ഗസ്സയിലേക്കുള്ള യുഎഇയുടെ ഏറ്റവും വലിയ സഹായ കപ്പലായ ഖലീഫ ഹ്യുമാനിറ്റേറിയൻ എയർ ഷിപ്പ് തിങ്കളാഴ്ച അബൂദബിയിലെ ഖലീഫ തുറമുഖത്ത് നിന്ന് 7,166 ടൺ വിവിധ ഭക്ഷ്യവസ്തുക്കൾ, മെഡിക്കൽ, ദുരിതാശ്വാസ സാമഗ്രികൾ എന്നിവയുമായി യാത്ര തിരിച്ചു. ഈ കപ്പൽ നിലവിൽ ഈജിപ്തിലെ അൽ അറിഷ് തുറമുഖത്തേക്കാണ് യാത്ര ചെയ്യുന്നത്.

മെയ് മാസത്തിൽ, ഗ്ലോബൽ ഹംഗർ മോണിറ്റർ റിപ്പോർട്ട് ചൂണ്ടിക്കാട്ടിയതനുസരിച്ച്, ​ഗസ്സയിലെ അഞ്ച് ലക്ഷം ജനങ്ങൾ പട്ടിണിയുടെ വക്കിലാണ്. ഇസ്റാഈൽ ഉപരോധം ഏർപ്പെടുത്തിയ ഈ പ്രദേശം, സെപ്റ്റംബർ അവസാനത്തോടെ ക്ഷാമത്തിന്റെ ഗുരുതരമായ അപകടസാധ്യതയെ നേരിടുന്നുണ്ടെന്നും റിപ്പോർട്ട് മുന്നറിയിപ്പ് നൽകി.

ALSO READ: യുഎഇയിൽ ജോലി നഷ്ടപ്പെട്ടോ? ILOE തൊഴിലില്ലായ്മ ഇൻഷുറൻസ് എങ്ങനെ ക്ലെയിം ചെയ്യാം എന്ന് അറിയാം

ഒക്ടോബർ മുതൽ സ്ഥിതിഗതികൾ ഗണ്യമായി വഷളായതായി ഇന്റഗ്രേറ്റഡ് ഫുഡ് സെക്യൂരിറ്റി ഫേസ് ക്ലാസിഫിക്കേഷൻ (ഐപിസി) യുടെ ഒരു റിപ്പോർട്ട് ചൂണ്ടിക്കാണിക്കുന്നു, ഇത് പലസ്തീൻ പ്രദേശത്തു സംഭവിക്കാൻ പോകുന്ന ദുരന്തത്തെക്കുറിച്ചുള്ള അന്താരാഷ്ട്ര ഏജൻസികളുടെ മുന്നറിയിപ്പുകളെ പ്രതിഫലിപ്പിക്കുന്നു.

ജീവൻ രക്ഷാ സഹായം

യുഎഇയുടെ എട്ടാമത്തെ ഖലീഫ ദുരിതാശ്വാസ കപ്പൽ ഉൾക്കൊള്ളുന്നത്:

1) 4,372 ടൺ ഭക്ഷ്യവസ്തുക്കൾ

2) 1,433 ടൺ താമസ സൗകര്യങ്ങൾ

3) 860 ടൺ മെഡിക്കൽ സാമഗ്രികൾ

4) 501 ടൺ ശുചിത്വ ഉൽപ്പന്നങ്ങൾ

ഇതോടെ യുഎഇ ​ഗസ്സയിലേക്ക് അയച്ച ദുരിതാശ്വാസ സാമഗ്രികളുടെ ആകെ അളവ് 77,266 ടൺ ആണ്.

ALSO READ: ദുബൈ മെട്രോ സ്റ്റേഷൻ നിർമ്മാണ പുരോഗതി വിലയിരുത്താൻ നേരിട്ടെത്തി ഷെയ്ഖ് മുഹമ്മദ്

ഈ ദൗത്യത്തിന് പിന്തുണ നൽകുന്നവരിൽ എമിറാത്തി റെഡ് ക്രസന്റ്, ഖലീഫ ഫൗണ്ടേഷൻ, സായിദ് ചാരിറ്റബിൾ ആൻഡ് ഹ്യൂമാനിറ്റേറിയൻ ഫൗണ്ടേഷൻ, ദാർ അൽ ബർ സൊസൈറ്റി, അജ്മാൻ ആസ്ഥാനമായുള്ള ഇന്റർനാഷണൽ ചാരിറ്റി ഓർഗനൈസേഷൻ, അൽ ഇഹ്സാൻ ചാരിറ്റി അസോസിയേഷൻ, അൽ എതിഹാദ് ചാരിറ്റി ഫൗണ്ടേഷൻ, റാസ് അൽ ഖൈമ ആസ്ഥാനമായുള്ള സക്ര് ബിൻ മുഹമ്മദ് അൽ ഖാസിമി ചാരിറ്റി ഫൗണ്ടേഷൻ എന്നിവ ഉൾപ്പെടുന്നു.

The UAE’s Khalifa Humanitarian Air Ship, carrying 7,166 tonnes of food, medical, and relief supplies, departed from Abu Dhabi’s Khalifa Port on Monday, bound for Egypt’s Al Arish Port. This mission, supporting Gaza’s critical needs, includes a field hospital to aid the region’s struggling healthcare system, bringing the UAE’s total aid to Gaza to 77,266 tonnes.