ദുബൈ ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂം അടുത്തിടെ നഗരത്തിലെ ഒരു മെട്രോ സ്റ്റേഷനിലെത്തി, നടന്നുകൊണ്ടിരിക്കുന്ന വികസന പ്രവർത്തനങ്ങളുടെ പുരോഗതി നേരിട്ട് വിലയിരുത്തി.

ദുബൈ റോഡ്സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) ഇൻസ്റ്റാഗ്രാമിൽ പങ്കുവെച്ച ഒരു വീഡിയോയിൽ, യുഎഇയുടെ വൈസ് പ്രസിഡന്റും പ്രധാനമന്ത്രിയുമായ ഷെയ്ഖ് മുഹമ്മദ് മെട്രോ പ്ലാറ്റ്‌ഫോമിൽ നിന്ന് ഉദ്യോഗസ്ഥരുമായി സംസാരിക്കുകയും സ്റ്റേഷന്റെ സൗകര്യങ്ങൾ നേരിട്ട് നിരീക്ഷിക്കുന്നതും കാണാം. അതേസമയം, അദ്ദേഹം ഏത് സ്റ്റേഷനാണ് സന്ദർശിച്ചതെന്നോ മെട്രോയിൽ യാത്ര ചെയ്തോ എന്നോ വ്യക്തമല്ല.

ALSO READ: യുഎഇയിൽ ജോലി നഷ്ടപ്പെട്ടോ? ILOE തൊഴിലില്ലായ്മ ഇൻഷുറൻസ് എങ്ങനെ ക്ലെയിം ചെയ്യാം എന്ന് അറിയാം

ഷെയ്ഖ് മുഹമ്മദ് മെട്രോയിൽ

ഷെയ്ഖ് മുഹമ്മദ് മുമ്പും മെട്രോയിൽ യാത്ര ചെയ്തിട്ടുണ്ട്. 2023-ൽ, അദ്ദേഹം തന്റെ സംഘത്തോടൊപ്പം മെട്രോയുടെ ഗോൾഡ് ക്യാബിനിൽ, യാത്ര ചെയ്തിരുന്നു.

2009 സെപ്റ്റംബർ 9-ന് ദുബൈ മെട്രോയുടെ ഉദ്ഘാടനം നടന്നപ്പോൾ, ആദ്യത്തെ നോൾ കാർഡ് ഉപയോഗിച്ച് ഔദ്യോഗികമായി മെട്രോ പ്രവർത്തനം ആരംഭിച്ചത് ഷെയ്ഖ് മുഹമ്മദ് ആയിരുന്നു.

ALSO READ: നൊമ്പരമായി സഊദിയിലെ 'ഉറങ്ങുന്ന രാജകുമാരൻ': വൻ ജനാവലിയുടെ സാന്നിധ്യത്തിൽ റിയാദിൽ അന്ത്യനിദ്ര, പങ്കെടുത്തത് രാജ കുടുംബാഗങ്ങൾ ഉൾപ്പെടെ വൻ ജനാവലി

ദുബൈ മെട്രോ, നഗരത്തിന്റെ പൊതുഗതാഗത ശൃംഖലയുടെ നട്ടെല്ലായി കണക്കാക്കപ്പെടുന്നു. ഇത് ലോകത്തിലെ ഏറ്റവും നീളമേറിയ ഡ്രൈവർലെസ് മെട്രോ റെയിൽ സംവിധാനമാണ്.

നിലവിൽ എമിറേറ്റ് മെട്രോയുടെ മൂന്നാമത്തെ ലൈനായ ബ്ലൂ ലൈൻ നിർമ്മാണത്തിലാണ്, ഇത് 2029 സെപ്റ്റംബർ 9 മുതൽ സജ്ജമാകും.

Sheikh Mohammed bin Rashid Al Maktoum, Dubai's Ruler and UAE Vice-President, recently visited a metro station to personally review ongoing development and operational progress. The visit, captured in a video by Dubai’s RTA, highlights his continued engagement with the emirate’s public transport initiatives, including the upcoming Blue Line set to launch in 2029.