തിരുനാവായ: വിദ്യാഭ്യാസ സ്ഥാപനങ്ങളുടെ പ്രവർത്തന  സമയം ആരംഭിക്കുന്നതിന് മുമ്പ് പൂർത്തിയാകുന്നതിനായി പ്രവൃത്തി ദിനങ്ങളിൽ അതിരാവിലെ നടത്തുന്ന പി.എസ്.സി പരീക്ഷകളുടെ സമയം വീണ്ടും നേരത്തെയാക്കുന്നത് ഉദ്യോഗാർഥികൾക്കും പരീക്ഷണമാവുമെന്ന് ആശങ്ക. നിലവിൽ, രാവിലെ 7.15ന് ആരംഭിക്കുന്ന പരീക്ഷകൾക്ക് കൃത്യസമയത്ത് എത്താനാകുന്നില്ലെന്ന ഉദ്യോഗാർഥികളുടെ പരാതിക്കിടെയാണ്, കാൽ മണിക്കൂർ  നേരത്തെ ഏഴിന് പരീക്ഷ നടത്താനുള്ള പുതിയ നീക്കം. സെപ്റ്റംബർ മുതലുള്ള പരീക്ഷകൾ രാവിലെ ഏഴിന് നടത്താനാണ് തീരുമാനം.

ദൂരെയുള്ള സ്ഥലങ്ങളിൽ നിന്ന്  കിലോമീറ്ററുകൾ സഞ്ചരിച്ച് പരീക്ഷാ കേന്ദ്രങ്ങളിൽ അതിരാവിലെ എത്തുക എന്നത് ഉദ്യോഗാർഥികൾക്ക് ഇപ്പോൾ തന്നെ പ്രയാസം സൃഷ്ടിക്കുന്നതാണ്. വൈകിയെത്തിയാൽ പരീക്ഷ എഴുതാൻ പറ്റാതെ മടങ്ങിപ്പോകേണ്ടിയും വരും. പലപ്പോഴും ഉദ്യോഗാർഥികൾ കുറയുമ്പോൾ എല്ലാ താലൂക്കിലും പരീക്ഷാ കേന്ദ്രങ്ങൾ ഉണ്ടാവാറില്ല. അതുകൊണ്ടു തന്നെ  കെ.എസ്.ആർ.ടി.സി അടക്കമുള്ള പൊതുഗതാഗത സംവിധാനത്തെ ആശ്രയിക്കുന്ന ഉദ്യോഗാർഥികളാണ് ബുദ്ധിമുട്ടിലാകുന്നത്. രാവിലെ ആറിന് ശേഷമാണ് ഗ്രാമപ്രദേശങ്ങളിൽ നിന്ന് ബസ് സർവിസുകൾ ആരംഭിക്കുന്നത്. ബസിറങ്ങിയാലും സ്‌കൂളും മറ്റും കണ്ടെത്തി അവിടെയെത്താനും പലപ്പോഴും കഴിയാറില്ല. ഇതിനിടയിലാണ് സമയം കാൽമണിക്കൂർ കൂടി നേരത്തെയാക്കുന്നത്. 

ALSO READ: ഹജ്ജ് 2026: കവർ നമ്പർ അനുവദിച്ചു തുടങ്ങി; ഇതുവരെ 5164 അപേക്ഷകൾ

ഈ മാസവും 23ന് കാലത്ത് നടത്തുന്ന ഓവർസിയർ, ഡ്രാഫ്റ്റ്‌സ്മാൻ തസ്തികയ്ക്കുള്ള പരീക്ഷയ്ക്ക് 33,880 പേരാണ് അപേക്ഷിച്ചിരിക്കുന്നത്.  31ന് നടത്തുന്ന സ്റ്റാറ്റിസ്റ്റിക്കൽ അസിസ്റ്റന്റ് പരീക്ഷയ്ക്ക് 41,176 പേരും  വനം ഉൾപ്പെടെ വിവിധ വകുപ്പുകളിലെ ഡ്രൈവർ തസ്തികയിലേക്ക് അന്നു തന്നെയുള്ള പരീക്ഷയ്ക്ക് 74,528 അപേക്ഷകരും ഉണ്ട്. കാലത്ത് നടക്കുന്ന ഇൗ പരീക്ഷകൾ കൂടാതെ പതിനഞ്ചിലധികം തസ്തികയിലേക്ക് വേറെയും പരീക്ഷകൾ ഇനി വരുന്നുണ്ട്. നിലവിൽ ക്ളാസ് സമയം അടക്കം മാറിയതിനാൽ വിദ്യാഭ്യാസ സ്ഥാപനങ്ങളുടെ  പ്രവർത്തനത്തെ ബാധിക്കാതിരിക്കാനാണ് പ്രവൃത്തി ദിനങ്ങളിലെ പരീക്ഷകൾ നേരത്തെയാക്കുന്നതെന്നാണ് പി.എസ്.സി യുടെ വിശദീകരണം.

The decision to reschedule PSC exams to an even earlier time in the morning on working days—so they finish before educational institutions begin operations—has sparked concern among candidates. Currently, exams begin at 7:15 AM, but many candidates have reported difficulties in reaching the exam centers on time. In response, the Kerala Public Service Commission (Kerala PSC) is planning to advance the exam start time to 7:00 AM starting from September 2025.