ക്രിക്കറ്റിലെ ഗോട്ട് ആരൊക്കെയാണെന്ന് പറഞ്ഞിരിക്കുകയാണ് വെസ്റ്റ് ഇൻഡീസ് ഇതിഹാസം ബ്രെയാൻ ലാറ. ഗ്ലെൻ മഗ്രാത്ത്, ആദം ഗിൽക്രിസ്റ്റ്, ജാക്വസ് കാലിസ്, ജസ്പ്രീത് ബുംറ എന്നീ താരങ്ങളെയാണ് ലാറ ക്രിക്കറ്റിലെ ഗോട്ട് എന്ന് വിശേഷിപ്പിച്ചത്. സ്റ്റിക്ക് ടു ക്രിക്കറ്റിന് നൽകിയ അഭിമുഖത്തിലാണ് വിൻഡീസ് ഇതിഹാസം തന്റെ തെരഞ്ഞെടുപ്പ് നടത്തിയത്. 

ജസ്പ്രീത് ബുംറ നിലവിൽ ലോകത്തിൽ ഏതൊരു ബാറ്ററും പേടിക്കുന്ന ബൗളർ ആണ്. ബുംറ നിലവിൽ നടന്നുകൊണ്ടിരിക്കുന്ന ഇംഗ്ലണ്ടിനെതിരെയുള്ള അഞ്ചു ടെസ്റ്റ് മത്സരങ്ങളുടെ പരമ്പരയിൽ മികച്ച പ്രകടനമാണ് പുറത്തെടുക്കുന്നത്. ഒന്നാം ടെസ്റ്റിൽ ഇന്ത്യൻ ബൗളിംഗ് നിരയിൽ നിർണായകമായ പ്രകടനം കാഴ്ചവെച്ചത് ബുംറയായിരുന്നു. ആദ്യ ഇന്നിങ്സിൽ അഞ്ച് വിക്കറ്റുകൾ ആയിരുന്നു ബുംറ നേടിയിരുന്നത്. 

ഒന്നാം ടെസ്റ്റ് മത്സരത്തിൽ ഒരുപിടി തകർപ്പൻ റെക്കോർഡുകൾ ബുംറ സ്വന്തമാക്കിയിരുന്നു. ടെസ്റ്റ് ക്രിക്കറ്റിൽ സേന രാജ്യങ്ങൾക്കെതിരെ ഏറ്റവും കൂടുതൽ വിക്കറ്റുകൾ നേടുന്ന ഏഷ്യൻ താരമായും ബുംറ മാറിയിരുന്നു. 146 വിക്കറ്റുകൾ നേടിയ മുൻ പാക്കിസ്ഥാൻ താരം വസിം അക്രമിനെ മറികടന്നുകൊണ്ടാണ് ബുംറ ഈ നേട്ടം സ്വന്തമാക്കിയത്. 

ഇതിന് പുറമെ ടെസ്റ്റ് ക്രിക്കറ്റിൽ ഇന്ത്യയ്ക്കുവേണ്ടി എവേ മത്സരങ്ങളിൽ ഏറ്റവും കൂടുതൽ ഫൈഫർ സ്വന്തമാക്കുന്ന ബൗളറായി മാറാനും ബുംറക്ക് സാധിച്ചു. 12 തവണയാണ് എതിരാളികളുടെ തട്ടകത്തിൽ ബുംറ അഞ്ച് വിക്കറ്റ് നേട്ടം സ്വന്തമാക്കുന്നത്. 64 ഇന്നിംഗ്സുകളിൽ നിന്നുമാണ് ബുംറ ഈ റെക്കോർഡ്‌ കൈപ്പിടിയിലാക്കിയത്. ഇതോടെ 108 ഇന്നിങ്സുകളിൽ നിന്നും 12 ഫൈഫറുകൾ നേടിയ മുൻ ഇന്ത്യൻ താരം കപിൽദേവിന്റെ റെക്കോർഡിന് ഒപ്പമെത്താനും ബുംറക്ക് സാധിച്ചു. 

ഗ്ലെൻ മഗ്രാത്തും ആദം ഗിൽക്രിസ്റ്റും ഓസ്‌ട്രേലിയയുടെ എക്കാലത്തെയും മികച്ച ഇതിഹാസതാരങ്ങളാണ്. കാലിസ് സൗത്ത് ആഫ്രിക്കയുടെ ഏറ്റവും മികച്ച ഓൾ റൗണ്ടറും ആയിരുന്നു. കാലിസ് 13289 റൺസും 292 വിക്കറ്റുകളും ടെസ്റ്റ് ക്രിക്കറ്റിൽ നേടിയിട്ടുണ്ട്. 11579 റൺസും 273 വിക്കറ്റുകളും ആണ് താരം ഏകദിനത്തിൽ നേടിയിട്ടുള്ളത്. 

West Indies legend Brian Lara has named the goats of cricket He has named Glenn McGrath Adam Gilchrist Jacques Kallis and Jasprit Bumrah as the goats of cricket