കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന അടുത്ത വർഷത്തെ തീർഥാടനത്തിനായി സമർപ്പിച്ച അപേക്ഷകളുടെ സൂക്ഷ്മ പരിശോധന തുടങ്ങി. സ്വീകാര്യയോഗ്യമായ അപേക്ഷകൾക്കാണ് കവർ നമ്പറുകൾ അനുവദിച്ചു നൽകുന്നത്. ഇതുവരെയായി 5164 ഓൺലൈൻ അപേക്ഷകളാണ് ലഭിച്ചത്. ഇതിൽ 894 അപേക്ഷകൾ 65  വയസ് വിഭാഗത്തിലും, 713 എണ്ണം ലേഡീസ് വിതൗട്ട് മെഹ്‌റം (പുരുഷ മെഹ്‌റമില്ലാത്ത) വിഭാഗത്തിലും 3557 അപേക്ഷകൾ ജനറൽ വിഭാഗത്തിലുള്ളതുമാണ്.  

സൂക്ഷ്മ പരിശോധന പൂർത്തിയാകുന്ന മുറക്ക് കവർ നമ്പർ തുടർന്നുള്ള ദിവസങ്ങളിൽ മുഖ്യഅപേക്ഷകന് എസ്.എം.എസ് ആയി ലഭിക്കും. ഹജ്ജ് കമ്മിറ്റി വെബ്‌സൈറ്റ്   പരിശോധിച്ചും കവർ നമ്പർ മനസിലാക്കാവുന്നതാണ്. ആദ്യ കവർ നമ്പർ അലോട്ട്‌മെന്റ്  സംസ്ഥാന ഹജ്ജ് കമ്മിറ്റി ചെയർമാൻ ഡോ. ഹുസൈൻ സഖാഫി ചുള്ളിക്കോട് നിർവഹിച്ചു. ചടങ്ങിൽ സംസ്ഥാന ഹജ്ജ് കമ്മിറ്റി അസി.സെക്രട്ടറി ജാഫർ കെ. കക്കൂത്ത്, പി.കെ അസ്സയിൻ, മുഹമ്മദ് ജസീം, കെ ഷാഫി, നബീൽ സംബന്ധിച്ചു. 

ALSO READ: സ്‌കൂൾ സമയമാറ്റം: ഇല്ലാത്ത നിർദേശത്തിന്റെ പേരിൽ വിദ്വേഷ പ്രചാരണത്തിനു ശ്രമം, സമസ്തക്കെതിരെ വ്യാജവാർത്തയുമായി ഏഷ്യാനെറ്റും ജനം ടിവിയും, ദീപികയും

കവർ നമ്പറിനൊപ്പം 65 വയസ് വിഭാഗത്തിന് കെ.എൽ.ആർ എന്നും വിത്തൗട്ട് മെഹ്റത്തിന് കെ.എൽ.ഡബ്ല്യു.എം എന്നും  ജനറൽ കാറ്റഗറിക്ക് കെ.എൽ.എഫ് എന്നുമാണ് ചേർത്തിരിക്കുന്നത്. ഈമാസം 31 വരെയാണ് അപേക്ഷ സമർപ്പിക്കാൻ അവസരം. പൂർണമായും ഓൺലൈൻ വഴിയാണ് അപേക്ഷാ സമർപ്പണം.

The Kerala State Hajj Committee has begun the detailed verification process of applications submitted for next year’s Haj pilgrimage (Haj 2025). Only eligible applications will be allotted cover numbers as part of the initial processing. So far, a total of 5,164 online applications have been received