കൊച്ചി: കോടതി ഉത്തരവുകള്‍ തയ്യാറാക്കുന്നതിന് ആര്‍ട്ടിഫിഷ്യല്‍ ഇന്റലിജന്‍സ് (AI) ടൂളുകള്‍ ഉപയോഗിക്കുന്നതിന് നിയന്ത്രണം ഏര്‍പ്പെടുത്തി ഹൈക്കോടതി. അംഗീകൃത ടൂളുകള്‍ മാത്രം ഉപയോഗിക്കണമെന്നും, എല്ലാ ഘട്ടത്തിലും കൃത്യമായ മേല്‍നോട്ടം ആവശ്യമാണെന്നും കോടതി വ്യക്തമാക്കി. ഇത് സംബന്ധിച്ച പ്രത്യേക മാര്‍ഗനിര്‍ദേശം ജുഡീഷ്യന്‍ ഓഫീസര്‍മാര്‍ അടക്കമുള്ളവര്‍ക്ക് കൈമാറി. 

ഉത്തരവുകള്‍ എഴുതാനും, സാക്ഷിമൊഴികള്‍ രേഖപ്പെടുത്താനും നിലവില്‍ എഐ ടൂളുകള്‍ ഉപയോഗിക്കുന്നുണ്ട്. ഇവയില്‍ തെറ്റ് വരാന്‍ സാധ്യതയുള്ളതിനാല്‍ കൃത്യമായ മേല്‍നോട്ടം നടത്തണമെന്നാണ് നിര്‍ദേശം. ചാറ്റ് ജിപിടി പോലുള്ള ക്ലൗഡ് അധിഷ്ഠിത എഐ ടൂളുകള്‍ ഉപയോഗിക്കരുതെന്നും നിര്‍ദേശമുണ്ട്. നിയന്ത്രണമില്ലാത്ത എഐ ടൂള്‍ ഉപയോഗം സ്വകാര്യതയെയും, ഡേറ്റയുടെ സുരക്ഷയെയും ബാധിക്കുമെന്ന് ചൂണ്ടിക്കാട്ടിയാണ് നടപടി. 

അംഗീകൃത ടൂളുകള്‍ ഉപയോഗിക്കുന്നതിന് ജുഡീഷ്യല്‍ അക്കാദമിയിലോ, ഹൈക്കോടതിയിലോ പ്രത്യേക പരിശീലനങ്ങള്‍ നല്‍കുന്നുണ്ട്. ജുഡീഷ്യല്‍ ഓഫീസര്‍മാര്‍ നിര്‍ബന്ധമായും ഈ ക്ലാസുകളില്‍ പങ്കെടുക്കണം. അംഗീകൃത ടൂളുകളില്‍ എന്തെങ്കിലും തരത്തിലുള്ള അപാകതകള്‍ ശ്രദ്ധയില്‍പ്പെട്ടാല്‍ ഹൈക്കോടതിയുടെ ഐടി വിഭാഗത്തെ അറിയിക്കാനും നിര്‍ദേശമുണ്ട്. മാര്‍ഗനിര്‍ദേശങ്ങള്‍ ലംഘിച്ചാല്‍ നിയമനപടി നേരിടേണ്ടി വരുമെന്നും കോടതി മുന്നറിയിപ്പ് നല്‍കിയിട്ടുണ്ട്. 

ALSO READ: മുഖ്യമന്ത്രി നാളെ ഗവർണറെ കാണും; കൂടിക്കാഴ്ച വൈകിട്ട് 3:30ന് രാജ്ഭവനിൽ 

The High Court has imposed restrictions on the use of Artificial Intelligence (AI) tools for drafting court orders. The court directed that only approved AI tools should be used, and emphasized the need for strict supervision at every stage of the process. Specific guidelines related to this have been issued to judicial officers and concerned staff.