ദോഹ: കേരളത്തില്‍ കണ്ടുവരുന്ന മൈനകളെ ഭയത്തോടെയും ആശങ്കയോടെയുമാണ് പല ​ഗൾഫ് രാജ്യങ്ങളും കാണുന്നത്. മറ്റു പല പക്ഷികളെ ആക്രമിച്ചും വിളകള്‍ കൊത്തി നശിപ്പിച്ചും പരിസ്ഥിതിക്കും കാര്‍ഷിക മേഖലയ്ക്കും വലിയ ആഘാതം സൃഷ്ടിക്കുന്ന മൈനകള്‍ കാരണം വലിയ നഷ്ടമാണ് പല ഗള്‍ഫ് രാജ്യങ്ങള്‍ക്കും സമീപ ഭാവിയില്‍ നേരിടേണ്ടി വന്നിട്ടുള്ളത്.

ALSO READ: 18 ബീച്ചുകളുടെ വികസന പദ്ധതിയുമായി ഖത്തർ; ആദ്യ ഘട്ടത്തിൽ എട്ട് ബീച്ചുകളുടെ പുനരുദ്ധാരണം

കാര്‍ഷിക മേഖലയില്‍ ഇത്തിരിക്കുഞ്ഞന്‍മാരായ മൈനകളുടെ ഇടപെടല്‍  അസഹ്യമായപ്പോള്‍ ഒമാന്‍ കടുത്ത നടപടികള്‍ കൈക്കൊണ്ടിരുന്നു. 2022 ല്‍ ആരംഭിച്ച കാമ്പയിന്റെ ഭാഗമായി ഏകദേശം 90,000ത്തിനടുത്ത് മൈനകളെയും 73,000 കാക്കകളെയുമാണ് ഒമാന്‍ ഇല്ലാതാക്കിയത്. മൈനകളുടെ വിളയാട്ടം രൂക്ഷമായപ്പോളാണ് ഖത്തറും നടപടികള്‍ സ്വീകരിക്കാന്‍ തുടങ്ങിയത്.

മൈനകളെ പിടികൂടാന്‍ ആരംഭിച്ച പുതിയ പദ്ധതിയുടെ ഭാഗമായി 35,838 എണ്ണത്തെ പിടികൂടിയതായി ഖത്തര്‍ പരിസ്ഥിതി, കാലാവസ്ഥാ വ്യതിയാന വകുപ്പ് അറിയിച്ചു. ഈ വര്‍ഷം ജനുവരി മുതല്‍ കഴിഞ്ഞ മാസം വരെ 9416 മൈനകളെയാണ് രാജ്യത്തിന്റെ വിവിധ ഭാഗങ്ങളില്‍ നിന്നായി പിടികൂടിയത്. മൈനകളെ സസൂക്ഷ്മം നിരീക്ഷിച്ച ശേഷം കൂടുതല്‍ സ്ഥലങ്ങളില്‍ കെണി ഒരുക്കാനാണ് സര്‍ക്കാര്‍ നീക്കം.

ALSO READ: വിസ് എയര്‍ നിര്‍ത്തിയ റൂട്ടുകളില്‍ ഇനി ഇത്തിഹാദിന്റെ തേരോട്ടം; ടിക്കറ്റ് നിരക്കിലേക്ക് ഉറ്റുനോക്കി വിനോദസഞ്ചാരികള്‍

കാഴ്ചയില്‍ ഇത്തിരിക്കുഞ്ഞന്‍ എന്ന് തോന്നുമെങ്കിലും കാര്യങ്ങള്‍ അത്ര ലളിതമല്ല. ഇവയുടെ ആക്രമണ മനോഭാവവും സ്വഭാവവും മറ്റു പല പക്ഷിവര്‍ഗങ്ങളുടെ നിലനില്‍പ്പിന് തന്നെ തടസ്സമാണ്. കാര്‍ഷിക വിലകള്‍ നശിപ്പിക്കുന്ന ഇവര്‍ പകര്‍ച്ചവ്യാധികള്‍ ഉള്‍പ്പെടെ പല രോഗങ്ങളും പടര്‍ത്തുകയും ചെയ്യുന്നു.

Qatar's Ministry of Environment and Climate Change has captured nearly 36,000 invasive mynah birds since launching a national program to protect biodiversity. Learn about the ongoing efforts to curb the spread of this species threatening local ecosystems.