കോഴിക്കോട്: ചെങ്ങോട്ടുകടവില്‍ നാലംഗ കുടുംബത്തോട് ബാങ്കുകാരുടെ ക്രൂരത. ലോണടവ് മുടങ്ങിയ കാരണത്താല്‍ വീട് ജപ്തി ചെയ്തതോടെ സ്‌കൂള്‍ വരാന്തയില്‍ അന്തിയുറങ്ങേണ്ട ഗതികേടിലാണ് കുടുംബം. ചെങ്ങോട്ട്കാവ് സ്വദേശി റിയാസും കുടുംബവുമാണ് ബാങ്കുകാരുടെ ക്രൂരതക്ക് ഇരയായത്. 

ഇന്ന് രാവിലെ 11.30 ഓടെയാണ് ബാങ്ക് അധികൃതര്‍ സ്ഥലത്തെത്തി വീട് ജപ്തി ചെയ്തത്. പിന്നാലെ വീട് പുറത്ത് നിന്ന് പൂട്ടി. പ്രവാസിയായിരുന്ന റിയാസ് 20 വര്‍ഷത്തോളം ഖത്തറില്‍ ജോലി ചെയ്തിരുന്നു. രണ്ട് വര്‍ഷം മുന്‍പാണ് നാട്ടിലെത്തിയത്. ബാങ്കില്‍ നിന്ന് 44 ലക്ഷം രൂപ ലോണെടുത്തിരുന്നു. ഇതില്‍ 32 ലക്ഷം രൂപയോളം പലതവണകളായി തിരിച്ചടച്ചു. പിന്നീട് അടവ് മുടങ്ങിയതോടെയാണ് ബാങ്ക് ജപ്തി നടപടികളിലേക്ക് കടന്നത്.

പതിനാറ് വയസുള്ള മകനും, പതിനൊന്ന് വയസുള്ള മകളും അടങ്ങുന്നതാണ് റിയാസിന്റെ കുടുംബം. വീട്ടില്‍ കയറാന്‍ സാധിക്കാത്തതോടെ സ്‌കൂള്‍ വരാന്തയില്‍ അന്തിയുറങ്ങേണ്ട ഗതികേടിലാണ് കുടുംബം. 

ALSO READ: ഹിന്ദു രക്ഷാദള്‍ പ്രതിഷേധം; മെനുവില്‍ നിന്ന് ചിക്കന്‍ ഒഴിവാക്കി കെഎഫ്‌സി; 'ഇനി വെജ് മാത്രം' 

four-member family in Chengottukadavu has been forced to sleep in a school verandah after their house was seized by the bank due to loan default. The family, led by Riyas, a resident of Chengottukavu, has become a victim of what is being described as the bank's inhumane action. The incident has drawn criticism over the lack of alternative support or rehabilitation provided to the affected family.