അന്തമാൻ : 2026 ഫെബ്രുവരി 04 മുതൽ 08 വരെ കാസർഗോഡ് കുണിയ വരക്കൽ മുല്ലക്കോയ തങ്ങൾ നഗറിൽ നടക്കുന്ന സമസ്ത നൂറാം വാർഷിക മഹാ സമ്മേളനത്തിന് അന്തമാൻ -നിക്കോബാർ ദ്വീപിൽ സ്വാഗത സംഘം രൂപീകരിച്ചു. വിമ്പർലീ ഗഞ്ച് റൗളത്തുൽ ഉലൂം അറബിക് കോളേജിൽ നടന്ന സമസ്ത യുടെയും പോഷക സംഘടനകളുടെയും മഹല്ല് ഭാരവാഹികളുടെയും സംയുക്ത കൺവെൻഷനിൽ വെച്ചാണ് 313 അംഗ സ്വാഗതസംഘം രൂപീകരിച്ചത്.

സമസ്ത അന്തമാൻ - നിക്കോബാർ പ്രസിഡന്റും ഖാസിയുമായ എം. സുലൈമാൻ ഫൈസി അധ്യക്ഷനായി. സമസ്ത കേന്ദ്ര മുശാവറ മെമ്പർ ഡോ. സി. കെ. അബ്ദുറഹ്മാൻ ഫൈസി അരിപ്ര ഉദ്ഘാടനം ചെയ്തു. സമസ്ത കേരള ഇസ്ലാം മത വിദ്യാഭ്യാസ ബോർഡ് ജനറൽ മാനേജർ കെ. മോയിൻകുട്ടി മാസ്റ്റർ സമസ്ത നൂറാം വാർഷിക പദ്ധതികൾ വിശദീകരിച്ചു. സമ്മേളനത്തിന്റെ ഇം​ഗ്ലീഷിലുള്ള പ്രചാരണ പോസ്റ്റർ ഡോ. സി. കെ. അബ്ദുറഹ്മാൻ ഫൈസി സമസ്ത അന്തമാൻ പ്രസിഡന്റ്‌ എം. സുലൈമാൻ ഫൈസിക്ക് നൽകി പ്രകാശനം ചെയ്തു. അന്തമാൻ സുന്നി മുസ്ലിം ജമാഅത്ത് പ്രസിഡന്റ്‌ വി. എം. സൈനുദ്ധീൻ സേട്ട്, ഉമറലി തങ്ങൾ ഹുദവി, വി. എം.കുഞ്ഞമ്മു സേട്ട്, യൂസുഫ് ഖാസിമി പ്രസംഗിച്ചു. അന്തമാൻ സമസ്ത സെക്രട്ടറി കെ. അബ്ദുൽ സലാം ഫൈസി സ്വാഗതവും ടി.എം. ഹംസ മൗലവി നന്ദിയും പറഞ്ഞു.

The Samasta 100th Anniversary Mega Conference is set to take place, with a welcome committee formed in the Andaman Islands to organize and greet attendees for the grand centennial celebration