അബൂദബി: യു.എ.ഇയുടെ മാനുഷിക സംരംഭമായ ഓപറേഷന്‍ ഷിവല്‍റസ് നൈറ്റ്3 ഭാഗമായുള്ള യു.എ.ഇയുടെ എട്ടാമത്തെ സഹായ കപ്പല്‍ ഖലീഫ തുറമുഖത്ത് നിന്ന് പുറപ്പെട്ടു. കഴിഞ്ഞ ദിവസം കപ്പലില്‍ സാധനങ്ങള്‍ കയറ്റിക്കൊണ്ടിരുന്നത് പൂര്‍ത്തിയായതിനെ തുടര്‍ന്നായിരുന്നു പ്രയാണമാരംഭിച്ചത്.
ഈജിപ്തിലെ അല്‍ അരിഷ് തുറമുഖത്തേയ്ക്കാണ് കപ്പല്‍ എത്തുക. ഗസ്സ മുനമ്പില്‍ വിതരണം ചെയ്യുന്നതിനായി റെഡിടുഈറ്റ് ഫുഡ് പാഴ്‌സലുകള്‍, വിവിധ തരം ഭക്ഷ്യവസ്തുക്കള്‍ എന്നിവയും, കമ്മ്യൂണിറ്റി കിച്ചണുകള്‍, ഫീല്‍ഡ് ബേക്കറികള്‍ എന്നിവ പ്രവര്‍ത്തിപ്പിക്കാനുള്ള സാധനങ്ങളും കൂടാതെ, ടെന്റുകള്‍, ദുരിതാശ്വാസ കിറ്റുകള്‍, വസ്ത്രങ്ങള്‍, മെത്തകള്‍, കുടുംബങ്ങള്‍ക്കും കുട്ടികള്‍ക്കുമുള്ള ശുചിത്വ കിറ്റുകള്‍ എന്നിവയുമുള്‍പ്പെടെയുള്ള ഷെല്‍ട്ടര്‍ സാമഗ്രികളും ഇതില്‍ അടങ്ങിയിരിക്കുന്നു.

ഫലസ്തീന്‍ ജനതയെ പിന്തുണയ്ക്കുന്നതിനും ജീവകാരുണ്യമാനുഷിക സംഘടനകളുമായി സഹകരിച്ച് ദുരിതാശ്വാസ പ്രവര്‍ത്തനങ്ങള്‍ ശക്തിപ്പെടുത്തുന്നതിനുമുള്ള യു.എ.ഇയുടെ തുടര്‍ പ്രതിബദ്ധതയുടെ ഭാഗമാണീ സഹായം. ഫലസ്തീന്‍ സമൂഹത്തെ പിന്തുണച്ച് യു.എ.ഇ ആരംഭിച്ച മാനുഷിക സംരംഭങ്ങളുടെ പരമ്പരയിലുള്‍പ്പെടുന്നതാണ് ഓപറേഷന്‍ ഷിവല്‍റസ് നൈറ്റ്3.

യു.എ.ഇയുടെ മാനുഷിക തത്ത്വങ്ങളോടുള്ള ഉറച്ച പ്രതിബദ്ധത, ആവശ്യമുള്ളവര്‍ക്ക് സഹായം നല്‍കല്‍, ജീവകാരുണ്യമാനുഷിക സംഘടനകളുമായി സഹകരിച്ച് ദുരിതാശ്വാസ പ്രവര്‍ത്തനങ്ങള്‍ വര്‍ധിപ്പിക്കല്‍ എന്നിവയും ഇത് എടുത്തു കാട്ടുന്നുവെന്ന് അധികൃതര്‍ പ്രസ്താവനയില്‍ പറഞ്ഞു.

ALSO READ: ഫലസ്തീനിലെ ഏക കത്തോലിക്ക ചര്‍ച്ചും തകര്‍ത്ത് ഇസ്‌റാഈല്‍; അപലപിച്ച് മാര്‍പാപ്പയും ലോക രാജ്യങ്ങളും

The loading of the eighth UAE aid ship, Khalifa, began today at Khalifa Port in Abu Dhabi. Once loading is complete, the vessel will sail to Al Arish Port in Egypt in preparation for delivering humanitarian aid to the Gaza Strip.