കൈകാലുകളിലെ നഖങ്ങള്‍ വെട്ടി വൃത്തിയാക്കാന്‍ വേണ്ടി നമ്മള്‍ ഉപയോഗിക്കുന്നതാണ് നെയില്‍ കട്ടറുകള്‍. ഇത് പതിറ്റാണ്ടുകളായി ചെയ്യുന്ന കാര്യവുമാണ്. ആഴ്ചയിലൊരിക്കലോ മാസത്തിലൊരിക്കലോ നഖം മുറിക്കുന്നവരാണ് നമ്മള്‍.  അതുകൊണ്ട് തന്നെ എപ്പോഴും നമ്മളുടെ അവശ്യസാധനമായി നമ്മള്‍ നെയില്‍ കട്ടര്‍ സൂക്ഷിച്ചു വയ്ക്കാറുണ്ട്.  

നഖം മുറിച്ച് ഭംഗി കൂട്ടുകയും നഖങ്ങള്‍ നേര്‍മയാക്കി ഭംഗിയോടെ വയ്ക്കാനും ഈ കുഞ്ഞുപകരണം നമ്മളെ സഹായിക്കുന്നു. നഖങ്ങള്‍ വെട്ടി മിനുക്കുന്നതിലൂടെ അതിലടിഞ്ഞു കൂടാന്‍ സാധ്യതയുള്ള ചെളിയും കളയുന്നത് കൊണ്ട് തന്നെ എപ്പോഴും കൈയും കാലുമൊക്കെ വൃത്തിയായിരിക്കാന്‍ നെയില്‍ കട്ടര്‍ വഹിക്കുന്ന പങ്ക് വലുതാണ്. 

ALSO READ: ഹൃദയാഘാതത്തിന്റെ ഈ മുന്നറിയിപ്പ് സൂചനകള്‍ ഒരിക്കലും അവഗണിക്കാന്‍ പാടില്ല... ഈ രക്തപരിശോധന നിസാരമായി കാണരുത്

എന്നാല്‍ നെയില്‍ കട്ടര്‍ എപ്പോഴും ഉപയോഗിക്കുന്ന നമ്മള്‍ ഈ നെയില്‍ കട്ടറിന് പിന്നിലുള്ള ചെറിയ ഹോള്‍ എപ്പോഴെങ്കിലും ശ്രദ്ധിച്ചിട്ടുണ്ടോ? ആ കുഞ്ഞു ഹോള്‍ എന്തിനാണ് ഉപയോഗിക്കുന്നതെന്ന് ചിന്തിച്ചിട്ടുണ്ടോ? അല്ലെങ്കില്‍ അറിയുമോ നിങ്ങള്‍ക്ക്  അതെന്തിനാണെന്ന്?  നഖം മുറിക്കുന്നതിന് വേണ്ടി നമ്മള്‍ നെയില്‍ കട്ടറിന്റെ അടിയിലുള്ള ഹോള്‍ ഉപയോഗിക്കുന്നില്ലെങ്കിലും ചില കാര്യങ്ങള്‍ എളുപ്പമാക്കാന്‍ ഇത് തീര്‍ച്ചയായും സഹായിക്കുന്നു എന്നതാണ് വാസ്തവം. എങ്ങനെയെന്നല്ലേ...

നെയില്‍ കട്ടറിലുള്ള ഈ ചെറിയ ഹോള്‍ നെയില്‍ കട്ടറിന് ഭംഗി കൂട്ടാന്‍ മാത്രമുള്ളതല്ല. അത് കൊണ്ട് നടക്കാന്‍ സാധിക്കുന്ന രൂപത്തില്‍ ഒരു കീചെയ്ന്‍ ആയി ഉപയോഗിക്കാനും സഹായിക്കുന്നതാണ്. നെയില്‍ കട്ടറിലെ ഈ ചെറിയ ഹോള്‍ പ്രധാനമായും ഒരു കീചെയിന്‍ ഘടിപ്പിച്ച് നിങ്ങള്‍ക്ക് ഉപയോഗിക്കാവുന്നതാണ്. ഇങ്ങനെ നിങ്ങള്‍ക്ക് ആവശ്യത്തിന് ഇത് ഉപയോഗിക്കാന്‍ സാധിക്കും. ഇങ്ങനെ കൊണ്ടു നടന്നാല്‍ നഖം മുറിക്കുന്ന സമയത്ത് പിന്നെ നെയില്‍ കട്ടര്‍  തിരഞ്ഞു നടക്കേണ്ട അവസ്ഥയും വരില്ല.