ദോഹ: സിറിയന്‍ ജനതയ്ക്കുള്ള പിന്തുണ ആവര്‍ത്തിച്ച് ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനി. സിറിയയുടെ ഐക്യം ശക്തിപ്പെടുത്താനും, പ്രദേശിക സമഗ്രത നിലനിര്‍ത്താനും, രാജ്യത്തെ അസ്ഥിരപ്പെടുത്താനുള്ള ശ്രമങ്ങള്‍ തടയാനും ലക്ഷ്യമിട്ടുള്ള എല്ലാ ശ്രമങ്ങള്‍ക്കും ഖത്തര്‍ പൂര്‍ണ പിന്തുണ നല്‍കുമെന്ന് അദ്ദേഹം പ്രഖ്യാപിച്ചു.

ALSO READ: ധൈര്യമായി നാട്ടിലേക്ക് പണം അയക്കാം, രൂപയുടെ മൂല്യത്തില്‍ ഇടിവ്; ഇന്ത്യന്‍ രൂപയുടെയും ഗള്‍ഫ് കറന്‍സികളുടെയും ഇന്നത്തെ വിനിമയ നിരക്ക് | SAR, AED, QAR, KWD, BHD, OMR, vs Indian Rupee

സിറിയന്‍ പ്രസിഡന്റ് അഹമ്മദ് അല്‍ ഷാറയുമായി നടത്തിയ ഫോണ്‍ സംഭാഷണത്തിനിടെയാണ് അമീര്‍ നിലപാട് വ്യക്തമാക്കിയത്. സിറിയക്ക്  നേരെയുള്ള ഇസ്‌റാഈല്‍ ആക്രമണങ്ങളെ ഖത്തര്‍ ശക്തമായി അപലപിക്കുന്നുവെന്നും അദ്ദേഹം പറഞ്ഞു. ആക്രമണങ്ങള്‍ സിറിയയുടെ പരമാധികാരത്തിന്റെയും അന്താരാഷ്ട്ര നിയമങ്ങളുടെയും ഐക്യരാഷ്ട്രസഭാ ചാര്‍ട്ടറിന്റെയും നഗ്‌നമായ ലംഘനമാണെന്നും പ്രാദേശിക സ്ഥിരതയ്ക്ക് ഭീഷണിയാണെന്നും അമീര്‍ ചൂണ്ടിക്കാട്ടി.

സിറിയയോടുള്ള ഖത്തറിന്റെ അചഞ്ചലമായ പിന്തുണയ്ക്ക് പ്രസിഡന്റ് അഹമ്മദ് അല്‍ ഷാറ അമീറിനും ഖത്തര്‍ സര്‍ക്കാരിനും നന്ദി രേഖപ്പെടുത്തി. സിറിയയിലും മേഖലയിലും സുരക്ഷയും സ്ഥിരതയും പ്രോത്സാഹിപ്പിക്കുന്നതിലുള്ള ഷെയ്ഖ് തമീമിന്റെ പങ്കിനെയും അദ്ദേഹം പ്രശംസിച്ചു.

ALSO READ: ഇത്തിരിക്കുഞ്ഞൻ പക്ഷികളെക്കൊണ്ട് പൊറുതിമുട്ടി ഖത്തർ; ഇതുവരെ പിടിച്ചത് 35,000 മൈനകളെ

സിറിയയുടെ ഐക്യവും സ്ഥിരതയും ഉറപ്പാക്കുന്നതിനുള്ള ഖത്തറിന്റെ പ്രതിബദ്ധത, മേഖലയിലെ സമാധാനത്തിനും സഹകരണത്തിനും വേണ്ടിയുള്ള രാജ്യത്തിന്റെ വിശാലമായ ദര്‍ശനത്തിന്റെ ഭാഗമാണെന്ന് ഖത്തര്‍ സര്‍ക്കാരിനോട് അടുത്ത വൃത്തങ്ങള്‍ വ്യക്തമാക്കി. 

Qatar's Emir has expressed strong support for Syria after a recent Israeli strike, reaffirming Qatar’s stance on regional stability and solidarity with affected nations.