ദുബൈ: യു.എ.ഇയിലെ ഏറ്റവും വലിയ സഹകരണ പ്രസ്ഥാനമായ യൂണിയന്‍ കോഓപറേറ്റിവ് സൊസൈറ്റിയും (Union Coop) എനോക് ഗ്രൂപ്പിന്റെ നൂതന ഡിജിറ്റല്‍ ഇന്ധന വിതരണ പ്ലാറ്റ്‌ഫോമായ എനോക് ലിങ്കും (ENOC Link) ചേര്‍ന്ന് പുതിയ മൊബൈല്‍ ഇ ലിങ്ക് സ്റ്റേഷന്‍ ആരംഭിച്ചു. മുഹൈസ്‌ന1ലെ ഇത്തിഹാദ് മാളിലാണ് ഈ അത്യാധുനിക ഇന്ധന സ്റ്റേഷന്‍ ഒരുക്കിയിരിക്കുന്നത്. മാള്‍ സന്ദര്‍ശകര്‍ക്കും സമീപ വാസികള്‍ക്കും ഇത് വലിയ തോതില്‍ പ്രയോജനപ്പെടും. 

യൂണിയന്‍ കോപ്പിന്റെ സേവനങ്ങള്‍ വിപുലീകരിക്കുന്നതിന്റെ ഭാഗമായാണ് എനോക് ഗ്രൂപ്പുമായുള്ള തന്ത്രപരമായ ഈ സഹകരണം. ആധുനിക ജീവിത ശൈലിക്ക് അനുയോജ്യമായതും ദുബൈയിലെ പ്രധാന പ്രദേശങ്ങളിലെ താമസക്കാരുടെ ആവശ്യങ്ങള്‍ നിറവേറ്റുന്നതുമായ നൂതന പരിഹാരങ്ങള്‍ നല്‍കാനാണ് യൂണിയന്‍ കോപ് ലക്ഷ്യമിടുന്നത്. ദുബൈയിലെ വളര്‍ന്നു വരുന്ന റെസിഡന്‍ഷ്യല്‍വാണിജ്യ മേഖലകളില്‍ ഇന്ധനം നിറയ്ക്കാന്‍ സൗകര്യപ്രദമായ പരിഹാരങ്ങള്‍ക്കുള്ള വര്‍ധിച്ചുവരുന്ന ആവശ്യം മുന്‍നിര്‍ത്തിയാണ് ഇത്തിഹാദ് മാളില്‍ ഇലിങ്ക് സ്റ്റേഷന്‍ ഒരുക്കിയതെന്ന് അധികൃതര്‍ പറഞ്ഞു. 

മുഹൈസ്‌ന1 ഒരു പ്രധാന കമ്മ്യൂണിറ്റി ഹബ്ബായി മാറുന്ന സാഹചര്യത്തില്‍ ഈ നീക്കം അവിടത്തെ താമസക്കാര്‍ക്ക് കാര്യക്ഷമമായ ഓണ്‍ സൈറ്റ് ഇന്ധന സേവനങ്ങള്‍ നല്‍കും. ഈ മൊബൈല്‍ ഇ ലിങ്ക് സ്റ്റേഷന്‍ എല്ലാ ദിവസവും രാവിലെ 7 മുതല്‍ രാത്രി 11 വരെ പ്രവര്‍ത്തിക്കും. ഒരേ സമയം നാല് വാഹനങ്ങള്‍ക്ക് ഇന്ധനം നിറയ്ക്കാന്‍ സാധിക്കുന്ന ഈ സ്റ്റേഷനില്‍ ഒരു ദിവസം 500ലേറെ വാഹനങ്ങള്‍ക്ക് സേവനം നല്‍കാനാകും. സ്‌പെഷ്യല്‍ 95, സൂപര്‍ 98 എന്നീ ഇന്ധനങ്ങള്‍ സാധാരണ റീടെയില്‍ വിലയില്‍ ഇവിടെ ലഭിക്കുന്നതാണ്. 

എനോകിന്റെ 'യെസ്' റിവാര്‍ഡ്‌സ് പ്രോഗ്രാമുമായി ഇത് സംയോജിപ്പിച്ചിട്ടുള്ളതിനാല്‍ ഉപയോക്താക്കള്‍ക്ക് അത്യാധുനിക മൊബൈല്‍ ആപ്ലിക്കേഷന്‍ വഴി ലോയല്‍റ്റി പോയിന്റുകള്‍ നേടാനും ഉപയോഗിക്കാനും കഴിയും. ഉപയോക്താക്കള്‍ക്കും മാള്‍ സന്ദര്‍ശകര്‍ക്കും സമീപ വാസികള്‍ക്കും ഉള്‍പ്പെടെ എല്ലാ വിഭാഗം ആളുകളുടെയും ജീവിതം മെച്ചപ്പെടുത്താനുള്ള മികച്ച പരിഹാരങ്ങള്‍ നല്‍കാന്‍ യൂണിയന്‍ കോപ് പ്രതിജ്ഞാബദ്ധമാണെന്ന് സി.ഇ.ഒ മുഹമ്മദ് അല്‍ ഹാഷിമി പറഞ്ഞു. എനോക് ഗ്രൂപ് ആക്ടിങ് സി.ഇ.ഒ ഹുസൈന്‍ സുല്‍ത്താന്‍ ലൂത്ത ചടങ്ങില്‍ സംസാരിച്ചു.

ALSO READ: ഗസ്സയെ ഭക്ഷിപ്പിച്ച് യുഎഇ; എട്ടാമത്തെ സഹായ കപ്പല്‍ പുറപ്പെട്ടു

ALSO READ: ഫലസ്തീനിലെ ഏക കത്തോലിക്ക ചര്‍ച്ചും തകര്‍ത്ത് ഇസ്‌റാഈല്‍; അപലപിച്ച് മാര്‍പാപ്പയും ലോക രാജ്യങ്ങളും

Union Coop, a leading Dubai-based retailer, in collaboration with ENOC Group’s innovative digital fuel delivery platform, ENOC Link, announced the launch of a mobile eLink station at Etihad Mall in Muhaisnah 1, providing convenient on-site refuelling services to mall visitors and surrounding communities.