവ് കുറിച്ചു.എന്നാൽ, ഫ്രാഞ്ചൈസി എടുക്കരുത്, ചോരക്കണ്ണീർ വാർക്കും. ഇവർ പണം സമ്പാദിച്ച് ദുബായിലേക്ക് പോകും, നിന്നെ ബാങ്ക് ലേലത്തിൽ കുടുക്കും, എന്ന് മുന്നറിയിപ്പ് നൽകിയവരും ഉണ്ടായിരുന്നു.

ALSO READ: ഇന്ത്യയിലെ വിദ്യാർഥികൾക്ക് ​ഗൂ​ഗിളിന്റെ സമ്മാനം: ജെമിനി എഐ പ്രോ ഒരു വർഷത്തെ സബ്‌സ്‌ക്രിപ്‌ഷൻ സൗജന്യം: ഓഫർ ലഭിക്കാൻ ശ്രദ്ധിക്കേണ്ട കാര്യങ്ങൾ

ആരാണ് ഡോളി 

നാഗ്പൂരിൽ ജനിച്ച സുനിൽ പാട്ടീൽ എന്ന ഡോളിചായ് വാല ചെറുപ്പം മുതൽ കുടുംബത്തിന്റെ ചായക്കടയിൽ സഹായിച്ചിരുന്നു. തന്റെ വിചിത്രമായ ചായ വിളമ്പുന്ന ശൈലിയും ഫാഷൻ ബോധവും കൊണ്ട് സോഷ്യൽ മീഡിയയിൽ വൻ ജനപ്രീതി നേടി. 2024-ൽ ബിൽ ഗേറ്റ്‌സുമായുള്ള കൂടിക്കാഴ്ചയോടെ അദ്ദേഹം ഒറ്റ രാത്രികൊണ്ട് ഇന്റർനെറ്റ് സെൻസേഷനായി മാറി. ഇപ്പോൾ, ഫ്രാഞ്ചൈസി മോഡലിലൂടെ തന്റെ ബ്രാൻഡിനെ ഇന്ത്യയിലുടനീളം വ്യാപിപ്പിക്കാനുള്ള ഒരുക്കത്തിലാണ് ഡോളി.

ALSO READ: വീട്ടിൽ ഉപയോ​ഗിക്കാത്ത പഴയ ​വസ്ത്രങ്ങളുണ്ടോ? എന്നാൽ മൊബൈൽ ആപ്പ് ഉപയോ​ഗിച്ച് വിറ്റ് കാശുണ്ടാക്കാം

Dolly Chaiwala, the viral tea vendor from Nagpur, has announced plans to expand his brand, Dolly Ki Tapri, across India through a franchise model. Offering three formats—pushcart (₹4.5-6 lakh), small store (₹20-22 lakh), and flagship cafe (₹39-43 lakh)—the initiative has sparked buzz on social media. Known for his unique tea-serving style and collaboration with Bill Gates, Dolly invites passionate entrepreneurs to join his venture. Applications are open via a link shared on Instagram Stories.