ഗാസിയാബാദ്: ഹിന്ദു രക്ഷാദളിന്റെ പ്രതിഷേധത്തിന് പിന്നാലെ ഗാസിയാബാദിലെ കെഎഫ്‌സി ഔട്ട്‌ലെറ്റില്‍ നിന്ന് ചിക്കന്‍ വിഭവങ്ങള്‍ ഒഴിവാക്കി. വെജിറ്റേറിയന്‍ വിഭവങ്ങള്‍ മാത്രം ഉള്‍പ്പെടുത്തി പുതിയ മെനു തയ്യാറാക്കിയതായും കെഎഫ്‌സി അധികൃതര്‍ അറിയിച്ചു. ഹിന്ദുക്കള്‍ക്ക് പുണ്യമാക്കപ്പെട്ട മാസമായ ശ്രാവണ്‍ മാസത്തില്‍ മാംസാഹാരം വില്‍ക്കുന്നതിനെതിരെയാണ് ഹിന്ദു രക്ഷാദള്‍ പ്രതിഷേധം നടത്തിയത്. 

കഴിഞ്ഞ ദിവസമാണ് കെഎഫ്‌സി ഔട്ട്‌ലെറ്റിലേക്ക് ഒരുകൂട്ടം ആളുകള്‍ പ്രതിഷേധവുമായി എത്തിയത്. അക്രമാന്തരീക്ഷം സൃഷ്ടിച്ച ഹിന്ദുരക്ഷാ ദള്‍ പ്രവര്‍ത്തകര്‍ കട താഴിട്ട് പൂട്ടൂകയും, ഗതാഗതം തടസപ്പെടുത്തുകയും ചെയ്തു. ഇന്ദിരാപുരം മേഖലയിലാണ് പ്രതിഷേധം ആരംഭിച്ചത്. ശ്രാവണ്‍ മാസത്തിന്റെ പ്രാധാന്യം കണക്കിലെടുത്ത് മാംസാഹാരം വില്‍ക്കാന്‍ പാടില്ലെന്നായിരുന്നു പ്രതിഷേധക്കാരുടെ ആവശ്യം. പിന്നാലെ പൊലിസ് സ്ഥലത്തെത്തി സ്ഥിതിഗതികള്‍ നിയന്ത്രണ വിധേയമാക്കി.

അതേസമയം സംഭവത്തില്‍ കെഎഫ്‌സി അധികൃതര്‍ ഇതുവരെ പ്രതികരിച്ചിട്ടില്ല. കടയുടെ മുന്നില്‍ 'നിലവില്‍ സസ്യാഹാരം മാത്രം ലഭ്യമാണ്' എന്ന നോട്ടീസ് പതിപ്പിച്ചിട്ടുണ്ട്. സംഭവത്തില്‍ വിശദമായ അന്വേഷണം നടത്തി കൂടുതല്‍ നിയമനടപടികള്‍ സ്വീകരിക്കുമെന്ന് പൊലിസ് പറഞ്ഞു.

ALSO READ: ട്രെയിന്‍ ടിക്കറ്റ് എടുക്കുന്നതിനെ ചൊല്ലി തര്‍ക്കം; സിആര്‍പിഎഫ് ജവാനെ ക്രൂരമായി ആക്രമിച്ച് കാവഡ് യാത്രികര്‍; വീഡിയോ 

ശ്രാവണം എന്നും അറിയപ്പെടുന്ന സാവൻ മാസം ഹിന്ദു കലണ്ടറിൽ വിശുദ്ധമായി കണക്കാക്കപ്പെടുന്നു. ശിവഭക്തർ ഈ കാലയളവിൽ ഉപവാസം അനുഷ്ഠിക്കുകയും മാംസം, മദ്യം, ഉള്ളി, വെളുത്തുള്ളി എന്നിവ ഒഴിവാക്കുകയും ചെയ്യുന്നു. ഈ മാസത്തിൽ നടക്കുന്ന കൻവാർ യാത്രയിൽ ആയിരക്കണക്കിന് ഭക്തർ ഗംഗാ ജലം ശേഖരിച്ച് ശിവക്ഷേത്രങ്ങളിൽ സമർപ്പിക്കുന്നു. ചില പ്രദേശങ്ങളിൽ പ്രാദേശിക അധികാരികൾ മാംസ വിൽപ്പനയ്ക്ക് ഭാഗിക നിയന്ത്രണങ്ങൾ ഏർപ്പെടുത്താറുണ്ടെങ്കിലും, സംസ്ഥാന വ്യാപകമായി നിരോധനം നിലവിലില്ല.

Following protests by the Hindu Raksha Dal, the KFC outlet in Ghaziabad has removed all chicken items from its menu. KFC officials stated that a new menu featuring only vegetarian dishes has been introduced at the outlet in response to the protest.